منتديات الأماكن - ارجوك كفّي دمعتك واكتمي الـ / آه لا تتركين احدٍ يحس بـ / وجعنا !

منتديات الأماكن (https://www.al-amakn.com/vb//index.php)

- ●{ذآئِقةً عَذبْــهـَ..~ (https://www.al-amakn.com/vb//forumdisplay.php?f=55)

ارجوك كفّي دمعتك واكتمي الـ / آه لا تتركين احدٍ يحس بـ / وجعنا !

http://www5.0zz0.com/2011/06/15/07/694441376.jpg

لا يا هوى القلب المعنّى ورجواه
..................... لا تتركين احدٍ يحس بـ / وجعنا !
ما ظنّي أحدٍ يحمل اللي حملناه
....................... حنّا خلقنا والمعاناه [ معنا ] !
الهم بادرنــا وحنّا ، كتمناه
.................... والوقت شتّتنا بعد ما اجتمعنا
والصبر حنّا فـ / الغرام ، ابتدعناه !
....................... لكن حـسافه صبرنا مانفعنا !
ما مرّ يومٍ فـ / بعدنا ، ما بكيناه !
.................. ومن ضيقنا كن الوطن ما وسعنا !
لامن ذكرنا وقتنا اللي قضيناه ؟
.............. صحنا بـ / عالي الصوت محدٍ [ سمعنا ] !
لـ / الوصل دربٍ من عنانا مشيناه
...................وتاليه لـ / دروب المفارق رجعنا !
يومٍ جزعنا من حمول المعاناه ؟
................... محدٍ درا عن حالنا لو جزعنا !
أرواحنا تلقى بعض فـ / المناجاه !
................... نبحر ، وننسى همّنا اللي تبعنا
ما واحدٍ منّا تنكّر لـ / مبداه
.............بـ / احساسنا .ما قد [ شرينا ، وبعنا ] !
لو غيرنا زلّت به اقدامه وتاه ؟
.................... واهداف عمره كلّها دون معنى ؟
حنّا عرفنا الوقت فـ / اوّله ، وأتلاه
...................لو ينخدع به غيرنا [ ما خدعنا ] !
ويانور عيني بادليني المواساه
........................يكفي ترى من ما دهانا شبعنا
ارجوك كفّي دمعتك واكتمي الـ / آه
........................ لا تتركين احدٍ يحس بـ / وجعنا !

- مرزوق الروقي http://www9.0zz0.com/2011/06/15/07/678975199.gif