|
|
|
محتااره أحول من " الاتصالات" إلى " موبايلي" !؟
السلام عليكم
موضوعي أطلب فيه آرائكم وتجاربكم مع خدمات الاتصالات في شبكات الاتصال عند كل من ( موبايلي - سوا - زين) ! انا جوالي stc وماني مرتاحه فيه .. احسهم نصابين والفاتوره تجي دبل .. فلسوني ! :mad: فحبيت أخذ آرائكم في أي شبكه أفضل (موبايلي أو زين أو سوا ) أكثر الناس تمدح موبايلي لحد الآن .. ودي أسمع آرائكم .. |
رد: محتااره أحول من " الاتصالات" إلى " موبايلي" !؟
هلا وغلا البريئه منوره القسم :) بالنسبه لخدمات الاتصالات من الشركات الثلاث اللي ذكرتيها اذا قصدك من ناحية الفواتير وكذا مالي خلفيه بالفواتير خبرتي كلها بمسبوقة الدفع :o من ناحية الخدمه في الشركات الثلاث الاتصالات عليها ستين اكس فاشله هالخدمه من ناحية المصداقيه ومن ناحية خدمة العميل عشان استفسار بسيط اجلس عشر دقائق انتظار وعقب هالانتظار كله ""عزيزي العميل نظرا لكثرة الضغط اتصل لاحقا وصكـ الخط .. طيب والعشر دقائق :confused: والله انا اللحين جوالي موبايلي بصراحه مرتاحه فيه والاغلب تمدح هالشركه حتى خدمتهم حلوه ابوي حول جواله من الاتصالات لموبايلي والله يقول ان فاتورته تجي بالمعقول وماتصدر الا كل شهر مرتاح مع هالخدمه بالنسبه لزين مالي تجربه معها ولا لاحد حولي ان شاء الله اكون افدتك ومايقصرون الباقيين ودي :) |
رد: محتااره أحول من " الاتصالات" إلى " موبايلي" !؟
• . . http://www.al-amakn.net/vb/images/av...ew-2009/53.gif البـــــريئه حيــاتس الله يالغاليه والله اشوف الطلب مره حلـــو اتركي الاتصالات بدون اي تفكيــر !! نصــابين مع احترامي الشديد لهم << محد درى عنتس والله يالغاليه جربت الاتصالات بس يأكلون في هالعالم موبــايلي كتير حلــوه خواتي كلهم موبايلي وقبل فاتوره الوحده تطق 1000 الحين 500 ماتوصلها مع موبايلي وزيــن مره حلوه استخدمها حاليـاً عاد أنتي شوفي وش الانسب لتس بالتوفيق يالغلا آرق تحيه لقلبك . . • |
رد: محتااره أحول من " الاتصالات" إلى " موبايلي" !؟
مرحبا قموره
مو مشكله يالغاليه اللي تعرفينه علميني اياه ! لأني ماقررت أروح للمفوتر .. انا ببالي شحن .. يقولون يريح اكثر من الفاتوره بس قلت اجرب الشحن واذا زهقت أحول مفوتر ! الاتصالات يالغاليه مو بس ستين الا خلاص غسلت يدي منهم .. يحسبون علي خدمة نت وخدمة ابواب وانا اصلا جوالي مافيه نت !!!! وشكلي بثبّت على موبايلي تشجعت اكثر ! يعافيك ربي قموره شاكره لك معلوماتك وتفاعلك يسعدك ربي دوم |
رد: محتااره أحول من " الاتصالات" إلى " موبايلي" !؟
انثى بدلع طفله
خلاص ابشري الاتصالات كرهت ابوها ! وعلى النصب قليله بحقهم !! مشكوره يالغاليه ولحد الآن موبايلي حاصله على اكثر الاصوات ! اسعدني تفاعلك واهتمامك معي يعطيك العافيه |
رد: محتااره أحول من " الاتصالات" إلى " موبايلي" !؟
والله انا مثلك محتار بينهم انا اللحين الاتصالات وانواع النصب وخايف احول موبايلي اتوهق فيهم بعد لكن انا شايف اغلب الناس تمدح موبايلي واذا على شركة زين ماعندي خلفيه عنها البريئه مشكوره على الطرح دمتِ في حفظ المولى |
رد: محتااره أحول من " الاتصالات" إلى " موبايلي" !؟
هلا بك مجنون
بس اللي مشتكين من موبايلي أقل بكثير من اللي يشتكون من الاتصالات !! انا بعد اخاف اتوهق بموبايلي بس هي اقل الشركات نصب وتحايل ! مافيه الا نتوكّل لموبايلي ومهما جانا منها تبقى هي الأكثر راحه حسب كلام اللي مجربينها ! شاكره لك تفاعلك واسعدني حضورك ! |
رد: محتااره أحول من " الاتصالات" إلى " موبايلي" !؟
افاااااا ,, يضحكون على عمتوووو وانا موجود ,, :mad: افصلي منهم كلهم ,, وخليهم يندمون لانهم ما تعاملوا معك ,, :p:D شوفي خيتووو ,, بالنسبة للاتصالات او الانفصالات زي ما اسميها ,, :mad: ماعندهم لا ميزه ولا هم يحزنون ,, خدمات سيئة جدا ,, وتعامل أسوأ ,, ولما تتصلين ويتكرمون بالرد ,, مو فاهمين شي ,, مادري كيف مسمينهم شركه والله ,, حتى ابسط الاشيااااء مايعرفون لها ,, ونادر تحصلين أحد فااااهم ,, :mad: موبايلي ,, للحين وبصرف النظر عن السرقه كونها شركة اتصالات ,, بس خدماتهم مره راااااقيه ,, ومايمديك تدقي الا يردون ,, حتى بالنيه يردون يعني لو عندك نيه تدقين تلاقينهم سبقوك ويقولون ندري انك تبغى تتصل ,, :p:D وتعاملهم جدا راقي ومتفاااهمين ,, وعروضهم افضل عروض لحد الآن ,, بسسسسسسسسسس لاتجري وراااا العروض الدوريه حقتهم ,, هي اللي تضيعك والشبكه ممتازه ,, محد اشتكى منها لحد الآن ,, زين ,, ههههههههههههههههههههههه وخري عنهاااا ,, من جد اكبر حرااااميه بالتااااريخ ,, وفوووق كذاااا معظم الشبكه حقتهم ماخذينها بالتعاون مع ابراج موبايلي ,, يعني امسحي عليهم ,, ماعندهم الا الدجه ,, مادري على ايش ماسكين 21 دوله ومغطينها ,, يعني من رأيي حولي على موبايلي وتوكلي على الله ولاتحولي رقمك من الانفصالات لموبايلي ,, طلعي رقم جديد أضمن لك ,, لأن التحويل مرررره معقد ,, مو زي قبل على حكم العلاقه الطيبه بين الشركتين ,, :p:D وسلامتك ,, |
رد: محتااره أحول من " الاتصالات" إلى " موبايلي" !؟
يسعد مسائك بالخير اختاه ..
اسمعي الكلام .. من ناحيه التغطيه والشبكه من المستحيل مقارنه شركة الاتصالات بشركه موبايلي وزين بكثير .. واما من ناحيه تقديم الخدمه كلها شركات تلهف فلوس يعني ما تعطي شئ ببلاش لكن اقتراحي عليك انو تقلبين نفس رقمك شحن وهو الطريقه التاليه تطلبين تحويل نفس رقم من الاتصالات الى موبايلي ويكون شحن في موبايلي > هذا طبعا بعد تصفيه فاتوره الاتصالات . وتجلسين تستعملين شبكه موبايلي بنفس الرقم لمده 60 يوم وبعدها تقدرين تقررين . وقتها بعد 60 يوم تقدرين ترجعين رقمك للاتصالات ويكون شحن .. وقضينا } .. لكن اللى اعرفه هاليومين موقفين التحويل من هيئه الاتصالات على بعض الارقام لكن انتي وحظك .. ياناس زي الاتصالات والله مافيه |
رد: محتااره أحول من " الاتصالات" إلى " موبايلي" !؟
شفت كيف يا هليوم !
الاتصالات في النصب شاطرين ! موبايلي مدحوها لي .. واللحين تشجعت اكثر زين قلت لي عن الشبكه .. كان في بالي أسأل كيف شبكتهم .. ماقصرت معلوماتك أفادتني .. بس بسألك .. عندهم خدمة التجوال الدولي ولالا !؟ مو مشكله الخدمات الثانيه انا اهم شي عندي اتصل وارسل وهالخدمه.. اما زين مافكرت فيه ولاني مقتنعه فيهم بس سألت من باب الاستزاده .. ورقمي ما أبي اغيره عشان كذا لازم احول ما ابي اطلع جديد واللي فيها فيها .. شاكره لك هليوم على فزعتك لعمتك :122: كفو والله .. استفدت من معلوماتك يعطيك ألف عافيه |
رد: محتااره أحول من " الاتصالات" إلى " موبايلي" !؟
الله يمسيك بالخير اخوي سيف
انا معاك .. من ناحية الشبكه الاتصالات احسن شي لكن بعد مو بايلي شبكتها اوكي محد مشتكي منها !! صح كلها تلهف فلوس بس على الأقل موبايلي نصبهم معقول مو مثل الاتصالات !! اي انا هذا اللي في بالي احول رقمي الى موبايلي شحن مبدئيآ ! حلو اقتراحك اعجبني عشان اشوف اي خدمه احسن بس اذا جيت ارجعه للإتصالات ( لاسمح الله ) ارجعه شحن !!؟ ليه !؟ مو هو كان مفوتر !!؟ لا ان شالله مو موقفين التحويل .. الله يعطيك العافيه .. اسعدني حضورك ومعلوماتك افادتني .. ماقصرت |
رد: محتااره أحول من " الاتصالات" إلى " موبايلي" !؟
امممممممممممممم بخصوص الشكبه خيتووو ,, تأكدي أن تغطية موبااايلي أقوى من الاتصالات ,, ولايغرك نسبة التغطيه صح ان الاتصالات مغطيه اكثر من 70 % من المملكة ,, بس زي قلتهاااااا وتجربه مني شخصياااا ,, أماااكن مافيها الاتصالات وألقى موبااايلي شغال والله ولااااااااااااامكان قفل عندي موبايلي ,, بالنسبة للتجوال الدولي ,, فيها أكيد ,, وادخلي على موقع موبايلي وتشوفي خدمات التجوال الدولي عندهم الشي الأهم ,, بخصوص الرقم ,, كنصيحه اخويه لك ,, لا تحوليه لموبااايلي نهااائيااا ,, طلعي رقم جديد ,, اول شي بيكون على اقل تقدير 3 اسااابيع على بال ما يتحول واذااا تحوووول شوفي انواااع اللكااااعه وانوااع الممااطله ,, من الاتصالات والا من مصلحة اي شركة انها تاخذ منافسي الشركة الثانيه ,, واذا خايفه على رقمك انو مميز مثلاااا ,, او منتشر مع اللي حولك ,, روحي لموبايلي وشوفي وش بيسووون لك ,, بخصوص الرقم ,, صدقيني لترمين الشريحه حقتك حقت الاتصالات اول ماااتخرجي لا في تميز الرقم ,, ولا في التفااهم والفهم والحرص على ارضااائك من رأيي والرأي لك ,, موبااااايلي وبسسسسسسسسسسس بس ادخلي للموقع وشوفي خدمات الباقات حقتهم واختاري الباقه اللي تناسبك ولاااااااااااااااااااتجري ورا العروض حقتهم ,, طلعي رقمك وبس ,, |
رد: محتااره أحول من " الاتصالات" إلى " موبايلي" !؟
الله يبشرك بالخير ياخوي
دام الشبكه تمام وخدمة التجوال الدولي عندهم .. والله شي حلو ! كلامك يشجعني اكثر .. بس الرقم ماودي اغيره أبدآ مو عشان مميز بس أبيه بقوه نصيحتك على العين والراس بس ما ابي اطلع جديد .. وعادي اتحمل اهم شي رقمي يبقى نفسه <عنيده بقوه يعطيك ألف عافيه جدآ أسعدني تجاوبك واهتمامك واستفدت من كلامك كثير ! ماقصرت وأي معلومات زياده عندك لاتبخل بها علي يسعدك ربي |
رد: محتااره أحول من " الاتصالات" إلى " موبايلي" !؟
بالتوفيق لكـ البريئهـ .. } ~
وزي مآقآلوا موبآيلي افضل .. } ~ لأن الفآتوورهـ شهريآ نزلت عندي 50% .. } ~ وعن التغطيهـ اعتقد موبآيلي (أكثف) .. } ~ ودّي لكـ .. } ~ رآيق |
رد: محتااره أحول من " الاتصالات" إلى " موبايلي" !؟
يعطيك العافيه رايق
شكلي خلاص بثبت على موبايلي بحثت عن عروضهم وبعد كلام الاعضاء عنه تشجعت اكثر ! ماقصرت يعطيك العافيه |
| الساعة الآن 03:49 PM. |
|
Powered by vBulletin® Version 3.8.4
Copyright ©2000 - 2024, Jelsoft Enterprises Ltd.