|
تكفون ياشباااااااب أبي فزعتكم!!
السلام عليكم ورحمة الله وبركاتة بكتبلكم قصتي وأبي فزعتكم وحلولكم.. انا تقريبا من 6 سنوات بالغلط تعرفت على وحدة وهي بنت ملتزمة ولا ضنيت انها ممكن تعطيني وجه بس القدر جمعنا و ارتحتلها وارتاحتلي.. مشينا مع بعض ودرسنا سوا هي اللي كانت تشجعني في دراستي الين ماتوضفت وهي تخرجت من الجامعة.. يعني ماتدرون قد ايش هذي الانسانه تعنيلي.. صرت اعتبرها اغلى من من أهلي لولاها ماعشت.. وهي بعد نفس الشي تغليني وانا كل شي بالنسبه لها.. مشالله ذكاء وشطاره وجمال وحقت بيت يعني:157::oo9:.. طبعا تعرضنا لمشاكل كثير.. هي مع اهلها واخواتها كانت تتفقع عشاني.. وانا مع اهلي واخواني كانوا يهزئوني لان مكالماتنا 24 ساعه.. اخواتي كانو يدرسون مع اخواتها الكبار سبحان الله شوفوا الصدفة.. المهم مشكلتي الحين اني ابي اروح اخطبها :0190:!! بس قبيلتهم غير عن قبيلتي بس ساكنين في نفس المدينه .. وثانيا ان اهلي يعرفونها ويعرفون اني اعرفها ومستحيل يوافقون وامي من زمان قالت ابعد عنها حلفت ماتقرب منهم.. لا وكل يوم تجيني امي تقول لقيتلك وحده تهبل.. خلاااااص بتجنن من زماااااان انا وياها نتكلم في ذا اليوم بس ماتوقعنا انه بيكون صعب لهالدرجه...يعني اي غلطه اسويها ممكن تبعدنا بعض.. فكرنا في حل بس مالقينا هي تقول انا لوبتجون تخطبون بقول امي وبتوافق.. بس المشكله انا وش أسوي تكفون سااااااااااااعدوني والله اني متضايق مره:09::09:.. خلاص ابيها وابي اتزوجها ونستقر ونبعد عن الشبهه.. اخاف احد يتقدملها واموت قهر.. ابي رايكم وشوركم.. |
رد: تكفون ياشباااااااب أبي فزعتكم!!
الله يعينك ويكفيك شر نفسك
مادري مشكلتكم ماله حل عندي بس اذا انته تقدمت لها ورفضوا اهلها معناته خلاص مالك نصيب فيها هذا مومعناته انك ما تحاول بتكرار الطلب يمكن يوافقون بس لو لك نصيب والله كاتبها لك راح تاخذها غصب عن الكل ادعي ربك واستغفر وصلي صلاة الاستخارة وشوف ربي وش يخيرك فية وعسي ان تحبوا شيئا وهو شر لكم وعسي ان تكرهوا شيئا وهو خير لكم وحاول انك ترضي امك علشان ربي يوفقك وخذ برايها يمكن هي تعرف شي او تشوف شي انته ما تعرفة انته طلبت راي وهذا رائي ودي ودعواتى لك ولها بالهداية وللجميع |
رد: تكفون ياشباااااااب أبي فزعتكم!!
●● الله سبحـآنة وتعـآلى ورآء المقـآصد فـ إذا كنت تريد أن تكون هي شريكة حيـآتك فـ حـآول مع أمك و حـآول أن تقنعهـآ أن هذه حيـآة مشتركة بين أثنين وأنت أحد أطرآفهـآ ومن حقك أن تحدد أو تقتنع بـ شريكة حيـآتك والأهم من ذلك كله أن تتجه لله سبحـآنه وتعـآلى و تدعوه و تستخيرهـ وأيضـآ ... بـ رأي شخصي أن توقفوا مـآ بينكم من أتصـآل حتى يكتب الله لكم خيرآ ولـ تفكر مليـآ ... أن الحب ليس لأنني أحب بل لأنني أتمنى السعـآدة للطرف الآخر الذي أحبه لـ ذلك ... توقف عن الإتصـآل بهـآ و ليكن هدفك هو إقنآع والدتك مع تكرآر المحـآولة سوف تقتنع إن شـآء الله. http://www.al-amakn.net/vb/uploaded/4930_1237425830.gif ! |
رد: تكفون ياشباااااااب أبي فزعتكم!!
الله يسهـل امرك واذا مره مره احسن لك تبعد عنها اهم شي " رضـآ المـآمـآ عليك " موفق خيــووو ,, |
رد: تكفون ياشباااااااب أبي فزعتكم!!
أولا أشكر كل من رد على موضوعي.. أكييد مارح أزعل الوالده .. بس ياليت أقدر أرضي الطرفين وأقنع الوالده بس مو عارف من وين أبدا.. الله يسهلها انشالله واللي عنده طريقه اوخطه بحيث يساعدني بعد قدرة الله طبعاً يطرحها في هالموضوع.. |
رد: تكفون ياشباااااااب أبي فزعتكم!!
الـــلـــه يعــــيــــــنــــــكــــ
والله ماادري ويش اقول بس صح كلام سندوو |
رد: تكفون ياشباااااااب أبي فزعتكم!!
الموضوع هذا مايبي له تكفون وعزاوي وفزعات ورجاوي
دامك رجال وتبي البنت اقدح من راسك وخذها هذا زواج يبي له قوة كلمة وشخصيه ووضوح ولو من قبيلتين مختلفه مايهم دام فيه رجال يعرف يحافظ على البنت وينشد به الظهر |
رد: تكفون ياشباااااااب أبي فزعتكم!!
هي مافيها كلام ماخذها ماخذها بس أنا ماودي أزعل الوالده.. بس بغيتها بطريقه لينه وسهله لان مافيه شي بالقوه.. مشكور انساني يعطيك العافيه على مرورك.. |
رد: تكفون ياشباااااااب أبي فزعتكم!!
اخوي 000
ماادري شقول لك بس كلام انساني ميه بالميه صح وانا معه خذها وخلاص انت تقصد دينكم غير او القبيله نفسها يعني ماتاخذون الامن قبيلتكم 000؟ سوي في نفسك شي عشانها واهيا بعد اذا هلك يحبونك جد راح يزوجونك ياها اكيد وانشالله تزوجها حاول تتنتحر مثلا 00{لاامزح}ماادري على حسب غلاتك عندهم00 انشالله افدتك بس انت تقول اكيد راح تاخذها يعني شتنتظر 000امانه لاتزوجتها قلي ابي احضر عرسكم واشوف من المحضوضه هاذي مو فيك؟؟؟لابس لانها لقت احد يحبها0000 تقبل مروري :كـــــــــبــــــــريـــــــــاء الــــــــجـــــــــنــــــــــوبـــــــ* |
| الساعة الآن 05:24 AM. |
Powered by vBulletin® Version 3.8.4
Copyright ©2000 - 2024, Jelsoft Enterprises Ltd.