منتديات الأماكن - ~|| مآبِقى لـ المَرآجِل فيّ زِمنآ أمآن ..!!

منتديات الأماكن (https://www.al-amakn.com/vb//index.php)

- ●{ذآئِقةً عَذبْــهـَ..~ (https://www.al-amakn.com/vb//forumdisplay.php?f=55)

- - ~|| مآبِقى لـ المَرآجِل فيّ زِمنآ أمآن ..!! (https://www.al-amakn.com/vb//showthread.php?t=81816)

~|| مآبِقى لـ المَرآجِل فيّ زِمنآ أمآن ..!!

,

ياسعود لانشدوك وش قصته منطوي؟!
قل لهم : مابقلبه للسعـاده مـكان ..

أختلف من عقب ماهو شخص سوي..
وأنحرف عـقب ماهو بقمة الأتزان ..

من هم اللي يقولون البقاء للقوي ..
لو تراهنت معهم قد كسبت الرهان ..

والله أني قوي .. ولاشك ماتستوي ..
قوةٍ مع خيانة من عـطاك الأمـان ..

أمس طاح الوفاء من دون صوت ودوي..
طيحةًً مـاسمعها إلا الزمـن والمكـان ..

يوم جـتني من أقـرب صاحب تلتوي ..
كل شيء تحطـم في عُـيوني وهـان ..

طـعنة مِن خُوي في زمـان فوضوي..
لا كتمها خفوق .. ولا نِطقها لسـان ..

قَبلها لي خَـفوقٍ صـادقٍ يحـتوي ..
نص كله وفاء .. والنص الآخر حنان ..

وبعدها كن وسطه ذيب غدر يعوي..
منه بيض النوايا أستاحشن يافلان ..

بيضَ الله وجِـه المَوقِف الِملتـوي ..
يُوم بين رفـاع ويوم بين طِـمان ..

يا سعود شفت طعنات الخوي للخوي ..
مالها بالوصف إلا طـعون الـزمان ..

آآآآه وإن جتك طعنه من يدين بدوي ..
مابقي للـمراجِـل في زمـنا أمَـان ..

.
رآقَت ليّ ..