http://grayat.com/m/uploads/70e928055d.jpg

ما للبيوت العامره طعم يا حمود
إذا خلت في يوم من حس شايب



بيبانها طرما وجدرانها سود
ويصفق نوافذها قوي الهبايب



في كل ركن لحزنها اثبات وشهود
على فراق مهونين الصعايب


http://www.gulfup.com/gfiles/12538463064.gif




النادرين أهل الشرف منقع الجود
شيباننا اللي يحسمون الطلايب



إخوان من طاع الولي خير معبود
اللي مكارمهم من الله وهايب



http://www.gulfup.com/gfiles/12538463063.gif



ما يعرفون الزيف في اليسر والكود
صدق وبياض ورحمة للقرايب



ثباتهم في حزة الضيق مشهود
وإيمانهم يزداد عند المصايب




كانوا هنا .. وكان السعد ماله حدود
وكان الرضايملا قلوب الحبايب




كانوا هنا .. مفاخر آباء وجدود
ونور وأمان ووقفة فالنوايب


http://2.bp.blogspot.com/_ca47wrxgug...9%8A%D8%A8.jpg




واليوم كل اللي مضى صار مفقود
ولا بقى غير الجروح العطايب




يا حمود لو أبكي سنه حزن ..واجود
بدموع فقدمن عيوني سكايب




على الذي ذكره مع الناس محمود
الطاهر اللي مثل وبل السحايب




أبوي .. وانت ادرى .. ولا بالحكي فود
ما يندمل جرحي ولا الكيف طايب




الوضع غير وما به سهود ومهود
من يوم خليناه حدر النصايب



http://www.gulfup.com/gfiles/12538463062.gif


نهار غابت بسمته ذابت كبود
وشفنا ما عفنا في زمان العجايب




ليت المنايا لا لفت تطلب الزود
ما تاخذ الا الناقصين الزلايب




روس كساها الشيب ما صانت عهود
ومن ظنفيها يصبح الظن خايب




هراجة المجلس حجا كل مقرود
بياعة الذمه بسوق الجلايب




الرجل فيهم له عضلات وزنود
هيكل فحلوالقلب فالغي ذايب




ذليل .. لا يحذف ولا يجمع حيود
نقص علىالأجواد حاضر وغايب




يا الله يا معطي العطا غير محدود
وإيماننا بكما دخل به شوايب




إجعل مقر ابوي في ظل ممدود
بجنات عدنأم الغصون الرطايب




وأحسن عزانا فيه يا خير معبود
لولاك مانصبر بلا حس شايب