تمنــيني تمنيـــني وعود(ن)فوق روس جبال=
تقول ارقي على صخر(ن )تحطم فوقها اقدامي =
تقول المــاء بذا الوادي تحري للمـطر لا سال=
تواعدني ســراب الماء وأنا جيتك و أنا ظامي =
تحط القلب في صحراء ورمضـا مابـها مقـيـال =
وتقول لعينــي اللــي بالخطر حطيــــتها نـامي=
وتسجــنـي بســجن(ن) بـابه مغلـق علـيه اقـفال =
اشوف اللليل من فوقي واشوف الموت قدامي=
تعــذبني تعــذبني وتنـــشدني عـن الاحـــوال=
وانا صامـت وفي روحي بحــار موجـــها طامي=
كلامــي دونه العـبره تـرد الصــوت والاقــوال=
عبار(ن )تشتكي هجرك ياقـاتل فرحــة ايـامي=
عبــاري ودهــا تنشـد بقلبـك عاد لي مــنزال=
وانا اشهد بالله العالي اودك والهـدف سـامي=
وانـا ودي تفكــر مــره بعــقل في ذا الحــال=
وشوف الناس من حولي يجدد جرحي الدامي =
بتـقرا قصة وعودك وغـربة خاطــري الاجــيال=
وابكتب فوق ذا القصه غريب وعـادني ضـامي =
والا مني كتبت اللي على نفسـي هموم اثــقال=
ماعاد يهمنــي بعده الـى من جفــت اقـلامي =

المشاركة الأصلية كتبت بواسطة امبراطور الشعر (المشاركة 1487042) بسم الله الرحمن الرحيم السلام عليكم ورحمة الله وبركاته اختي " فوضوية مشاعر " قصيدة محزنه ومبكيه واليمه كلماتك رائعه وانتي ذات حظور جميل بارك الله فيك عندي تعليق في 3 ابيات البيت الاول وتسجــنـي بســجن بـابه مغلـق علـه اقـفال .. اشوف اللليل من فوقي واشوف الموت قدامي.. لو قلتي وتسجني بسجن بابه مغّلق محكمٍ بقفال احلا ويضبط وزنك وفي هذا البيت وانـا ودي تفكــر مــره بعــقل في ذا الحــال.. وشوف الناس من حولي يجدد جرحي الدامي لو قلتي في ذاك الحال او هذا الحال والبيت الاخير والا مني كتبت اللي على نفسـي هموم اثــقال ماعاد يهمنــي بعده الـى من جفــت اقـلامي لو قلتي انا ماعد تفرق غيبته لو جفت اقلامي احسن هذا كلامي واذا كان لك وجهة نظر ثاني واذا الكلام ضايقك اسحب كلامي بس بالامانه ابيات في قمة الرووووووووووووووووووعه إمبراطور الشعر

المشاركة الأصلية كتبت بواسطة مبسوطهـ !! (المشاركة 1487064) تمنــيني تمنيـــني وعود(ن)فوق روس جـــبال تقول ارقي على صخر(ن )تحطم فوقها اقدامي تقول المــاء بذا الوادي تحري للمـطر لا ســــال تواعدني ســراب الماء وأنا جيتك و أنا ظــــامي الله عليك يافوضويه .. وين مخبيّه هالإبداع صح السانك بلا عد .. وسلِمتِ بلا مد ! قصيدة في منتهى الروعه .. إستمتعت بها بيتا ً بيتا ً بل شطرا ً شطرا ً خصوصا ً مطلع القصيدة .. كان تصويرك للقهر حقا ً متقن ! وأنا مع الإمبراطور في وزنه للبيتين الأوائل إلا انّي اجد البيت الأخير سليم ولا رضوض فيه ! حفظكِ المولى

المشاركة الأصلية كتبت بواسطة امبراطور الشعر (المشاركة 1487071) اهلا وسهلا فيك ياختي احرجتيني بارك الله فيك بس انتي كنتي كتبتي البيت فيه "عله" مو عليه يعني خطا في الاملاء واتوقع ايضا ان تعليقي كان على خطا املائي لان ابياتك تدل على شاعره قويه هو انتي يافوضوية مشاعر اشكرك بارك الله فيك وفي ردك امبرطور الشعر

المشاركة الأصلية كتبت بواسطة الحر القطامي (المشاركة 1487282) . . . صح اللسانكـ اختي وعلا شانكـ احاسيس وافيه وبنفس الوقت بها عزهـ ولايمنع النقد ولايعيب الشخص بالعكس النقد دعم معنوي للكاتب فلا يقلل من نصهـ ولايخفي جمالهـ وهنا نصكـ ملكـ الاحساس الجميل المعبر مابداخلكـ فصح اللسانكـ وسلم آحساسكـ معليش ودي ادخل عرض مع احترامي الشديد للغالي امبراطور الشعر هو نقدهـ سليم لكن عندي اسلس وتسجــنـي بســجن ٍ بـابه مغلـق علـيه اقـفال > بدل مغلق اضيفي ال ( المغلق ) سليم وانـا ودي تفكــر مــره بعــقل في ذا الحــال.. > وانا ودي ولومره بعقل اتفكر ابهالحال ماعاد يهمني بعده الى مـن جفـت اقلامـي > هذا سليم بس يهمني تنطق بالوزن هكذا ايهمني مع تشديد الياء بالمقدمهـ والميم وجفت مع تشديد الفاء جفّت وصح اللسانكـ بلاعدد اختي واسفين الازعاج والشاهد الله نصكـ نص لايعلا عليهـ بنتظار جديدكـ الى الامام

المشاركة الأصلية كتبت بواسطة امبراطور الشعر (المشاركة 1487319) عقدناها يالحر مالت عليك قلت لك لاتجي هع اختي لا عيب ان اتي اليك واقول ان البيت الاخير صحيح بشهادة واقرار العلماء الحر ومبسوطه انا قريتها غلط وحتى يوم انتقدتك شكيت لان اصلا قرايتي غلط وكنت حاسس بنسبة تسعين بالميه انها سليمه ونهاية المطاف اقول لك حللنا القصيدة وقريناها بتمعن وحفظناها وبالمختصر لو رجعتي ونزلتي قصيدتك ثاني مره كلنا راح نقول القصيدة حلوه ومافيها ولا شي لاني قريتها قبل شوي 5 مرات كل مره ادقق كلامنا وكلامك الاقيك صح بس في نوعين من الشعرءا شعراء يكتبون وتنقري ابياتهم من لهجتهم لكن في شعراء لازم يضبطون ابياتهم بالحركات لانهم يتمكنون من فن لعبت الوزن والقوافي وهذا من الابداع وانتي مبدعه ولكن ليس لجميع الاوقات نستخدم حركة الحركات الا في الاوقات والظروف التي نحتاجها صح لسانك عشرين مره تقبلي احترامي إمبراطووور الشعــــر

المشاركة الأصلية كتبت بواسطة الفراشه الزرقاء (المشاركة 1487520) صح منطوقك ِ واحساسك يالغلا والا منـي كتبـت اللـي علـى نفسـي همـوم اثـقـال مـاعـاد يهمـنـي بـعــده الـــى مـــن جـفــت اقـلامــي ابيات رآآآئعه :)

المشاركة الأصلية كتبت بواسطة سكرة عشق"" (المشاركة 1487529) ابيات حيل روعه.. جعلك على القوه يالغلا.. مودتي..