احزان قلبي كنها في خفارا=حزن يسلم ياتي اخر يباشر
حزن مع هموم(ن) في جوفي تبارا=وانا المعذب في وطنها اسافر
في طيفها والصدر مشعوم نارا=نارن حطبها كل يوم يتكاثر
احاول اخفي ماسطا من حرارا=لكن وجهي مستضيح المئاثر
كل من لفاني مايقول البشارا=يسئل عسى خير(ن) كئيب الضواهر
ولا العيون اللي غدت لي حمارا=في كل ليلن مع دمعها ساهر
الله واكبر كيف كنا جسارا=على محبتنا لجل ماتناثر
وليا حصل فينا ميول وقصارا=انعدل الاميال وتصبح جوابر
نسامح بعضنا مانجيب القرارا=واليوم اشوفك ماحملتي معاذر
إلى متى وليلك ماشاع ابنهارا=وإلى متى ودموعك انتي محاجر
وإلى متى تخفين سر(ن) مرارا=وإلى متى يطويك خوف وتكابر
وإلى متى وانا عيوني سهارا=تذرف دموعن والخواطر كواسر
حنيت الك مانيب للظلم جارا=مانيب حاكم لين اتبين السواتر
ون كان قصدك ناوي(ن)بي حدارا=تبطي وتأكد انه انت اللي خاسر
ماترتضي نفسي مهون وعيارا=حر(ن) قطامي فالطويلات شاطر
لامن نوا العذال شفت الشطارا=يطوي بهم في حلهم..مايحاصر
ولاني من اللي له يمين ويسارا=مثل الألف صالب ولالي محادر
خذها وانا لاقلت في شي صارا=خذها على فعلن ترا القول باثر
لاتقول لانار ابفتيلي شرارا=اسمحلي امهلني..( ترا القلب صابر)