|
|
|
( ظاهرة المتسولين )
مساء الخير كثيراً ما نلاحظ المتوسلين موجودين عند الإشارات كبير السن والطفل والمرأة والمعاق لكن وبعد المكاسب التي يحققونها من وراء التسول ولوجود العاطفة ورقة القلب لدى النساء بذات بدأ هؤلاء المتسولين يعملون بحرفية أكبر بطرق أبواب المنازل أو يأتيك شاب الله معطيه الصحة متقن اللهجة السعودية أو شبة إتقان يقول أن بسافر لأهلي وسيارتي عطلانه ساعدني أصلحها ( أغلب المتسولين أن لم يكن كلهم غير سعوديين) ولو تسألهم أو تتكلم معهم بالتأكيد سوف تعرف من أي دوله وهو بكل وقاحة يمثل دور السعودي . وماشاء الله بناتنا السعوديات عليهم عاطفة ماشفت زيها في العالم بس يمد يده لها يجيه الخير حتى لو كانت طالبه ومامعها إلا مصروفها وأظن أغلب نساء الخليج , والمشكلة أن أغلب المتسولين تبع جماعات منظمة دخلهم اليومي فوق الخيال لا يصدق يدخلهم يومياً من التسول في شوراع الرياض ألوف الريالات . مهما حاولوا مكافحة التسول من منع هذه الظاهره لا يستطيعوا إقافها إلا إذا أصبح المجتمع لدينا واعي ولم يعطي هؤلاء المتسولين أي مبلغ في هذه الحالة يضطر المتسولين ليعملوا أو يرجعوا لدولهم لأنه توقف مصدر المال , نتمنى أن ينتشر الوعي لناس من خلال وسائل الاعلام . وكلكم يعرف أنه ولله الحمد موجود لدينا في السعودية جمعيات خيرية في كل مكان ومدعومه بشكل كبير من قبل الدولة , أي محتاج صادق يذهب لأي جمعية خيرية وبإذن الله يحصل على مايريد لكن اللي في الشوارع مو محتاجين ماهم إلا جماعات منظمة يجب على الجميع مكافحتهم . هذا رأيي و أنتظر آرائكم المفيدة |
أخوي النمر.... للأسف هذه ظاهرة قديمة... ومتجدده.... وكلنا نعي حرمة التسول شرعاً.... ولكن كما ذكرت لنا من أسباب انتشاره واستمراره...تلك القلوب الضعيفة... وأنا مع الأسف الشديد منهم... وقد يكون هذا غباء مني ومن من هم مثلي.... ولكن ماذا أفعل....هناك أشخاص تشفق عليهم... ودي أترك هالعادة... لأنني مقتنعه بنها خاطئة... ومحرمه... ومقتنعه بأنهم يستغفلوننا... وللعلم هناك بعض المتسولين يبان عليهم الكذب واللؤم... والله مدري شقولك أخوي.... ولكن أنا معك في أننا لا بد أن نحاربهم حتى نقضي عليهم... وادعو الله أن نتمكن من تخفيف هذه الظاهرة.... تقبل شكري وإعجابي بكل ما تطرحه أخوي النمر... ولك تحيتي... *وهم* *************************** |
وهم مساء الخير من جد هذه مشكلتنا رقة قلوبكم مهما حاولوا مكافحة التسول منعهم مايقدرون عارفه ليه ؟ لأنك أنتي وأمثالك عندنا في الرياض متواجدين بكثرة, دائماً تعطونهم وهم لكِ كل الشكر على أبداء رأيك وأتمنى من الله يوفقك على نواياك الخيرة . |
النمر يعطيك العافية على الطرح الجيد والحقيقة أنا انتشرت بشكل كبير خصوصاً أنها لم تجد رادعاً ومكافحاً لها وتعاطف الناس معهم ادى كذلك لتفاقم تلك الظاهرة وكلنا نعلم أن هناك عصابات منظمة تستخدم الأطفال من أجل التسول ,,, والتوعية شئ مهم جداً فلم أجد أي توعية وتحذير من هذه الظاهرة دمت كما تحب http://www.al-amakn.net/up2/uploads/a84bc62362.gif |
فيض الحنان لا مجال لإيقاف المتسولين إلا في التوعية نعم كما قلتي لا يوجد أي توعية , كذلك فيها إستغلال للأطفال يستأجرون الطفل من أهله ويستغلونه في التسول وفي خدمتهم . فيض الحنان لكِ كل الشكر على أبداء رأيك وإطلاعك |
المشكله هذي بسببنا نحن هناك جمعية تستقبل التبرعات ليها ما نروح ونسلم تبرعاتنا بايدينا لهذه الجمعيه واذا على القصص انا اعرف قص كثيره وهي كذب لكن الله المستعان وسي يووووووو |
عاشق سراب نعم صدقت في كلامك شكراً على ردك |
النمر
موضوع متميز اشكرك لك هذا الطرح لا استطيع ان اضيف شي ء على ماقالوا اخواني وخواتي الي قبل لي ومثل ماقلت لكن حبيت اقول انه مو كل النساء مثل ماقلت والمشكله حنا نعطي وماندري هل هم بحاجه او لا ومثل ماقال اخوي عاشق سراب ليه مانعطي الجمعيات وهي اكيد رح توصلها للي يستحقها ومشكلتنا العاطفه الزايده والكثير منهم يكذب ونلاقيهم في الحرم المكي بكثره وباين عليهم انه هذي عاده عندهم الا قول تجاره تلاقيهم يعملون المستحيل علشان يتسولون من بتر احد اعضائهم وسرقة الاطفال والتشويه وغيرها انا بصراحه لما يجي احد يتسول اقوله والله فيه الجمعيات واذا ماتدلينها ادلك عليها وصدقني انها تروح من وجهي ولا شوف لها اثر وبدأ بعض الشباب السعودي مع احترامي للجميع طبعا يتسول ماادري لكثرة البطاله او لانه يلاقيها اسهل شيء له وخاصة عند الصرافات والبنوك تذكرت موقف صار لاحد الاشخاص كان الشخص هذا بوفيه وجاء له واحد من المتسولين او وحده ماادري بالضبط جلس يطلب افلوس يتعلل بأنه جيعان بالمره وانه وانه قالها مدام انك جيعان خلاص قولي وش الي تبي وانا اشتري لك بس قول وش اتحب اول ماقاله هالشيء طلع من المحل طبعا هذا اكبر دليل انه مو بحاجه لها ابدا طبعا هذي وجهت نظري المحاجر |
المحاجر مساء الخير وجهة نظرك رائعة ومفيدة لكن عندي ملاحظة ترا أكثر من 90% من المتسولين مو سعوديين وأنت لما تتكلم مع أحد منهم تعرف أنه مو سعودي وتعرف من أي دولة ما أبي أقول اسم دولتهم بشكل عام لأن فيهم ناس محترمين و لأني ما أحب أجرح أحد . |
طرح ممتاز جيت ع الجرح والله هالظاهرة حتى عندنا منتشرة بكثرة وفي تكاثر مستمر ولله الحمد.. بالنسبة لي انا ما اعطي احد لأني مرت علي أشكال ألوان من هالنوعيات كل واحد فيهم يتفنن بطريقة التسول منهم من يجيب لك ورقة يقال لها طبية تبين لك ان معاه مرض خطير ويحتاج علاج سريع ومنهم من يجيب لك طفل مسكين ويجلسه على كرسي ويلف فيه البلد ومنهم من يجلس ع الأرض ماد لك ايده.. بصراحة هالفئات ما تنعطى وجه بالمرة كلما اعطيتهم اخذوا وجه زيادة ويرسلوا لك من طرفهم وجوه مختلفة لأنهم عارفين انك كريم وما تقصر مع اللي يجيك:0118: ياخي صرنا نشوفهم في كل مكان في المراكز والحدائق ومحلات الذهب والبيوت حتى المستشفيات ما يقصرون ويجوها المفروض يكون فيه سكيوريتي(أمن) يمنعون دخول هالأشكال.. وحدة جت عندي في مركز وحاملة كيس من محل معروف وتطلب قلت لها طيب اقلها خبي الكيس وبعدها تعالي اطلبي:0118: على فكرة تذكرت قصة وحبيت أذكرها عشان تنتبهون لها وهي طريقة حديثة ومبتكرة عُرضت في المسلسل السوري الساخر مرايا وأصبحت تُطبّق الآن بكثرة وحصلت مع ابوي شخصياّ في الصيف في سوريا.. وهو ماشي في أمان الله في السيارة وطبعا الأرقام اماراتية طلع بوجهه واحد رمى نفسه ع السيارة وبعدها رمى نفسه ع الأرض وادعى ان ايده انكسرت ومتألم ويصيح من الألم وفجأة يجيك ذاك المنقذ صديقه اللي وقف ابوي وقاله انه دعم الشخص وكسر ايده ولازم يدفع له مبلغ وقدره عشان يتعالج ومن هالكلام طبعا كل اللي صار ماهو الا قصة مختلقة وطريقة للاحتيال للحصول على المال واحنا ولا درينا الا في الوقت الضائع مالكم بالبقية ولكن حبيت اذكرها للي يروحون سوريا بسياراتهم الخاصة عشان ينتبهون من هالأشكال المحتالة.. شكلي زودتها بالإطالة:11age5: يعطيك العافية النمر على الطرح والله هالناس مثل ما قلت محتاجة توعية أكثر |
كل الحزن لكِ كل التقدير على إطلاعك وأبداء رأيك . وأما عن قصتكم في سوريا أحمدي ربك أنها جت على قد كذا واللي يروح سوريا ينتبه من أيش ولا أيش الله يعينهم العوائل اللي يروحون لسوريا . أكرر الشكر لكِ . |
أشكر لسعادتكم
هذا الموضوع الراقي الذي يعكس مدى إهتمامكم ورعايتكم بالأعضاء دمتم في حفظ الله ورعايته |
السحاب 2005 شكراً على مرورك |
مشكووووووووور عـ الموضووع
وليـ رجعه |
هلا بك يالنمر
موضوع التسول جميع الدول تشكتي منه ولكن وش تقول والحمدلله عندنا جمعيات خيريه تساعد الفقراء والمحتاجين واتمنا ان هذي الظاهره تزول من جميع المجتمعات للظهور امام الغير بمظهر لائق . تحياتي لك يالنمر وتشكرات على هيك موضوع رائع |
| الساعة الآن 01:51 PM. |
|
Powered by vBulletin® Version 3.8.4
Copyright ©2000 - 2024, Jelsoft Enterprises Ltd.