|
تعليمنا بين الواقع .. والمثاليه ..
مراحب جميعا
قبل لا أبتدي في موضوعي راح اسرد لكم قصه : مها كانت في زياره لصديقتها نوف في منزلها فأعجبت بطبق السمك كانت قد طبخته فسألتها عن طريقته فقالت : نجيب السمكه ونقطع راسها وذيلها .. قاطعتها مها ليه ؟ نوف : ما ادري امي تسويها كذا ! مها طيب ممكن تسألين أمك ليه ؟ نوف تتصل على أمها : ليه نقطع راس السمكه وذيلها اذا جينا نطبخها ! أم نوف : ما أدري ! جدتك كانت تسويها كذا ! أم نوف تتصل على الجده : ليه نقطع راس السمكه وذيلها عند الطبخ فردت الجده : لانه زمان من قل الماده والفقر ما كان عندي قدر كبير يشيل السمكه وعلشان تدخل بالقدر الصغير كنت اقطع راسها وذيلها!! للأسف هذا هو تعليمنا .. ناخذ أنظمة غيرنا كما هي دون تغييرها وجعلها تتناسب مع ما يتماشى مع معيشتنا ! زمان كانت طريقة تعليمنا مقتبسه من مصر...ولكن ما كل ما يتناسب مع دولة مصر يتناسب مع دولتنا ! وفوق هذا كان ليس هناك تجديد بما قد يطرأ على نظام التعليم من الدوله المقتبس منها نظامها والان.. وبعد قليلا من الصحوه من أجل تحسين مستوى التعليم عندنا تم الاتجاه لتغيير المناهج ولكن ايضا نقع بنفس خطأ السمكه والقدر ! - فكل مكان وزمان لهم أنظمتهم اللتي تتماشى مع أزمنتهم وأمكنتهم فتم اقتباس مناهج الرياضيات والعلوم كما هي دون حتى تحويرها من أجل ان تتماشى مع طريقة ونظام تعليمنا مجرد (( ترجمة )) للكتاب الامريكي واللتي قامت مكتبة العبيكان مشكوره ترجمته وطباعته - واستغرب في نفس الوقت ما هو حاجة الهيئه اللتي تم تشكيلها لتطوير الرياضيات والعلوم وهي مجرد كتب تمترجمها وتنزيلها كما هي من دوله أخرى ! أين دورهم ؟ هذا بخصوص المناهج اما في ميدان التعليم نفسه : نأتي الى أكذوبة (( دفتر التحضير )) دفتر التحضير ما أعتقد انه له دور أساسا في وقتنا الحالي في ظل التطور والكمبيوتر ودروس وعروض البور بوينت !! ولا أعتقد ان دفتر التحضير له اهميه عند معلم او معلمه لهم باع طويل في سلك التعليم !.... قد (( وأقول قد )) يكون له فائده لمن هم في بداية شق طريق التدريس عني شخصيا ...ما أعترف فيه .. ولا املك واحد وعند سؤالي عنه عبرت عن رأيي بعدم أهميته فكان الرد : معليه لو اشتري من التحاضير الجاهزه وخليه احتياط !! واستغرب أكثر تشدد بعض مديرات المدارس على دفاتر التحضير !! وللأسف ان هذي الفكره تطول حتى من هم الان في الجامعات (( في مراحل التطبيق )) : تكون طالبة الجامعه (( المتدربه )) مسترسله بشرحها ومبدعه بوسائلها وتجد تفاعل مع طالبات الفصل ومع ذلك يتم انتقادها في (( الاهداف اللتي تكتبها في خطة سير الدرس بدفتر التحضير )) !! بل احيانا وصل النقد الى التغيير في (( حركات الكلمه في الهدف )) كمثال :لا تكتبي ان (تعرف) الطالبه القانون وإنما أكتبي (( أن تعرّف )) الطالبه القانون ! وليس للطالبات فقط وانما ايضا يطال المعلمات هذا النقد ! الهذي الدرجه اصبحت السطحيه في تعليمنا ؟ وترك المضمون ! هذا بعضا مما كان يخطر بخاطري ولكم جميعا معلمين ام طلاب أم اولياء أمور الاسترسال بما ترون خاطيء في تعليمنا شاكره لكم بقلمي .. |
رد: تعليمنا بين الواقع .. والمثاليه ..
الله يعطيك العافيه اختي نفحه العود
على الطرح الجميل .. ماعندي تعليق عالموضوع لاني مو مدّرسه ولاجربت اهمية او فائدة دفتر التحضير من عدمه! بس يمكن لأن دفتر التحضير شي روتيني وتعودنا دايم يكون مع المعلمه بغض النظر عن استخدامها له! أما التعليم ونقل المناهج من دول اخرى انتي ماقصرتي كفيتي ووفيتي في تعليقك على هذي النقطه ! ربي يسعدك ويوفقك يالغاليه ! |
رد: تعليمنا بين الواقع .. والمثاليه ..
اقتباس:
دفتر التحضير يا عزيزتي تكتب فيه المعلمه خطوات سير الدرس والاساليب اللي راح تستخدمها يعني مثلا ماهي المقدمه اللي راح تذكرها وبعدها ماهي الامثله اللي راح تسردها وماهي التمارين اللي راح تعطيها الطالبات علشان تقيمهم فيه طبعا الامثله والتمارين كلها متواجده بالكتاب فليش نروح نكررها بدفتر التحضير ؟ طبعا المعلمه لما تشرح درسها صعب تتقيد بما ذكرته بالدفتر لانه ممكن وقت الحصه يجي على بالها مثال انسب مما ذكرته بالدفتر - قد يكون الدرس سهل للبنات لكن عند بعض الطالبات صعب شوي فتضطر للتنويع بالامثله واساليب الشرح علشان تقرب الصوره للطالبه يعني وقت الدرس وفي واقع الحصه يكون شرح الدرس مغاير تماما لما كتب بالدفتر هذا في حال كان التحضير بالدفتر شامل وكامل لكن غالبا يكون التحضير مثال رقم (ـــ) في صفحة رقم (ـــــ) تمرين رقم (ــــ) في صفحة (ـــ) اتمنى تكون وصلت لك مفهوم دفتر التحضير ويعطيك الف الف عافيه على مرورك وطلتك حبيبتي |
رد: تعليمنا بين الواقع .. والمثاليه ..
:)
انا فاهمه ايش يعني مفهوم دفتر التحضير وايش ينكتب فيه .. بس انا اقصد بالنسبة لي كمديره ليش يهمني ان المعلمه يكون معاها دفتر تحضير .. يعني مثل الموقف اللي صار لك قالوا لك احتياط خليه معاك ! فهنا القصد من كلامي .. :) وكلامك عن تقيد المعلمه بما كتبت في الدفتر وصعوبته لان في الحصه ممكن يتغير الوضع مثل ماقلتي فالمعلمه ماتقدر تخمن وش الأسئله اللي ممكن تواجهها من الطالبات .. والموجهه المفروض تراعي هالشي لانها كانت مدرسه في الايام وحست بهالشعور ! شاكره لك اهتمامك ومتابعتك |
رد: تعليمنا بين الواقع .. والمثاليه ..
اهلين اختي البريئه
معليش اجل انا فهمتك يمكن غلط :) بالنسبه للمديره ما يفيدها بشي يمكن يقول البعض انه اثبات لشرح الدرس وانا اقول ممكن اللي ماعندهم ذمه تكتب الدرس بدفتر التحضير ولا تشرحه وقدام المديره انه مشروح اما غيره فما فيه اي فايده غير انه يحسب منه درجتين للمعلمه في تقويمها الاداء الوظيفي فقط :) والشكر لك حبيبتي ولمتابعتك وطلتك يالغاليه هلا بك وغلا |
رد: تعليمنا بين الواقع .. والمثاليه ..
|
| الساعة الآن 07:50 PM. |
Powered by vBulletin® Version 3.8.4
Copyright ©2000 - 2024, Jelsoft Enterprises Ltd.