من عشانه يعيش الحب


هجير الشوق ذابحني
وانت ولا داري يازعلان
كبيره حيل هالزعله
ونيراني تكبر مع الأحزان
أغليك من قلبي
وأنت الدوا لصرت مرضان
وانت إبتسامتي
يالغالي إذا جتني ضيقة
الحيران
عساني ماانحرم منك
يا أسمى وأنبل إنسان
عساك دايم معي
مسكنك وسط قلبي
وماإلك جيران
محتاره كيف ارضيك
وانت الحبيب
وانا الولهان
ماأنساك يابعدي
واشهد أنك
لهيب العاشق
السهران
ميت أنا فيك
ولي في عيونك
الرقده والأكفان
لان قبري
وسط قلبك
وانت الي
نعمة من الرحمن
تكفى حياتي
لاتبتعد عني
وتجدد الأشجان
لاتغيب عن عيني
وقلبي وتسعر النيران
لأنك المختار
من قلبٍ
مايعرف النكران
خايفه
تقسى على قلبي
ويتجرع من الحرمان
ترى
والله قلبي ضعيف
مايتحمل طعن الخلان
وإن نويت بيوم
البعد لاترتجي مني إحسان
لاتحسب
انك بعد الخطا
تجي كلمه الغفران
لان الخطا بالخطا
مايصطلح ياصاحب الشان
عارف انت
حبك مصدر
الهامي
ومن دونك
لاكنت يافلان
وعلى شانك
ابيع النظر
لأهل النظر
وابقى مع العميان
بقلمي
بنت القمر

شكر لك بحجم السماء وبعدد مزونه واكثر
لك مني كل الود
ولروحك الطهر