منتديات الأماكن

منتديات الأماكن (https://www.al-amakn.com/vb//index.php)
-   ●{ وٌزنً وَقآفِيِه ~ (https://www.al-amakn.com/vb//forumdisplay.php?f=9)
-   -   تحدي الشعار فقط (https://www.al-amakn.com/vb//showthread.php?t=66089)

جريح الزمن 30-12-2009 04:36 PM

تحدي الشعار فقط
 
السلام عليكم ورحمة الله وبركاته
الحقيقه عندي قصيده جديده وهي خاصه بالمنتدا وانا هنا اعتبرها منازله شعريه اتحدى فيها من يجاريني او يرد علي لاني بلا قصور في الحاضرين اعتبر نفسي الافضل الى ان يتبين لي العكس او ان به من يساويني بالمستوا قد يقول البعض ان هذا غرور وانا اقول لكل شخص الحق ان يتفاخر بما لديه من جزاله ولا يمنع ان يتفاخر الكل بما لديهم من فصاحه وجزاله وان حضر من هو افضل فاني وبكل روح اخويه سوف اقر له فيها على شرط ان يجاريني بنفس القافيه والوزن وب 15 بيت لا تنقص ولا تزيد اتمنى التوفيق للجميع

طاش الفكر من عقبِ ما كــانِ مسجـون # وأطـلـق عِــنـانـه كـيـفِ مـا جا خياله

خــيــل الـتـحــدي حِـجـة إلـلـي يِــزَرُون # نـعـرف سـمين الـقول من هم رجــاله

بـأبـيـاتِ شـاعـرْ شِـعره إلـلـي يِــقـرون # نـكــسِـب صِــداقة قـاصـدين الصـماله

ولا الـــــتِـــحــدي مَـــــدِتَـــه لا تِــردون # أشــقـى الـمِــفـالي ذِيــبـهــا لاعـــواله

بـأبــيـــاتِ شــعـرٍ وقعها وقـع مــوزون # مـعـتــادِ فِــي شِــعـري شِديد الجِـزاله

الــفِــكر فِــكري والـنِـقـا فــيــه مَصْيـون # مـثـل الــذهــب كــلٍ تـِــمــنـا جــمـاله

هــذي يـِـميني وأبــشِــروا مـا تِــمـنــون # طِـيـب الـلُــقـا والــكـل يــلْــقـا مَــنـاله

هــذا نِــزالي وإمـنعوا كِـلِ مَــشــحُـــون # أبْــغى الــمــراجـل عِــنـدِكمْ والـشِكاله

حـِـجـةْ وجـودي بـِيـــنـكُم فِـيـه مــقْـرون # بـأقـصـى رُدودي مَانِــويــت الـجهاله

قُـمْ يـا نِــديـبي وإعــلِـم إلــلــي يِـسِــرون # إن الــشَــهمْ لا مــا يِـجــالـس حِـثــاله

هــذا قِـصيدي وإعــرِفـوا مــا تِــقَـهوون # وقـع الـسُـيــوف إلــلي تِــلاقي مجاله

وردةْ قـِصـيـدي قـلـتـها بـأعـذب الـلــون # مِـثـل الرِبــيـع ان جا حـيـا زان حاله

وأكـشِفْ نِـوايـا قِـصتي قَـبــل تـمـسـون # لـلــي جــهــل والـجـهــل مـالــه دلاله

وإلـلـي نـووا بـالـمدح قـصـدٍ يـِحــطــون # فـالـعُذر مِـنـكم وإتـركـوا لِـي رِسـاله

أبـغـى جِـوابَ الشِـعر بِالـشـعرِ مَـرهون # يـكـسب عـلى الجزلات كل ما صبا له

وسلامتكم جميعا

أبو أسيل 30-12-2009 08:17 PM

رد: تحدي الشعار فقط
 
وانت سالم وغانم ياجريح الزمن

وصح لسانك قصيده جميله


والتحدي للشعراء موجود بالقسم وانت لم تشارك به بالوجه الصحيح


اما قصيدتك هذا فهي سهلة على المسحوب وليس بها شي للتعجيز


فمثلا لو قلت



شاعر ومتسلطن واحيان مجنون=مبدع فكر متحدين للثماله
جميع شاعر وسط مخباي مسجون=والشعر في حظرة سموي رقاله



يعني لو تبي الف بيت سهله لان البحر سهل والقافيه اسهل


اما التحدي الحقيقي فهو بالتعجيز في الوزن والقافيه


اتمنى ان تاخذكلامي بسعة صدر


اخوك


ابو اسيل

بدر عليان 30-12-2009 09:10 PM

رد: تحدي الشعار فقط
 
صح لسانكـ يالغالي ,,

والتحدّي مثل ماقال أخوي أبو أسيل فيهـ موضوع مثبّت للتحدّي وكل الأخوان متفاعلين معهـ ..

ولا أزيد على أخوي أبو أسيل لكن عندي ملاحظات على وزن بعض الأبيات

عندكـ صدر البيت الثالث تقول فيهـ

بأبيات شاعر شعره اللي [يقرون] ..

يقرون: إذا كان حرف الرا مضموم فإنت كسرة البيت .. أمّا إذا كان مشدّد يكون الوزن صحيح

ولكن ماأشوف فيهـ تشديد وهذا خلل أتمنّا تنتبه لهـ ... وبحال تكون مشددهـ راح يتغيّر المعنى

وتكون الكلمهـ بمكان غير مناسب ..:confused:

وإذا جت على الرد فا مثل ماقال أخوي أبو أسيل ماهي صعبهـ وهاكـ الحاظر على شان ماتزعل:)

ماللصّعوبهـ عندنا أي مضمون .. وماكل من يسأل نجاوب سؤالهـ

ياللي من اصدوف المقادير مطعون .. وش الذي موزيكـ يم الرزالهـ

الناس ماتشرهـ على قول مجنون .. لاشكـ مهما قال محدن رئالهـ

عليكـ بالببسي ليا صرت مغبون .. برّد وخلّكـ منبعن للجزالهـ

..

سهلهـ لو تبي أكتب للصبّح مافيهـ مشكلهـ يالغالي
..

ولاتعتقد إن كلامي ضدّكـ لا بالعكس حنّا نفرح بالشاعر ونتمنا لهـ كل خير

ولكن بعض الأساليب تجعل الآخرين يحسّون بأنكـ تفتقد لهذا الشي الذي تحاول

إكمالهـ من خلال بوحكـ وهذا غلط ..

وأتمنى إنكـ تاخذها بكل روح رياضيّهـ ..

الله يوفقكـ وإن شاءالله نشوفكـ مبدع ..

•• мš. ấหốŭď | ▐|✿~ 30-12-2009 10:30 PM

رد: تحدي الشعار فقط
 
جريح الزمن
صح لسانك واعتلا شانك
يعطيك العافيه

بو اسيل & الزئبق
صح السنتـcom جميع
شعّار ولا هانوا الباقين

الفراشه الزرقاء 31-12-2009 12:49 AM

رد: تحدي الشعار فقط
 
يــــــــــــــــاهوووووووووة

على شعارنـــــا صح لسانكم مليوووووون

عالقوة يارب
كلكم

جريح الزمن 31-12-2009 01:41 AM

رد: تحدي الشعار فقط
 
اقتباس:
المشاركة الأصلية كتبت بواسطة أبو أسيل http://www.al-amakn.net/vb/al-amakn-...s/viewpost.gif
وانت سالم وغانم ياجريح الزمن

وصح لسانك قصيده جميله


والتحدي للشعراء موجود بالقسم وانت لم تشارك به بالوجه الصحيح


اما قصيدتك هذا فهي سهلة على المسحوب وليس بها شي للتعجيز


فمثلا لو قلت




شاعر ومتسلطن واحيان مجنون=مبدع فكر متحدين للثماله

جميع شاعر وسط مخباي مسجون=والشعر في حظرة سموي رقاله



يعني لو تبي الف بيت سهله لان البحر سهل والقافيه اسهل


اما التحدي الحقيقي فهو بالتعجيز في الوزن والقافيه


اتمنى ان تاخذكلامي بسعة صدر


اخوك


ابو اسيل


مرحبا مشرفنا الغالي ابو اسيل
وتسلم على المرور وتأكد ان ثقتي بنفسي كبيره
واشكر لك مرورك الذي فعلا احترمه واقدره
ويبقى الاهم انك لم تجاري قصيدتي وما ذكرت من ملاحظات
لا تعفي من المجاراه وتقزيم مشاركتي لا يقل من شانها
بل على العكس هذا دليل تفاعل وضرب مثل على بيتين لا يعطي الواقع انها سهله
وانا اعرف شعار كبار في الساحه الشعريه نظموا على بحر المسحوب ومازالت قصائدهم
تردد الى يومنا هذا مثل محمد القاضي وبديوي الوقداني والهزاني وابن سبيل وبركات الشريف
ولعل ما ذكرت لايؤكد ذريعتك بسهولة البحر ولكن تكمن العبره في عمق المفرده ومعناها
اما بالنسبه الى الموضوع المثبت فانا شاركت بست ابيات ولم يرد على احد بل اجزم ان الموضوع شبه مهمل الا من بعض المشاركات المنفرده والمشاركات مشتته وليس لها هدف
ارجوا ان تتقبل ردي بكل اخويه
وفعلا اسعدني مرورك وكم تمنيت ان تجاريني
كي نسجل صفحه جديده للمجاراه وكل يفرد عضلاته
على حسب جزالته وعمقه في الشعر
كل التقدير لشخصك الكريم

جريح الزمن 31-12-2009 01:58 AM

رد: تحدي الشعار فقط
 
اقتباس:
المشاركة الأصلية كتبت بواسطة × الزئبق الأحمر × http://www.al-amakn.net/vb/al-amakn-...s/viewpost.gif
صح لسانكـ يالغالي ,,

والتحدّي مثل ماقال أخوي أبو أسيل فيهـ موضوع مثبّت للتحدّي وكل الأخوان متفاعلين معهـ ..

ولا أزيد على أخوي أبو أسيل لكن عندي ملاحظات على وزن بعض الأبيات

عندكـ صدر البيت الثالث تقول فيهـ

بأبيات شاعر شعره اللي [يقرون] ..

يقرون: إذا كان حرف الرا مضموم فإنت كسرة البيت .. أمّا إذا كان مشدّد يكون الوزن صحيح

ولكن ماأشوف فيهـ تشديد وهذا خلل أتمنّا تنتبه لهـ ... وبحال تكون مشددهـ راح يتغيّر المعنى

وتكون الكلمهـ بمكان غير مناسب ..:confused:

وإذا جت على الرد فا مثل ماقال أخوي أبو أسيل ماهي صعبهـ وهاكـ الحاظر على شان ماتزعل:)

ماللصّعوبهـ عندنا أي مضمون .. وماكل من يسأل نجاوب سؤالهـ

ياللي من اصدوف المقادير مطعون .. وش الذي موزيكـ يم الرزالهـ

الناس ماتشرهـ على قول مجنون .. لاشكـ مهما قال محدن رئالهـ

عليكـ بالببسي ليا صرت مغبون .. برّد وخلّكـ منبعن للجزالهـ

..

سهلهـ لو تبي أكتب للصبّح مافيهـ مشكلهـ يالغالي
..

ولاتعتقد إن كلامي ضدّكـ لا بالعكس حنّا نفرح بالشاعر ونتمنا لهـ كل خير

ولكن بعض الأساليب تجعل الآخرين يحسّون بأنكـ تفتقد لهذا الشي الذي تحاول

إكمالهـ من خلال بوحكـ وهذا غلط ..

وأتمنى إنكـ تاخذها بكل روح رياضيّهـ ..

الله يوفقكـ وإن شاءالله نشوفكـ مبدع ..


مرحبا اخي العزيز الزئبق الاحمر فعلا سعيد بمرورك وتعليقك الذي اسعدني
اما بالنسبه لما ذكرت للبيت الثالث لكلمة شاعر فانها مسكنه ولا تحتاج الى التشديد لان التشديد يكون فيه تطويل مثل شدْ وشدّ وهي تساوي شدد
وبعدين اشلون يتغير معناها وهي تصف شاعر وشدها وتسكينها لا يغير معناها
اخي العزيز تمنيت ان تجاري قصيدتي بدل من ان تؤيد مشرفنا القدير وتقع معه في نفس الخطأ
من تقزيم لمشاركتي بما انكم مشرفين المنتدا وبما ان مشاركتي صحيحه فكان الاولى ان تباركوا لي محاولتي وان تقدروها ولكن ما رايته كان العكس كان محاولة هضم مجهود .
لااحب ان اتشعب في الموضوع ولكن كنت سأكون سعيد لو تمت المجاراه وخصوصا اني اعرف انك شخص جريء ومتمكن فما يمنعك من المجاراه وللأعضاء الحكم على مشاركاتنا
كل المحبه والتقدير لك اخي الزئبق وتاكد اني لم اتأثر بل على العكس سعيد واتمنى مروركم
لمواضيعي لاتشرف بتواجدكم ودمتم بكل حب وتقدير

جريح الزمن 31-12-2009 02:01 AM

رد: تحدي الشعار فقط
 
اقتباس:
المشاركة الأصلية كتبت بواسطة هلاليه والفخر ليه http://www.al-amakn.net/vb/al-amakn-...s/viewpost.gif
جريح الزمن
صح لسانك واعتلا شانك
يعطيك العافيه

بو اسيل & الزئبق
صح السنتـcom جميع
شعّار ولا هانوا الباقين

صح الله السانج اختي هلاليه وشكرا على المرور

جريح الزمن 31-12-2009 02:03 AM

رد: تحدي الشعار فقط
 
اقتباس:

المشاركة الأصلية كتبت بواسطة الفراشه الزرقاء (المشاركة 1237246)
يــــــــــــــــاهوووووووووة

على شعارنـــــا صح لسانكم مليوووووون

عالقوة يارب
كلكم


صح الله ابدانج وعلا شأنج
والله يقويج يارب ويحفظج
دمتي بود

الحر القطامي 31-12-2009 02:46 AM

رد: تحدي الشعار فقط
 
. . .

الله الله الله

وشو ذا ياولد اهجد

وصح الله اللسانك فيك الخير والبركه لكن مايجوز تعدى على غيرك

انت واثق من نفسك على العين وعلى الراس انت وشاعريتك

لكن مايجوز انك تعدى على احد وتنقص شاعريته كذا تنظر لك الانظار بنظره ثانيه

بتقول اتحدى مو اسلوب تحدي هذا .. هذا اسلوب استنقاص

ومثل ماذكرو الفحول اللي قبلي مافيه شي تعجيزي صنعته وابرزته للتحدي

وبعدين ياخلودي يامعدي الحدودي

ندري ان الرد لازم يكون بنفس الوزن ونفس القافيه والمعنى

عاد تشفيرته او توضيحه هذا بين الشعار وعلى حسب القصيده المسنده

لكن ماتشرط ان الرد يكون حسب عدد الابيات المسنده

يمكن يكون فيه بيت من الرد يسوى 3 ابيات من السند

لكن خذ هذي هديه مني


سجت هجوسي في رسايل بلا اركون=رسى علينا والعزا في مقاله
جاك القطامي ومن تنصوك يكفون=والكل فالمعقود يفرد محاله
خل التحدي دامك امسيت مغبون=والرجل نعرف شيمته من خصاله
لكن مايسلم مناطح بلا اقرون=خذها نصيحه ياللي تبغى المساله
ابعد عن اللي فالملاقى يرومون=اليا ارتكى الواحد على الحمل شاله

ونشكرلك مشاركتك

وثاني مره لاتعصب علينا .. خلك امور وشطور

تحياتي

•• мš. ấหốŭď | ▐|✿~ 31-12-2009 06:56 AM

رد: تحدي الشعار فقط
 
جـاك القطامـي ومـن تنصـوك يكفـون
والـكــل فالـمـعـقـود يــفــرد مـحـالــه


صح لسانك الحر
والنعم فيكـ والله

<<<<انبسطت حيل ع الردود هع

جريح الزمن 31-12-2009 02:39 PM

رد: تحدي الشعار فقط
 
السلام عليكم ورحمة الله وبركاته
وبعد :
شكرا أخي الحر القطامي المشرف الغالي والله ودي اعرف من وين تعرف اسمي ولا مدري جات معك جذيه بس احب اقولك اني ما استنقصت من احد شي ولو قريتو كلامي عدل كنوا عرفتوا اني اقصد الشعار والاحترام للهواه والمبتدئين كل الاحترام ونحن يوم من الايام كنا كذالك ومع الممارسه وصلنا لما نحن عليه اما بالنسبه للرديات فما يحضرني اني قرأت ان احد ارسل قصيده من خمسة عشر بيت وجاه الرد على ثلاث ابيات طال عمرك والحاضرين,يمكن ينقص بيت بيتين على اكثر تقدير اما يكون الجواب ابيات بعدد الاصابع فاسمحلي يا طويل العمر فانا اعتبر هذا استقلال من قيمة الشاعر وطريقة الرد عليه من كرمك على حاشي ما تعشيه على دجاجه ولا انا غلطان .
مازلت اقول اننا اخوه وليس في قلبي شي على احد والله الشاهد مقدي ان احرك الجو الشعري وان يكون هناك حماس حتى يتشوق المتلقي لكل جديد اما فكرة تثبيت موضوع وتكون الردود عليه فوق الميتين فما اعتقد ان الفكره بتوصل لان بتضيع القصيده وسط الكم الهائل من الردود
المهم انا جهزت ردي على الجماعه وانشاء الله يجيني الرد وكلن على سعته :

مثـلي حـكيم وقــافي يـلعب عـلى إفنون = مــهــجة كـــــلامي تحتشم بالجزاله

وإلي وصف نظمي على الهون مجنون = محــدٍ حــوا قــافي ولاصـــار مـــــاله

مــا نـالـنـي مـنـكـم ولـو كـود تـهـجــون = بـعـض الـكـلام إيــدلــكــم للــجهاله

قـالـوا غــرور ومـسـني مـس مـلـعــون = مـحـدٍ عرف وإشلون يكسب زماله

شــعـري جـزل والـواو يـبـقا مـع النون = فـي مـلـعبي هـاض الشعر لا محاله

خــلـوا ســوالـف فـزعة إلـلـي تِــزرون = محــدٍ حـمل حـــملي ولا جــا بــداله

سـتْ وسـبـعْ مــع العـدد لـيــن مـلــيون = في المقدره على الشــعر وإشتعاله

لـي مـطـلـبي خـمسة عشر بيت موزون = قـلـتـوا كـبـيره واعــتمرتوا الهواله

عجـبي عـجب من عارف الناس يخفون = كـيـف الـمـعاني عـنـدهم في هَزاله

والـمـشـكـلـه تــبــدي مـع الناس يقـفون = مـقـفي الحسير إلي تـمروا زواله

قــلــتـوا مـثـل بـيـتـين والـنــاس يـثـنـون = مـع الـشكر والـكـل يـطـبـع مـقـاله

حــرالـقــطامي حــر يـاطـيــر مـيــمـــون = مـثـلك كـــريم وزاد فــعــله نـــواله

إســمي عــرفـته ولا تـضرب به إضنون = كــيــف إتــعرف ومـنـين تورد مئاله

والـخـتـم بـانــت شــلة الـلـي تـحـمــدون = مــن ســوقوا في حمدهم وإختزاله

والـعــذر كــان قـولي يـغــضب وتــدرون = إن الـــردود الـــعــاجله في عجاله

وسلامتكم

ورد وبــارود 31-12-2009 03:01 PM

رد: تحدي الشعار فقط
 
صح السانك جريح الزمن والسنت الشعراء

والموضوع مافيه مشكله بالعكس فكره حلوووه وحماسيه

وعجبتني واكتفي اني اكون فقط متفرجه على ابداعاتكم بهذا الموضوع

وننتظر رد الشعراء فيكم الخير والبركه

اما بخصوص الموضوع اللي مثبت مو مشكله هذا لمرور الاعضاء ووضع مشاركاتهم اما بيت او بيتين

ومو شرط يكون شاعر متمكن حتى المبتدئين يحاولون وانا بعد عجبني كثيييير وبحاول لين اتمكن

وتعتبر فكرة ابو اسيل مدرسه لهوات الشعر والمبتدئين والاستفاده من النصائح

اما هذا الموضوع لتحدي بشروط وابيات محسوبه ولشعراء المتمكنين

يعطيك العافيه ع الفكره الرائعه جريح الزمن .....

تحيتي لشخصك الفاضل ....

بدر عليان 31-12-2009 05:42 PM

رد: تحدي الشعار فقط
 
يالغالي أنا أتكلم على كلمة [ يقرون ] وليس كلمة شاعر ... كلمة [يقرون] كسر واضح ..

أتمنى إنّكـ تنتبهـ لنفسكـ ترى الرد مهو صعب وإذا كنت واثق من نفسكـ خلّكـ ساكت

ولاتحتقر الآخرين .. ومثل مايقولون واثق الخطوهـ يمشي ملكآ .. يعني مايروح يتعدّى على

الناس ..

وبالنسبهـ لردّكـ الثاني أنا صراحهـ قريت أول شطر ووقفت عندهـ لأنهـ بدى بكسر وماكمّلت القراءهـ

[مثـلي حـكيم وقــافي يـلعب عـلى إفنون ] = مكسور.. حرف اليا في كلمة [ قافي] زائدهـ ..

الله يوفقكـ وأتمنّى إن الحديث مايطول لأجل أن لا نتطرّق إلى ردود قد تسيئ للآخرين

وتحطّم المعنويات ..

لاتجعل نفسكـ هدفآ ...:)

ودّي

جريح الزمن 31-12-2009 07:22 PM

رد: تحدي الشعار فقط
 
اقتباس:

المشاركة الأصلية كتبت بواسطة ورد وبــارود (المشاركة 1237676)
صح السانك جريح الزمن والسنت الشعراء

والموضوع مافيه مشكله بالعكس فكره حلوووه وحماسيه

وعجبتني واكتفي اني اكون فقط متفرجه على ابداعاتكم بهذا الموضوع

وننتظر رد الشعراء فيكم الخير والبركه

اما بخصوص الموضوع اللي مثبت مو مشكله هذا لمرور الاعضاء ووضع مشاركاتهم اما بيت او بيتين

ومو شرط يكون شاعر متمكن حتى المبتدئين يحاولون وانا بعد عجبني كثيييير وبحاول لين اتمكن

وتعتبر فكرة ابو اسيل مدرسه لهوات الشعر والمبتدئين والاستفاده من النصائح

اما هذا الموضوع لتحدي بشروط وابيات محسوبه ولشعراء المتمكنين

يعطيك العافيه ع الفكره الرائعه جريح الزمن .....

تحيتي لشخصك الفاضل ....

مرحبا ورد وبارود واشكر لج مرورج الغالي
وصح الله ابدانج


الساعة الآن 10:44 AM.

Powered by vBulletin® Version 3.8.4
Copyright ©2000 - 2024, Jelsoft Enterprises Ltd.
This Forum used Arshfny Mod by islam servant