منتديات الأماكن - اسهل تشيز كيك بالدنيا .. وبنفس الوقت لذيذ ويبيض الوجه

منتديات الأماكن (https://www.al-amakn.com/vb//index.php)

- ●{ أُحِلَّ لَكُمُ الطَّيِبَاتُ}~ (https://www.al-amakn.com/vb//forumdisplay.php?f=28)

اسهل تشيز كيك بالدنيا .. وبنفس الوقت لذيذ ويبيض الوجه

لبيــــــــــه .. يا مخمليه ..انتي تامرين امر ..

اولاً اسفه على التأخير..
ثانياً.. سوي التشيز كيك بطريقتي وراح تدعين لي ..:p

المقادير..
هالكميه للصنيه المتوسطه..
2 بسكوت شاهي مطحون
نص زبده المراعي (داعيه)
قشطه
2 زبادي ولو اكثر عادي ..( الي يبي الطبقه سميكه يزود الزبادي والكيري)
9 ملاعق حليب بودره
6 حبات كيري .. ولو اكثر عادي يصير اطعم واطعم
ثلاث فناجيل قهوه سكر.. (للي يحب الحلا زياده والي يبي متوسط فنجال ونص) عن نفسي احط 2
مربى توت او فراوله .. المخصص للحلويات نلقاه بسوبرماركات الكبيره مدري عرفتوه.. او عادي المربى الي عندك حق الاكل
الطريقه...
نأخذ البسكوت المطحون ونعجنه مع الزبده ,, وشوية قشطه( القشطه نحط قليل عشان بس تماسك البسكوت..)
نصف البسكوت بعد عجنه بالصنيه ..
نروح نجيب الخلاط .. ونحط فيه علبتين الزبادي و السكر والحليب والكيري ونخلطها كلها مع بعض .. لحد ما يتجانس الخليط(لغه عربيه) .. المهم بعد مانخلط كل المقادير نصبها على البسكوت.. وندخلها الفرن مع مراعاة اشعال النار من الاسفل فقط ( رجعنا للغه العربيه) ننتبه كمان لازم احمي الفرن قبل ادخالها بخمس دقايق .. المهم ..مالكم بالطويله لدخلتيها الفرن خلك عندها ماتأخذ وقت .. بس نخليها لحد ماتجمد الخلطه ونطلعها على طول ..مانخليها تقسى انتبهوا.. طلعنها من الفرن نخليها شويه بعدين نحط عليه المربى ..
ملاحظه ..
لوكان المربى العادي .. نحله بشوي مويه عشان يسهل عليك توزيعه..
اما المربى الخصص للحلويات فعادي نحطه بسهوله.. بعدين على طول غلفيه وعلى الثلاجه لحد مايبرد .. وقطعيه
وروحي مين قدك ... احلى تشيز كيك...:D

والله سهل مررره ولذيذ مرررره.مرره ادمان.. يالله طبقوه وقولوا لي رايكم ..
اول وحده اطبقه مخمليه :D.. وتقولين لنا رايك..
سي يووووووو لايتر...