|
ياحريم .. تعالوا عندي شي مهم !
اسمعوني ياحريم
انا اول مره ازوركم هنا .. تعرفوني ما اجي الا بدعوات :090: بس هالمره عشان عندي شي يهمكم لحد ينافخ علي .. ووش تبي هذي مناديتنا على شي سخيف ! خلوني أكمل .. اللي هنا .. لو سمحتي ممكن اتكلم ! اسمعوا حبايبي اكيد كل وحده فيكم تبي شي يخلصها من شعر جسمها وحايسه فيه بالحلاوه ولا بالموس ولا بالجهاز ! عاد انا شخصيآ مو مقتنعه الا بالحلاوه لحد الآن مافي شي مجرب وكان احسن منه ! حتى الليزر مو دايمآ يضبط معاك .. الا اذا اتبعتي تعليماته بدقه عاد مالكم بالطويله اللي ابي اقوله ان جاني ايميل يتكلم عن هالشي اشلون نتخلص من الشعر بطريقه سهله ولمده ست سنوات كامله ! يعني ست سنوات الشعر مايطلع !! اشلون ؟! الطريقه ماخذينها من حريم السودان وحده سودانيه علمتنا عن هالخلطه وهي جسمها مافيه ولاشعره .. فتقول هذي الوحده مدري مين هي تقول انها سألت هذي السودانيه قالت لها انتوا مافيكم شعر أصلآ ولا وش السالفه ؟! قالت الا يطلع لنا مثلكم وغزير بعد .. بس احنا مو فاضين كل يوم نقعد نشيل .. ماعندنا شغله الا هالشعر !! < زواله أبآ عن جد فاخترعنا هالطريقه ومالها اضرار يعني اللي مانفع معها مارح يضرها .. طبعآ تقول هذي السودانيه : اول شي اجيب موس حلاقه وأشيل فيه الشعر كله اللي بجسمي .. بعدين أبلل جسمي بالماي وأرش عليه ملح .. طبعآ الملح العادي مو الخشن .. وتبدا تفرك جسمها بهذا الملح بعدين تجيب كيس وتلفه على المكان اللي شالت منه الشعر لين مايعرق المكان .. بعدين تشيل الكيس وتتسبح ! ممكن كيس نايلون حق الأكل او كيس عادي مافي مشكله ! وبس .. عاد انتي جربي في مكان معين من جسمك واذا حسيتي فيه فرق سوي على الباقي! انا ماجربت الطريقه كل يوم اقول بكره ..وأأجل فاللي جربته تقولنا اش صار معاها .. ! يعطيكم العافيه |
رد: ياحريم .. تعالوا عندي شي مهم !
ست سنوات :110:
انتظريني لما اسويها واقولج النتيجه عاد الله يصبرج يومي عن سنه :D وعلى فكره انصحكم في اكياس الكوي الناعمه اللي من المصبغه تراها تفيد للتجارب وبسرعه تسبب التعرق :157: البريئه يعطيج العافيه لا خلا ولا عدم دمتي بحفظ الرحمن http://dc11.arabsh.com/i/02393/q76dji8b4a1c.gif |
رد: ياحريم .. تعالوا عندي شي مهم !
مشكوره غلاتي
بصراحه شئ رهيب راح اجربها بإذن الله ,’ وماما تقول فعلاً قد سمعتها من زماااان.. |
رد: ياحريم .. تعالوا عندي شي مهم !
والله الشعر لونبيه يطلع براااسناااا ماايطلع ...شاااطر يطلع في امااكن ثاانيه!!!!
طيب بالله اللي ودهاااا يكثر شعرهاااا+حوااجبهاا وش تسوي!! ملح وكيس ناايلون وموس حلاقه؟؟؟بس مافيها خلطاات ولاخرابيط ولافقس<<<<هههههههه عقدووونا افاااعليك الحين اجرب<<<<<<ماعندها وقت فدااااائن للانوثه بريئه ياااحبي لك والله تسلمي على النصيحه وعسااك على القوه دمت بخير |
رد: ياحريم .. تعالوا عندي شي مهم !
طريقه اول مره أسمع بها
وانشاء الله جربها<<بعد عشرين سنه:d يعطيكـ العافيه يابعدي على الاختيار ننتظر جديدكـ بشغف.. |
رد: ياحريم .. تعالوا عندي شي مهم !
اقتباس:
قومي حفي يالله .. قاعده استنى ترى ! :mad: بعدين انتي هيه لاتقعدين تخرفين على حريمي ومعازيمي جيبي لهم خلطات صدقيه .. أجل أكياس كوي يامال اللي ماني بقايله ! اعقلي احسن لك .. بستناك المره الجايه دوبه |
رد: ياحريم .. تعالوا عندي شي مهم !
اقتباس:
زين والله لقينا من يعزز التجربه .. يعني في ناس سامعين مثل الوالده الله يحفظها .. اوكي جربي .. وانا بعد تحمست اجرب .. يعافيك ربي |
رد: ياحريم .. تعالوا عندي شي مهم !
اقتباس:
اي والله .. الشعر قصته قصه ماعرفنا له ! يناسبه هالبيت اللي يبينا عيت النفس تبغاه واللي نبيه عجز البخت لايجيبه بالنسبه لتكثير الشعر ياكثر الخلطات بس شعر الحواجب سهل تكثرينه في طريقه بالإثمد تحطينه عليه .. وفي طريقه ثانيه بالتشقير .. التشقير يطلع شعر زياده ! عاد احنا ذابحين روحنا بهالتشقير عشان نخبي وانتي تبين تطلعينه !! :mad: اي بس هذول الأشياء ارتاحي تفداك الأنوثه كلها كفو والله فديت خشتك |
رد: ياحريم .. تعالوا عندي شي مهم !
اقتباس:
يالله جربي اللحين .. شنو بعد عشرين سنه !! ناويه تعجزين بعدين تحفين !! يالله من اللحين احسن لك فتره الشباب والعرسان .. |
رد: ياحريم .. تعالوا عندي شي مهم !
شوفي يالبريئه
تراني اكتبلك ذا الرد ويديني مجبسه بذا النايلون يا اني احترقت حرق من الملح !! بس مو مشكله نتحمل شوي .. على قولة اغلى حبيبه فدائن للأنوثه ! لكن ان صار فيني توحّد ولا مت ماتلومين إلا نفسك واشهدوا يابنات!! اجل جايبتلنا وصفات منتي مجربتها !!! :mad: << ليه تجربين طيّب ! خلاص اجل برجع لكم بعد فتره واعلمكم إذا هي صدقيّه ولا هالسودانيه تألف عليكم وماخذتكم مقصّه وانتو الحمدلله والشكر مخفّه تصدقون أي شي :confused: يعطيك العافيه البريئة يلا جربوا معي .. عشان نتورط مع بعض مو بس انا! |
رد: ياحريم .. تعالوا عندي شي مهم !
كل ماقريت رد ضحك فديتكم :p والله ان حياتنا الييمه مع هذا الشعر بس صادقه اغلى حبيبه وقت قالت اقتباس:
اقتباس:
والطريقه هي تاخذي نواة التمــر وتغسلينهـا ومابعد ماتغسلينهـا تاخذيهـا وتحطينهـا في قدر على الناروتحمريه على النار لين يصير لونها أســود وبعد ما تطفى النار تاخذيها ودقينها لين تصير ناعمه وبعدها تحطيه في علبهـ الزيت وتدهنين شعرك قبل ماتتروشين وخاصه المكان اللي مافيه شعر كثير بتحسي بشويت قرصات في المكان اللي مافيه شعر كثير بس هذا الشي مفيد نرجع لمحور حديثنا;) انا مثلك مو متقنعها الا بالحلاوه احسه تنظف اكثر من اي شي ثاني تيب البرئيه اللي بشرتها حساسيه مااتوقع ينفع معها الملح .لا احد يسويها ويدعى عليك خخخخ انا سمعت (بالشب ) بس للامانه ماجربتها بنات خالتي جربها وحده تقول خف وحده منهم تقول ولا شي بعد الحف تبلين قطعه شب وتمررينها على جسمك .يقولون يخف الشعر لا تجربون اذا مو مقتنعين بعدين تدعون علي وعلى البرئيه:):confused::) لـ قلوبكمhttp://www.al-amakn.net/vb/uploaded/...1291593734.gif |
رد: ياحريم .. تعالوا عندي شي مهم !
اقتباس:
انتي خلاص جربتي !! انا كنت امزح .. ماتوقعتك بتطبقين بهالسرعه يالطالبه النجيبه ! بس صراحتن على هالتطبيق السريع تستاهلين فايف ستار .. يالبى الفداء للأنوثه .. لعل وعسى احد يخطب خششكم انتي وفراشوه ! شوفي يالغلا .. من ناحية التوحد هذا خالصين منه انا اكلمك اللحين على أساس مابعد التوحد ! اففف مبسوطه .. انا جبت الطريقه عشان كلنا نتوهق مع بعض وبكذا يكون التوحد فينا كلنا مو في وحده منا اش فيك انتي ماتفكرين ! بعدين بالنسبه للحك والحرق ماجاني خبر عنه .. ومادري شقولك اللحين وشتسوين .. شوفي لك صرفه بأقرب بندول المهم لاتخربين على حريمي يحسبوني ماخذتهم مقصّه ..! وذا ماراح الحرق عنك لاعاد تجين هنا وتصارخين .. سكتي نفسك بأقرب عصير ! |
رد: ياحريم .. تعالوا عندي شي مهم !
اقتباس:
اللحين زيت الخروع والنواه حق الشعر ولا الحواجب ؟! :confused: حسبته حق الحواجب .. إلا اشوف السالفه فيها دهن قبل السباحه .. قلت اشدخل .. ادهن حواجبي بعدين اروح بكبري اتسبح طيب اغسل وجهي يكفي !! اي صح بخصوص البشره الحساسه ذكرتيني .. ياحريم مايصلح لكم اللي بشرتها حساسه وتزعل بسرعه ! بس اللي بشرتها عاديه ومطيحه الميانه مع كل الخلطات ماعندها مشكله ! طيب يالنايمه شنو هذا ( الشب ) !! اول مره اسمع فيه خلاص نسأل عنه .. ونشوف .. حياك الله .. |
رد: ياحريم .. تعالوا عندي شي مهم !
انا شلت النايلون .. وطلعت يدي مجرحه تجريح !!
هو مادري من وخزة الملح ولاّ من دفاشتي وانا احك يدي !! المهم الحين الإحمرار قاعد يخف تدريجيا ً .. يعني لين بكره العصر بإذن الله بترجع يديني طبيعيه ! وبعدين انتي وش اللي لاتجين تصارخين وسكتي نفسك .. شايفتني بزر ! عموما ً .. بنتظر عليه اسبوع .. لكن إن طلعت شعره وحده ياويلك ! واثناء مايمر هالإسبوع .. بجرّب خلطة ام النوم عشان نستفيد من الوقت مين عندها خلطات ثانيه تبغاني اجرّبها لها ؟!! < ماعندها مشاكل ! لي عوده |
رد: ياحريم .. تعالوا عندي شي مهم !
اقتباس:
بل !! شكله من الموس ..< اش ذا العذر !! :confused: بعدين ليش تكلميني كذا ؟! اذا يدك ماتنفع معه خلطات هذي مو مشكلتي ياعيوني ! بعدين انتي حاطه نفسج لنا فار تجارب شنسوي بعد ! يالله جربي خلطة النايمه شوفي وش يحترق فيك وخبرينا .. |
| الساعة الآن 02:53 AM. |
Powered by vBulletin® Version 3.8.4
Copyright ©2000 - 2024, Jelsoft Enterprises Ltd.