همــــسات
صباح . مساء
الخــــــــــــــير ابيات قديمه وما حبيت انزل كل وحده وحدها لأنها لاترتقي الى ما اريده قلت اجمعها واحطها في موضوع واحد سوري لو كثرناها شوي
ياوجودي كـل ماجيـت استريـح=زاد هم القلب وامسى ما استـراح وياوجودي كـل ماوقفـت اطيـح=طيحت اللي طاح من جرح الرماح كلمـا مريـت لـي ورقٍ يصيـح=فز قلبـي مـن معاليقـه وصـاح ويش اسوي فيك يالقلب الجريـح=شاربٍ كاسين مـن سـمٍ ذحـاح سبت المزيـون والوجـه المليـح=كلما يطري علـي الدمـع سـاح
يامن كويت القلب هـدي وحاسـب=الوقت ضده وانت يالتـرف ضـده فالهجر يابن الناس ويش انت كاسب=الصـد والهجـران مانيـب قـده دقيت فـي قلـب المعنـا مناسـب=علـى الـردا يازيـن لالا تحـده انت الوحيد اللـي لقلبـي يناسـب=ياغايتـه ومنـاه يــا كــل وده غيرك لو اخطا معي يلقا محاسـب=وانته خطاك ان صار محـدً يـرده
ياذا الحمام اللي على الغصن ساجع=حسبي عليك الله ونعـم الوكيلـي صحيت كل جروحنـا والمواجـع=وخليـت ليلـي عـن 30 ليـلـي كرهتني حلـو الكـرا والمهاجـع=مغير احط امن المشاكل واشيلـي ذكرتني من قـال مانيـب راجـع=واصبح لقاه اصعب من المستحيلي
لي صاحبٍ لا اقبل بعد كان مبطي=اصير مثل اللي من الشرب فاقـد لولا الغضي ما شافت الناس خطي=اسهر وغيري تالي الليـل راقـد يابو جديلٍ كل ما ارضيه يخطـي=اوقدت في قلبي من النـار واقـد سبحان من كل الحلا فيك حطـي=سكر خفيف ان قلت وان قلت عاقد لا ياقمر ليلي وبحـري وشطـي=كلمة هـلا تسـوى ثمانيـن ناقـد
الشعر ياهل الشعر مثـل البنـادق=فيـه الهوائيـه وفيـه البلاجيـك قلتـه وانـا والله يانـاس صـادق=والصدق من كل المشاكل ينجيـك شعَارنـا كثـر الشقـق والفنـادق=لاكن وين اللـي بقافـه يناجيـك يالشعر جوك اهل البقر والصنادق=ولا اظن عيني بعد ما شفت ترجيك من بعد بندر راح وسط الخنـادق=طالبك لالالا تجينـي ولا اجيـك
كن في وسط الحشى جمرة زقـاره=كيف ابا اعارض وممنوع اعتراضي راكب اللي قيمتـه قيمـة عمـاره=ما شـروه الا هواميـر الرياضـي رنجروفر ماهـي بددسـن غمـاره=ما شراه يجيـب سواقـه مقاضـي المعـاون شيـخ والسـواق طـاره=لامشى يختال من فـوق الاراضـي نصه اللي بيـن ساجـر والقـراره=ربعنا اللي تكسي الغامـق بياضـي علـم المطنـوخ مافيـه استخـاره=من يوصلني وانا مخبـاي فاضـي وقتنا زود علـى الكحـه حـراره=لو رضى الجبان انا مانيب راضـي صبرنـا تاليـه عـود بالخـسـاره=في حرا برقن بتالي الليـل ناضـي ان فزع يعطيـك فاللحظـه قـراره=لا يظن الهرج هذا هـرج فاضـي وان تعذر مانقـص عنـدي وقـاره=بس لا يزعل ليـا علمـت قاضـي وان زعل قلـه وعدنـا فالـوزاره=شغـل الموتـر وعـود للرياضـي
انـا اللـذي راسـي مـن السـود مبيـض=وسوالفـي معهـا طويـلات واعــراض وش فايدة تعذيب رجلـي علـى الركـض=لا صار حظي معرض ن عنـي اعـراض يامن تعوض اللي يحافـظ علـى الفـرض=تعوضني عـن قـرب عايـض وعـواض من عظمتك حطيت وجهـي علـى الارض=ودينك علاج القلـب مـن كـل الامـراض تبنـي جـدار ن كــل مبنـيـه ينـقـض=وتزيـح هـم ن كـل مـا زاد مـا غـاض مـن لامنـي اليـا بغـى النـوم غـمـض=وانا انقل همومـي مـن القـاض للقـاض ايديننـا مـا تمـلـك الفـتـل والنـقـض=ولا تملك احضوض ن مع الناس الاحضاض يا مـا قطعنـا البيـد بالطـول والعـرض=ويـا مـا مشينـا مـع سنافـي وخـواض ما فيـه زبـده غيـر تاتـي بعـد خـض=والسيل ما يجـرح ليـا صـار مـا فـاض ومـن جالـس المرضـان لابـد يمـرض=ومن جالس اهل الطيـب بالطيـب ينعـاض |
رد: همــــسات
يعطيك العافيه
كلمااااتك غااايه في الرووعه ماننحرم من مواضيعك المميزهَ في أنتظـــار .......... القادم منك .... مــــــودتيَ .... |
رد: همــــسات
للماضي في داخلنا عشق قديم
وكيف يكون لنا حضر اذا لم نستمتع بالماضي محمد اكثر من رائع كلمات ماضيها كان اجمل من حاضرها تسلم على الطرح الرائع ودمت بكل الود |
رد: همــــسات
الله عليك ياولد عتيبه
ابيات جميله ووزن اعشقه دائما تقبل مروري |
رد: همــــسات
|
رد: همــــسات
صح بدن كل سمو منكم
ولا هنتو على ماقلتو اجمل تحيه لكم مروركم زادني سرور اما بالنسبه لكلامك يا اخي امبراطور صح الخطا في نسيان الالف في كلمة جبان والصحيح الجابان يعني انا احس انها تنطق ولا تكتب وانا سعيد بمرورك العملاق |
رد: همــــسات
|
رد: همــــسات
اغلى حبيبه
صح بدن سموك الكريم شكراٍ ع المرور المنور |
رد: همــــسات
كلمات راقت لي كثيراً
صح لسآن قايلها وتسلم ايدينك اشكرك |
الساعة الآن 11:22 PM. |
Powered by vBulletin® Version 3.8.4
Copyright ©2000 - 2024, Jelsoft Enterprises Ltd.