قلّي وش اسوّي على شان آراضيك=تعبت اضحّي بالمماليك لرضاك
ذلّيت نفسي لين وَصْلَتْ مواطيك=ماباقي ألاّ آجيك وآحب ماطاك
تطعن وانا ساكت عشانك وأداريك=حس بشعور اللي من الطّيش داراك
تقفي وأجيك أركض وأقبّل أياديك=أمد لك يمناي وإتمد يسراك
تبحر وانا اجلس منتظر في شواطيك=لين يتلاشى مركبك دون ميناك
تبطي وأروح أسبح وأدوّر مراسيك=يقودني شوقي على جال مرساك
ترسي وأجيك ألهث من الظّيم ظاميك=ولحظت وصلتك بالبحر ينتثر ماك
أرخصت غالي مابغيرك يساويك=وأغليت منهو بالرخيصات ساواك
خلّيت شخصن ماطراله يخلّيك=وطحت بهوى اللي لاقسى الوقت خلاّك
اللي لجل حاجه بالأموال يشريك=تأكد إنّه لاقضاها بينساك
وإن رحت ولاّ جيت ماني بناسيك=لكن تعبت أستجمعك وأتبع إخطاك

المشاركة الأصلية كتبت بواسطة نفحة العود (المشاركة 1259431) تسلم ايدينك قلم مدع ماشاء الله يعطيك العافيه

المشاركة الأصلية كتبت بواسطة خيــال الاصيلــهـ (المشاركة 1259436) مبدع مبدع يالأمـير ولاهنــت هـذا اللي اقـولــهـ وبيض الله وجهـكـ

المشاركة الأصلية كتبت بواسطة خَ ــجَلْ }~ (المشاركة 1259446) صــح لســآنك يامبدع وننتظر جديدك تح ـيتي لك ..~

المشاركة الأصلية كتبت بواسطة هلاليه والفخر ليه (المشاركة 1259449) البدر صح لسانكـ كـ العادهـ مميز بحضوركـ بشووق لجديدكـ