منتديات الأماكن - عندما تعشقـ التشيز كيـــــكـ

منتديات الأماكن (https://www.al-amakn.com/vb//index.php)

- ●{ أُحِلَّ لَكُمُ الطَّيِبَاتُ}~ (https://www.al-amakn.com/vb//forumdisplay.php?f=28)

- - عندما تعشقـ التشيز كيـــــكـ (https://www.al-amakn.com/vb//showthread.php?t=47603)

عندما تعشقـ التشيز كيـــــكـ

بسم الله نبدأ مع الخطوات:

أول ما تبدون حموا الفرن على حرارة 350

مقادير القاعدة:

2 كوب بسكويت جراهام أو دايجستف مطحون
5 ملاعق كبيرة سكر
ربع ملعقة صغيرة قرفة
60 غ أو 6 ملاعق كبيرة زبدة، مذوبة
http://www.al-amakn.net/up3/uploads/0065f5552e.jpg

نخلط المقادير مع بعض ونرصها في قاع صينية التشيز كيك (اللي قاعها متحرك) و جوانبها...
ملاحظة: خلطة البسكويت بتكون نثرية مو متماسكة، بس لما ترصونها بتمسك مع بعض...
في البرنامج أستخدم كوب القياس عشان يرص فيه البسكويت، أنا استخدمت قوالب الكريم كراميل الصغيرة وأدت الغرض

دخلي الصينية الفرن لمدة 6 دقايق بالضبط، وهذا شكلها بعد ما تطلعوونها

http://www.al-amakn.net/up3/uploads/9c9a015b81.jpg

مقادير الحشوة:

600 غ كريم تشيز، انا استخدمت علبتين جبن فيلادلفيا الحجم العائلي، وزن العلبة الوحدة 300 غ
كوب سكر
1 ملعقة كبيرة بشر ليمون (حسيت ان الكمية كثيرة وغيرت طعم التشيز كيك، فأتوقع ربع ملعقة يكفي)
ا ملعقة صغيرة فانيلا
صفار 5 بيضات
ربع كوب كريمة
بياض 5 بيضات

نجيب الكريم تشيز والسكر وبشر الليمون والفانيلا
http://www.al-amakn.net/up3/uploads/1cb4844b8e.jpg

نخلطهم مع بعض لين يصيرون مثل الكريمة

http://www.al-amakn.net/up3/uploads/c964220729.jpg
نضيف عليهم صفار البيض والكريمة ونخلطهم

http://www.al-amakn.net/up3/uploads/9c20474261.jpg
نخلط بياض البيض لحاله لين ينفش ويتماسك

الحين نجيب بياض البيض ونضيفه بالتدريج على مقدار الكريم تشيز ونحرك بملعقة خشب من فوق لتحت عشان ما يهبط البياض، لحد ما يتجانس الخليط ونصبه في الصينية

http://www.al-amakn.net/up3/uploads/b8954c070c.jpg

ندخل الصينية الفرن لمدة ساعة وربع... اللي سويته هنا إني غطيت قاع الصينية بورق ألمنيوم و حطيتها في حمام مائي عشان ما تحترق لأنها بتطول بالفرن...

وهذا شكلها بعد ما نطلعها

http://www.al-amakn.net/up3/uploads/b901f84d0d.jpg
خلوها تبرد تماماً، تقريباً ساعة ونص

بعدين حطوا عالوجه الحشوة اللي تحبون (أنا استخدمت الكرز)
بعدين دخلوها الثلاجة إذا تحبونها باردة، أو قدموها على طول

وهذ شكلها

http://www.al-amakn.net/up3/uploads/769cb00dd1.jpg
http://www.al-amakn.net/up3/uploads/8f2c03aebd.jpg
http://www.al-amakn.net/up3/uploads/3262d9614b.jpg

بصرااااحه اعجبتني الطريقه مرره وحبيت انقلها لكم

ان شاء الله تعجبكم

وبالعافية على قلوبكم:)