http://www.landolakes.com/images/recipes/5479B_l.jpg


أحلى تحية للشباب والصبايا :157:

بينما كنت جائعة وأخوي الصغير مصارينه متعفسة

قلت يا بنت عيب عليج شمري عن سواعدج ودشي المطبخ

سندورة وأخت هيليوم طبخوا وأنتِ لأ !!! يا عيب الشووم :D

قلت ما في أحلى عن الوافل >> ماتعرف غيره:D

بس وافل أسطورة غير >>احلفي

إي والدليل هذي صورته

[IMG]http://www.al-amakn.net/vb/uploaded/...1264515239.jpg[/IMG]

ترى انا إذا دشيت المطبخ ما أسوي إلا كل شي مزيون وبيعئد

المقادير جايه في الطريق

بس لحظة علي شوي أشوف حوسه عند باب مطبخ الأماكن :p

أعرف الكل يبغي يذوق أول راس وافل لأول واحد يرد



المقادير

4 بيضات .. الصفار بصوب والبياض بصوب ثاني
4/1 1 ملعقة طعام خميرة جافة.
2 كاس حليب دافئ.
2/1 2 كاس دقيق منخول.
1 ملعقة صغيرة فانيلا سائلة.
2/1 ملعقة صغيرة ملح.
1 ملعقة طعام سكر.
2/1 كاس زيت

الطريقة

نضرب البياض لين ما ينفش معانا
نذوب الخميرة في الحليب
ونضيف عليها الطحين والسكر والزيت والملح والفانيلا
وبعدين نضيف البياض المضروب واللي صار مثل الكريما
لكن مو بالخلاط لاأ بالملعقة الخشبية
وخلو العجينة تخمر 40 دقيقة وخمس دقائق عشان الحبايب

وبعد ما تخلص المدة سخنوا ماكينة الوافل
وحطوا تقريبا نص إلى ثلاثة أرباع الكوب في كل قسم
وانتظروا لين ما تستوي والتهمومها في الحاااال

هالعجينة سكرها قليل يعني لما يخلص الوافل
نضيف عليه العسل أو المايبل سيروب أو كاكاو أو سكر
اللي تبغونه يعني

[IMG]http://www.al-amakn.net/vb/uploaded/...1264516286.jpg[/IMG]

وهذي صورة من وافل ماكينتي العجيبة
ميكي ماوس

[IMG]http://www.al-amakn.net/vb/uploaded/...1264516183.jpg[/IMG]

وكمان صورة لعيونكم

[IMG]http://www.al-amakn.net/vb/uploaded/...1264516346.jpg[/IMG]

فرحانة بإنجازي بعد صورة:akn55:

[IMG]http://www.al-amakn.net/vb/uploaded/...1264516417.jpg[/IMG]


ملاحظة

أحلى يتسوى وعلى طول يتاكل لأنه يكون كريسبي
وإذا ظل شوي يلين بس بعد طعمه حلو


المرة الجاية بحول ع الموالح:D
وسلامتكم