|
|
|
][ حبيبي.. للاسف جبرتني اخونك..( قصه لامست الواقع ).. ][
http://www.m5zn.com/uploads/2010/3/2...7ql7uyqmxy.gif الحياة أحيانا تجبرنا نعمل أشياء وايد مو بصالحنا وأحيانا الظروف والبيئة اللي حنا فيها تجبرنا نعيش واقع مانبيه ويفرض علينا أمور تهدد حياتنا وتنهي سعادتنا.. حابه أتكلم اليوم عن موضوع اثر فيني وقصه لاحد قريباتي وأبيكم متابعه كل شي وصار وتشوفون تيار الحياة وياكثر مايمشي عكس ماحنا نبيه.. كونوا بالجوار من اول حرف انثره لكم الى اخره وبأذن المولى اختصر كل شي لجل لاتملون من الحدث..بسمه تعالى.. سارا/ محمد وين رايح ومتى بترد..؟ عاد لاتتركني مثل كل مره بروحي لأخر الليل ترا أخاف ومليت .. محمد/ إيه الدوام يخلص عالساعه وانتي تدرين 11 وبعد ماانتهي بروح للربع ..بعدين ماراح يصير فيك شي مااعتدتي على غيابي وطلعاتي ..طول عمرك بروحك بالبيت جات الحين على هالطلعه..؟ سارا/ عاد ماصرات أتحمل اقعد بروحي والله مليت ولمتى.. ؟صار لي 6 سنين على هالحاله تتركني وتروح وعمرك مافكرت فيني او شنو اعمل بغيابك او توديني لهلي عالا قل..؟ محمد/ عاد مو فاضي لهذرتك الحين تأخرت عالدوام ..ايه قبل لانسى ترا بكره عازم الشباب وعازم بندر لطلعته يالسلامه بعد عمليته.. ومشى محمد من البيت وسارا أطالع الجدران ومتحسفه على حالها وسنين واهيا على هالحال.. قال شنو هذره..كيف اخلق الإحساس للي فاقدينه..؟وغصب تمر الدقيقة والا ورد محمد.. سارا/ هلا محمد عاد تاخرت علي.. محمد/ ترا راسي حده بينفجر من صراخ الشباب وتدخينهم والتلفزيون الى أخر الصوت والجوالات بعد عاد كلها 10 دقايق لاتأذيني..بروح أنام..؟ اليوم الثاني.. سارا تزهب الغدا وكل شي كان تمام وتعنت في تحضير كل شي على أكمل صوره.. محمد/ هاه خلصتي ناقصك شي لجل أجيبه لك عاد الله الله بيضي الوجه.. سارا/ إيه حبيبي ماناقص شي..عاد لحظه لاتلبس انا راح اكشخك اليوم... محمد/ شدعوه ماعرف اتكشخ..مايحتاج انا بعمل كل شي كملي شغلك وبس.. سارا/ مالي شغل أنا خلصت وبخاطري اكشخك وبختار لك كل شي وأخليك الأفضل دايم.. بخرت سارا محمد وعدلته بأكمل صوره ...الباب يدق راح محمد يفتح لربعه.. سارا جهزت كل شي وصار وقت الغدا.. واهيا ..يارب ان كل شي يكون تمام وابيض وجه محمد.. رد محمد بعد ماانتهى كل شي.. سارا/ هاه ماقلت لي شرايك بيضت الوجه.. محمد/ ايه ..اووف حدي تعبان ومانمت ابد امس سهران واليوم قايم من الصباح.. سارا/ طيب شفت شلون رتبت كل شي..اخترت لك الاطباق الفاخره والصواني كلها مطقمتها لك..طيب..شفت ترتيبي لمجلس الرجال غيرت شكله..طيب العصير ماقلت لي شلون اهو جد تعنيت فيه وعملت لكم عصير طبيعي ادري ان في 2 من ربعك فيهم سكر عاد طبيعي ..طيب شفت.. محمد/ يقاطعها..؟ ياربي بس على هاليوم..ماانتبهت ابد وماشفت شي..ومشى محمد.. سارا/ ياربي على هالرجال عمره ماقال لي مشكورة عمره ماحسسني بأهتمامه مايحس عديم المشاعر كله يجرح فيني وكله يعاملني ولا كأني زوجته.. ماقصرت معه بشي وعملت له كل شي بواجبي كزوجه..دمعت عين سارا وشنو تعمل ساكتة ومتحملة الحال.. بعد مامر الوقت..يدق جوال سارا..وردت ..هلا من معي.. المتصل/امم.. اعتذر يااختي شكلي غلطان... سارا/ طيب مايخالف.. شوي ويدق ثاني/ هلا...يرد عليها..اعتذر شكلي غلطت ثاني بس رقمك يشبه رقم احد من الربع وكل شوي تطلعين انــ... سارا/ طيب خلاص غلطت وقلنا العذر لاتقعد تتفلسف على راسي مو رايقه لاحد.. ليش قليلي علامك ليش معصبه..الدنيا والله ماتسوى.. قفلت بوجهه..وتمت تفكر..قال أسف..وسألني ليش معصبه..؟ وقال لي الدنيا ماتسوى.. عمر محمد ماقال لي هالشي..وعمره ماسألني..؟يالله ياليت محمد مثل هذا.. تم يدق وكل شوي يبي يعرف علامها ... تدرون شنو صار حزتها..تعرفت عليه سارا..واسمه سعد ومتزوج وماصار له 3 شهور لكن مو مرتاح مع زوجته لانه مجبور.. يالله كيف هالحياه احسها ظالمه دايم وطول عمرنا وحنا نركض لجل نسعد ارواحنا ونقدر نكون راضين عن ذواتنا ونكون افضل من اللي حولنا بس نتعب والله نتعب..؟ تم سعد يكلم سارا وحبوا بعض وحسها الانسانه المناسبة وقرر يتقدم لها لو تطلقت.. وتم يحن عليها والصدفه تخيلوا شنو كانت.. صديق خالها اللي مسافر بالامارات ومايدري عنهم وتم التعارف وقال راح يتقدم لها وخالها راح يكون طرف بينهم..ماعليكم شلون تم تدبير الامر السالفه راح أطول وايد وابي اختصرها واي استفسار بنهايه الموضوع راح رد عليكم..^ـ^.. سارا تعلقت فيه والجو خالي ومحمد طول اليوم مو بالبيت واهيا ماتنام الا وتكمله واهوا ماينام إلا وسمع صوتها.. ومحمد ماصار يهمها طلع او دش البيت نام صحى بكيفه..ومحمد لاحظ هالشي.. وسألها.. ردت سارا/..توك تتذكر بعد 6 سنين عشتها معك بظلم ولاكانك شايفني ظلمت روحي وقت خلفت منك وظلمت اطفالي معي..من دون أي نقاش.. سارا/ محمد طقلني.. ولا تقلي ليش وماابي منك شي طلقني والحين.. محمد./ يابنت الناس ليش قليلي علامك قصرت معك بشي كله ولا الطلاق انتي تعنين لي الكثير رجيتك لاتقولينها..وتم محمد يترجاها ويبكي وكانه طفل ضاعت منه لعبته وتم يدور عليها وينوح لجل ترد له.. سارا/ شنو قلت قصرت انت قصرت واااايد مستحيل اقدر أكمل معك خلاص لاتحاول ومهما عملت ماراح يرد غلاك اللي انت انهيته بيدك.. محمد/ تم يقنع فيها وترجاها يتغير ووعدها ان اهوا يكون أفضل بس تعطيه فرصه ان ماتغير تعمل اللي تبيه وقتها رجيتك بس هالفرصه وواعدك أتغير..تم يترجى فيها.. وسارا ماكانت انانيه مثله وفكرت بأطفالها.. وأعطته فرصه..تغير محمد وصار يهتم فيها ويسألها عن كل شي ويقدم لها هدايا بمناسبه وبدون صارت معه بكل مكان وشنو ماتبي قال تامرين..تغير محمد تغير الإنسان اللي فقدت الامل بسبته..لكن خلاص بداخلي شي انكسر ومستحيل يتصلح انكسر فيني شي كبير ومهما عمل مستحيل أرد مثل قبل ماصارت تهمني هداياه ومايهمني كلامه المعسول ومابي الا سعد.. وتمت بنارين نار شوقها وحبها اللي اوهبته كله لسعد ونار محمد زوجها اللي تغير وصار لها كل شي..ماقدرت تمنع الصوت اللي داخلها وتمنعه من منادات سعد وحبه ولاقدرت تمنع نفسها من عطاء محمد اللي صارت تنتظره سنين..واهيا مثل مااهيا ماتغيرت وتمت بنفس الحال.. مو مقتنعه بشي..قوت يكون محمد بقربها اتم بصمتها ووجها البائس..ووقت تسمع سعد.. ياحلات الدنيا بعيني... قصه لامست الواقع وحبيت ارويها لكم بسارا اللي مو راضيه تفتهم..تعيش وهم وتعذب روحها مع شخص مااعتقد عاد يقدر يوصل لها بعد ماصار اللي تبيه ومابقى لها عذر.. لكم الحرية في التعليق على الموضوع من جميع الجوانب ومن وين ماحبيتوا وانا هنا عن أي استفسار او توضيح..حاولت اختصر القصه بقدر الامكان لجل هالشي يمكن في امور تساء لتوا فيها وماتوضحت.. من كل قلبي اشكر كل من اتم الاحرف والى النهايه.. فكونوا بالجوار دائما..:( دمتم بخير..كـبـريـاء الـ ج ـنـوبــ*.. :( |
رد: ][ حبيبي.. للاسف جبرتني اخونك..( قصه لامست الواقع ).. ][
في شي كنت ابي اوضحه بعد لكن بأذن الكريم من خلال ردودكم يتوضح المعنى.. تمنيت اكتب اكثر من كذا لاني مهما كتبت ماراح انتهي بس فضلت ماادخل بكل شي لجل لاتوهون..؟ |
رد: ][ حبيبي.. للاسف جبرتني اخونك..( قصه لامست الواقع ).. ][
|
رد: ][ حبيبي.. للاسف جبرتني اخونك..( قصه لامست الواقع ).. ][
شاكر لكي لجين لهذا الموضوع الذي يعتبر في غاية الاهمية اما بالنسبة للخيانة الزوجية مع احترامي للمتزوجين فهيا لاتعد ولاتحصى بالاخص في مجتمعنا بصورة اكبر المرأة امرأة عظيمة بمعنى الكلمة تحتاج الى من يسمعها ويحس بمشاعرها لكن للاسف الشديد لجين شاكر لكي ماكتبت به اناملك الرائعة اتمنى ان اراء جديدك تقبلي مروري
رااااااااااااااااااكاااااااااااااااااااااااااااااا ااااان |
رد: ][ حبيبي.. للاسف جبرتني اخونك..( قصه لامست الواقع ).. ][
http://www.noor-elshams.com/t9ameme/gift/s9.gif
خواطر اماراتيه.. كلماتك تعني لي الكثير ومن كل قلبي اشكرك لانك اعطيتيني من وقتك وطالعتي الموضوع من كل زواياه وكلامك كان عين العقل.. واثق فيك ثقه تااامه وكنت ادري راح تقولين الصواب.. كفيتي ووفيتي يالغاليه.. .... صحيح ان الخيانه الكثير يقول انها جريمه لكن قليلي منو اللي ماصار يلجئ للخيانه عاد الطرق الحين صارت اسهل بوايد عن قبل وكل الطرق تؤدي لها الشي.. اذا ماشاف اهتمام الزوج اهما خيارين لاثالث لهما يااما تخون وتهدم بيتها بأيدها وادمر كل معنى حلو حولها... يااما تطلب الطلاق وتعيش حياتها عالاخر والحياء مايكون بينها وبينه طريق خلاص الدنيا كلها ورى ظهرها اهم شي وناستي وكلام الناس تحت بدوسه.. وياما اعملوها او تطلق وترسم قدام طريقها خط اسود ماتعديه رجولها..خط يموتها لكن ببطئ.. وربي اني ياما شفت ناس من هالاشكال وللاسف مادري شلون عايشين.. كل ماشفته اترحم على حالهم.. ليش الزوج مايهتم بزوجته..؟ ليش ينتظر هذا كله يصير ثم يصحى اذا صحى وتكرم لا وعاد البعض يلومون الزوجه ويطلعون فيها الف عله لجل عدم الاهتمام هذا.. ااااااه بس شقول وشنو اخلي.. احيانا احس اني عايشه وسط قلوب بشر ميته.. والرجال صاروا اكثر انانيه وماثرت احب اتقرب من احد او اسمع لاي احد مادري احيانا احس بأشياء غريبه جد ترهقني..؟ ماقدر صراحه قمت اكتب وكل شي التف حولي تذكرت اشياء وايد.. لاحول ولاقوه بس..مادري لاي نقطه راح يوصلون هذولا.. صدقيني لو مهما كتبت ومهما قلت مستحيل انتهي يمكن اتم لعقب باكر وانا اكتب لاني بجد مانزلت هالموضوع الا من كثر حيرتني وهمي... ماابي ادش وايد بالموضوع وضحت وايد وابي انتهي لها النقطه.. شاكره لك هالمرور والله لايحرمني طلتك يالغاليه.. وتأكدي ان كل اللي قلتيه ماقلتيه عبث قلتيه نصيحه لاخت تعزك وتغليك ومكانتك بالقلب الله العالم شقد كبرها.. لاهنتي..تقديري واحترامي.. http://www.noor-elshams.com/t9ameme/gift/s9.gif |
رد: ][ حبيبي.. للاسف جبرتني اخونك..( قصه لامست الواقع ).. ][
http://www.noor-elshams.com/t9ameme/gift/s9.gif راااكان.. هلا فيك ياخوي.. كلامك صحيح لكن الخيانه مو بمجتمعنا بس بكل مكان تلتفت فيه عاد بتلقى الخيانه.. كنت اظن بجد ان بعد الدنيا بخير.. يمه ..شلون تقولين بخير وكل شي صار..كل شي انتهى.. من بعد هالسالفه ومن شخص قريب مني انجبرت انزل هالموضوع من همي وحيرتني..عاد ماتوقعتها من هالشخص.. لكن عادي ياما شفت وماصرت احس بأحد فلانه اعملت هالشي وانتقلت لرحمه الله..عاد الله يرحمها وشنو اعمل لها.. فلان صار له حادث ويطلب الرحمه من الجميع..طيب شنو يخصني الله يعافيه ويسهل عليه..فلان وفلانه وووو..ألخ.. يصير عندي تبلد مشاعر بمواقف وايد صارت..وللاسف.. ماصرت اهتم اللي راح راح واللي مات مات واللي عمل كل شي يعمله مالي شغل بأحد.. دنيتي خوفتني..ووقتي كله صرت افكر فيه ماصرت اعطي لروحي حتى دقيقه وحده لجل افكر بشي بصالحي..؟ اخاف من هالشعور واخاف من انه يصير لي شي ماكنت عامله حسابه واقول انسي عيشي يومك ولاتفكرين بباكر.. وهذا انا كل يوم ابتسم وبداخلي شي عجزت افهمه.. شاكره لك ياخوي على هالمبادره وياريت اللي مايحسون ومايفهمون يفهمون من خلال مبادرات الكل بها الصفحه..؟ ويارب يفهمون عاد..؟ من كل قلبي شاكره لك مبادرتك الطيبه واعطيتني من وقتك لجل تقلي كلماتك هذي وتأكد تعني لي الكثير.. تقديري واحترامي... http://www.noor-elshams.com/t9ameme/gift/s9.gif |
رد: ][ حبيبي.. للاسف جبرتني اخونك..( قصه لامست الواقع ).. ][
[center"]=""]االسلام عليكم ....اولا مشكورة اختي لجين على الطرح:30: وموضوع حلو ومثير للجدل ...
انا بغيت ارد على الاخ خواطر اماراتية.... احم احم اولا سارة ماتذكرت بعد ست سنين ان هو يعاملها جي لو تلاحظ ان هو كل ماكان يطلع كانت اتقوله وتحاول اتصحيه اتنبهه بس لا حياة لمن تنادي وبعدين الغلط كله مو على سارة لو ان محمد عاملها بطريقة احسن ماكنت بتلجأ الى هاذي الطريقة لأنه كل نسان يحتاج العطف والحنان سواء كان ذكر او انثى وسارة ماقصرت في حقه بيضت ويه في العزيمة وهو مافي حساس ولاكلمة شكر ..الكل بدون استثناء يحب اقل شي اقل شي ان ينقال له شكرا او كلمات تدل على الحب خصوصاااالمتزوجين...... وسارة ماراحت وكلمت سعد الا لين ماكان في حد معها يحسسها بالأمان يحسسها بحبه وحنانه يحسسها ان اهيه شي اهيه تستحق اتعيش عشان حد ...والحريم عموما يقدمون اشياء وايد لأزواجهم بس اذا جافوا ان مافي حد يقدر هالشي ليش اصلن يسونه ؟؟؟؟ وبس طلعت حرتي هههه[/color][/center] |
رد: ][ حبيبي.. للاسف جبرتني اخونك..( قصه لامست الواقع ).. ][
مهما كان الخيانه الزوجيه شي كبير
الانفصال ولا الخيانه هذا زواج وله حرمته وقدسيته ... لوجينه يعطيك العوافي على ماطرحتيه لاعدمناك ابدنً |
رد: ][ حبيبي.. للاسف جبرتني اخونك..( قصه لامست الواقع ).. ][
صباح الخير..لجين
الخيانه موجوده في مجتمعنا وماننكر هاشئ ..لكن انها بشكل كبير ..لا.. وهي في الرجال اكثر من انها بالنساء.. واما عن سارا ومحمد.. هو عليه خطاء واسلوبه هو اسلوب الكثير من الرجال .. والخطاء الاكبر عليها هي..هي صحيح كانت تقول له ليش ماتجلس معي وليه وووووو... لكن ماجلست معه جلست مصراحه وماقالت له انت فيك وفيك.. وليش ماغيرت من اسلوبها معه.. الحق عليها والخطاء عليها..مهما صار ماتخون زوجها وابو عيالها..وبعد ست سنوات..""هذي اظن كافيه"" وبعدين ليش الوحده ماتنتبه لعيوب زوجها غير بعد مايكون عندهم اطفال..؟؟؟ فيه اساليب كثيره انها تحل المشكله ولا تخون زوجها...!!! ودليل انه بنفع معه الحوار وانه ممكن يتفهم وضعها انه غير من نفسه بس انها طلبت منه الطلاق كيف لو فرضنا انه كان بينهم نقاشات كثير.. وفيه كثير من الرجال يتغير بعد الاطفال ومو معقول انه ماكان يتأثر باطفاله.. بصراحه..نفسي اعرف ايش هي نظرتها هي لنفسها..!! تسلمين لنا وجعلك على القوه دوم .." |
رد: ][ حبيبي.. للاسف جبرتني اخونك..( قصه لامست الواقع ).. ][
مشتطه.. هلا فيك غلاتي.. لاحظت بردك انك ركزتي عالامور العموميه فقط.. هذا طبع الرجال اغلبهم يكونون انانين ومايفكرون بشعور احد.. وياما صار طلاق ومشاكل لجل هالشي وعدم اهتمامه فيني.. صحيح فيه جزء من الموضوع غلط عليها.. كان لازم من زمان تنوه له على انه يهتم فيها.. ماتذكرت الا بعد كل هالسنين للاسف بعد ماغلطت وبعد ماراح ترخص بعين نفسها..؟ حواء تحتاج لرجل دائما..مهما كان مصدر قوتها ويفترض ان حنا نتذكر دايم.. اذا كانت عاطفتي مصدر ضعفي بأحيان.. فهي مصدر قوتي باحيان كثيره.. الموضوع هذا ماراح ينتهي ابد موسع ومااعتقد اقدر اوصل لنقطه نهايه.. شاكره لك اهتمامك ومبادرتك الطيبه.. ورايك احترمه وعالعين والراس.. تقديري واحترامي.. لقلبك..http://www.fr7.com/more/q8yat/q8yat_106.gif |
رد: ][ حبيبي.. للاسف جبرتني اخونك..( قصه لامست الواقع ).. ][
الفراشه الزرقاء.. رايك احترمه وصحيح افضل لها ان اهيا تنفصل وماتخون.. لكن ليش قلتي الرجل له احترامه وقدسيته.. او الزواج ..اهوا اخذ حقه منها واهتمامها فيه اوك يمكن يكمل ويكون زوج حقاني وغيره راح يشوف له وحده ثانيه مل من هذي وربي وايد ماعندهم اي انسانيه احسهم وحوش ومايحسون اللي يعملون هالشي جد قهر.. يعملونها واهيا تلجا باغلب الاحيان للخيانه صح..؟ عاد لااهلها بيوقفون بصفها ولا تبي رجال يخدعها ثاني ويمكن تتحطم وتيأس من كل شي.. طيب اهيا شنو لها.. ليش كل ماعمل الرجل شي بحق المراه عادي وهيا بس تبدي بالغلط الا والدنيا كلها على راسها بس لانها امراه وبس لانها بمجتمعنا... كان لازم تفرض وجودها تخليه يهتم فيها يراعيها ويسال عنها مو تخون وتعمل هذا كله لكن اعتقد 75 بالميه بمكانها راح يخونون.. شاكره لك مبادرتك واحترم وجه نظرك.. تقديري واحترامي.. لقلبك..http://www.fr7.com/more/q8yat/q8yat_106.gif |
رد: ][ حبيبي.. للاسف جبرتني اخونك..( قصه لامست الواقع ).. ][
http://i48.tinypic.com/23uy4cz.gif سكره عشق... هلا فيك يالغاليه وكلامك صحيح واحترم وجهه نظرك..عاد امبلا الخيانه موجوده بشكل كبير واسبابها وايد انتي قعدي مع نفسك وفكري فيها وشنو السبب اللي اجبر الكثير يلجؤن لها الشي وصدقيني بتقتنعين ان معي حق.. وماكتبت هالشي عبث الا بعد تفكير عميق بيني وبين نفسي.. مو كل النساء مثل بعض..يمكن هذي مهتمه وتبي تعرف سبب تجاهل زوجها والثانيه تقول ان فيه اسباب ومنتظره زوجها يقلها وماتنازلت تسأله.. والثالثه تنتظر الملاك يجي لجل يحسن من زوجها ويهتم فيها على غفله..والبعض منهم يسأل كم مره واذا مافي تجاوب يمل وهذي منهم طبعا.. وفي النهايه كلهم خسرانين وين الزوجه اللي متابعه زوجها وتبي تعرف اسباب كل شي تجاهله لها..محبتها..واهتمامه فيها.. وينها ماتسال او تنتظر الفاس لجل يوقع عليها.. المراه الناجحه اهيا اللي تكون متابعه كل شي وتلاحظ كل تغير مفاجئ بحياتها.. عاد زي مافي رجال يتأثرون بأطفالهم وصاروا اباء فيه رجال مايتحرك فيهم ساكن واقرب شي احد من اهلي لو جد يحس بوجود اطفاله ماكان شفته باللي اهوا فيها الحين.. اما سؤالك شنو نظرتها لنفسها... عادي طبيعي كان لازم اعمل هالشي من زمان دام عندي زوج مايسمع ولايتكلم ولايحس ومادري لشنو عايش.. شاكره لك متابعتك واحترم كل شي قلتيه.. تقديري واحترامي... ..http://i48.tinypic.com/23uy4cz.gif |
رد: ][ حبيبي.. للاسف جبرتني اخونك..( قصه لامست الواقع ).. ][
اقتباس:
الزواج له احترامه وحرمته وقدسيته موب الزوج ياقليبي انتي :) |
رد: ][ حبيبي.. للاسف جبرتني اخونك..( قصه لامست الواقع ).. ][
حبيبتي انتي بعد ركزي بكلامي..
وادري شنو قصدك وصححت الخطأ من خلال كلامي..صح.. لاهنتي على متابعتك وحرصك.. تقديري واحترامي.. http://dl9.glitter-graphics.net/pub/...ckk4vhtq1q.gif |
رد: ][ حبيبي.. للاسف جبرتني اخونك..( قصه لامست الواقع ).. ][
. . .
الخيانه الزوجيه دائمآ أسبابها تقصير أحد الطرفين في حق الآخر وخاصه الجانب العاطفي وإشباعه ! سأطرح وجهة نظري بكل واقعيه وبعيدآ عن المثاليه.. نعلم أن الحياه الزوجيه حياة مقدسه .. والخيانه فيها أمر كلنا نستنكره جملة وتفصيلآ .. وربما دون أن نسمع رأي الطرف الخائن وأسبابه التي دفعته للخيانه ! لكني هذه المره سأقف مع الخائن !! ولا ألوم ساره إطلاقآ على تصرفها وإرتباطها بسعد بعلاقة حب ! فمن القصه يتضح أنها كانت في حالة جوع عاطفي شديد وهذا الجوع وحده قد يدمر الإنسان ويكون سببآ في ضياعه بشكل مباشر أحيانآ .. إذا لم يحصل على مراده ! ساره لم تفتقد حنان محمد لليلة واحده فقط بل افتقدته ست سنوات بأيامها ولياليها !! ست سنوات كانت صابره خلالها !! ست سنوات وهي تبتلع الغصه واحده تلو الأخرى !! ست سنوات منحته الفرصه ولم تشأ أن تصارحه علّه يفهم من نفسه .. فكم تكره المرأه أن تصرح بما تريده من اهتمام عاطفي ! ست سنوات ثم طفح الكيل بعدها .. طفح الكيل لأنها وجدت أنه لن يمنحها آذانآ صاغيه ونلاحظ في كل حوار يدور بينهما .. كيف كان محمد يقتلها بكلماته وينهي الحوار .. كان يقتلها في الوقت الذي هي بحاجه ليد تُربت على كتفها .. ولم تشأ أن تزعجه او تضغط عليه .. بحثآ عن راحته .. وراحته فقط ! كيف لانتوقع إنزلاقها إلى الهاويه بعد هذا ؟! في الواقع أنا لا ألومها .. فالطرق في وجهها قد سُدت ! صحيح أنه كان عليها أن تحتسب الأجر وتحفظ بيتها وتدعو الله ان يصلح الحال .. لكن الوازع الديني لم يكن مترسخآ في قلبها بالقدر الكافي ! وطلبها للطلاق ليس إلا دليل على ذلك .. وكأني بها وعلى عينيها غشاوه .. لا تريد شيئآ سوى من يخلصها مما هي فيه ..! محمد الزوج الذي استيقظ من غفلته متأخرآ حاول تدارك الأمور وإنقاذ مايمكن إنقاذه .. ولكن .. بعد ماذا ؟!!!!!! بعد أن قتلها وقتل حبه في قلبها !!! بعد أن أصبح عقلها وقلبها مع آخر !! بعد أن أصبحت لا ترى الدنيا سوى سعد .. !! إنها مأساه حقيقيه بحق وموقف من الصعب إتخاذ القرار فيه لا أجد تعليقآ آخر سوى كان الله في عونها .. وعونه :( لجين طرح يمس الواقع بشكل كبير .. وددنا لو نسمع رأيك ومع أي الطرفين أنتي ! استمعت بالقصه المذكوره .. وعزائي أن أكون وفقت في تعقيبي سلمت ٍ وسلم قلمك ٍ بالمناسبه .. هنيئآ لكٍ الترقيه وأعانك الله على مهامكٍ الجديده .. كوني بخير ! |
| الساعة الآن 09:05 AM. |
|
Powered by vBulletin® Version 3.8.4
Copyright ©2000 - 2024, Jelsoft Enterprises Ltd.