ياليل لا تجفى
 

السلام عليكم
اشلونكم شخباركم
اولا كل عام وانتم بخير وعساه من اسعد الاعياد على الامه الاسلاميه كافه
وان يحفظ حجاجنا ويردهم لنا سالمين غانمين
المهم ما اطول عليكم اليكم جديدي يا ليل لا تجفى
وانشاء الله تعجبكم :

يا ليل لا تجفى ترا الـقـلـب مـوســوم = مـاعـاد لـه حالٍ ولاهـوب بــسـالي
ريـــمٍ فـتـني لاهـو بالـفرس والــروم = همسه هـمـسني همسةٍ كــالــزلالي
خـلا فـؤادي عــالـقٍ دونــه احـــلـوم = يـرقى صـــفاه اللـي رمقـني شمالي
يرقى صفاه بـغـيـمةٍ فـوق الإشـمـوم = يعـبر بـها صــحـاري قـلـبي تـــلالي
مالوم نفسي في هـوا الزين مـلــزوم = من شافته عيني حِـسينَ الخِـصـالي
مثلي تعنى في رجا الـحـب مـحـتــوم = حــظ الـمـعـنـى فرجته فـي الـلـيـالي
من شْرِفت قلبي واناالـنوم مــحـروم = يـجـفى مـنـامـي لــذة الــلـي جـرالي
عاينت حالي في رجـا دونــه الــقـوم = مـجـبـور فـي حـبه ولو مــا صــفالي
واللـيـعة الـي تطري الـحـب والـلـوم = تـفـتح عـلـى نـفسي كـثـير الـمجالي
اللـه عـلى حـبن صـفـالـي بـه إغيوم = مــن يــومـه الاول وحــبـــه جِــلالي
كيف الوصل والوصل سموه مرحوم = مـن قـبـل يـولــد مــا قــدر للـثــقالي
أسـمـوا عـليه اهـل العذل كـل مذموم = بـأثـقل مـواصـيـف الـجـفا والفـعالي
والخـتم يـاهـل الـهوا حـالي بـِهـمـوم = مــن فـــارق الخـلان قـلـبي شــكالي

وسلامتكم .

رد: ياليل لا تجفى
 

صــــح لسانك ----واعتلى شانــــك

كلمــــــــــــات القصيده رائعه

عساك عالقوة يارب
http://sub3.rofof.com/img3/011vcpil25.gif

رد: ياليل لا تجفى
 

الفراشه الزرقاء الله يقويج ويصح الله ابدانج

وشكرا على الاطراء الغالي

كما سعدت بمرورج الغالي

رد: ياليل لا تجفى
 

رد: ياليل لا تجفى
 

مرحبا اختي مرجوه وصح الله ابدانج
واطرائج اسعدني جدا

الله لا يحرمني من مرورج

دمتي بود

رد: ياليل لا تجفى
 

صح لسانك جريح


شاعر متمكن ماشالله عليك

أبيات جميله .. ومشاعر أجمل

بس عندك الشطر الأول .. من البيت الاول


يا ليل لا تجفى ترا الـقـلـب مـوســوم

كلمة ( ياليل ) .. مخليّه الشطر مكسور ..

اما اذا قلت ( ياليلي ) أو ( ياليلِ ) .. تصير تمام وموزونه

اما اذا سكّنت اللام ينكسر الشطر :)


وباقي الأبيات تمام .. وماعليه كلام


بيض الله وجهك .. وفالك التوفيق

رد: ياليل لا تجفى
 

صح لسانك وعسى عالقوه
تحيااتي لقلبك
اميره الدلع

رد: ياليل لا تجفى
 

وبيض الله وجهج على النقد البناء وسعيد ان القصيده نالت اعجابج اما بالنسبه الى البيت الاول فهو موزون وكلمة يا ليل بكسر الام يكون نطقها الصحيح وانا اعتذر لعدم وضع الكسره لكي تتضح الصوره والقصيده على وزن المسحوب

مشرفتنا الغاليه اشكر اهتمامج الغالي
تقبلي تحياتي العطره لشخصج الكريم

رد: ياليل لا تجفى
 

اميرة الدلع الله يقويج

ولا تحرميني مرورج الغالي

دمتي بود

رد: ياليل لا تجفى
 

رد: ياليل لا تجفى
 

صح الله ابدانك يالغالي

ودمت بود

رد: ياليل لا تجفى
 

رد: ياليل لا تجفى
 

رد: ياليل لا تجفى
 

شكرا وصح ابدانج ولاهني
على الاطراء الرائع بروعة
روحج

تحياتي

رد: ياليل لا تجفى
 

صح الله ابدانج يالغاليه
ولا يحرمني الله من مرورج العطر
دمتي بكل ود