|
الزواج ... ومشكلة الرفض والقبول
السلام عليكم أهلين حبايبي اليوم جايكم بسؤال غريب شوي أو ماهو غريب بصراحة هالسؤال من فترة طويلة وهو يدور في بالي ولحد الحين ماوصلت لإجابة شافية والسؤال اعتقد إن الأقرب للإجابة عليه هم البنات لأنه أقرب لهم وخاص فيهم سؤالي هو : وش موقف البنت لما يخطبها ولد عمها أو ولد عمتها أو ولد خالها أو ولد خالتها أو شخص قريب منها حيل وهي ماتبي هالشخص لأسباب تعرفها هي يمكن ماتحبه أو تشوف عليه أشياء ماتصلح أو يمكن مايناسبها أبدا هذا مو مشكلة المشكلة لما يجي أبوها ويستشيرها تقبلين فيه وإلا لأ ؟؟ هنا المشكلة هل ترفض وهالشي ممكن يزعل أبو هالخاطب منها يمكن عمها أو خالها ؟؟ أو توافق وتدوس برغبتها الأرض وتتحمل تبعات هالقرار التعسفي أو وش تسوي في هالحالة ؟؟ انتظر إجابة من الجميع ويعطيكم العافية |
مشاركة: الزواج ... ومشكلة الرفض والقبول
اخوي هنيدي تألقك بطرح الماضيع وحسن اختيارها تجعلنا من المتابعين لها بشدّة.. بالنسبة لسؤالك فهو محيّر ليس لك فقط بل للبنات بشكل خاص.. وبالنسبة لي فـ أنا أرى أن أرفض وأقول لا إذا رأيت فيه شيء واحد لا يناسبني حتى ولو غضب والد الخاطب لأن الموضوع في النهاية قسمة ونصيب وعشرة عمر وليست لعبة وتنتهي.. لك كل الشكر والتقدير |
مشاركة: الزواج ... ومشكلة الرفض والقبول
اختي الملعقه صادقه اوافقها بالراي
عشاني اذا اخته غصبن عني مجامله يعني وهذي الاشياء ما فيها مجامله ما راح اقدر اسعده ابدا ولا هو يقدر يسعدني ومشكور اخوي هنيدي على موضوعك |
مشاركة: الزواج ... ومشكلة الرفض والقبول
السلام عليكم بما ان هذي المشاركه الاولى معكم احب اعطيكم رايي بكل تواضع
اولا موضوع الزواج من اهم المواضيع في حياة اي بنت وولد لذلك لازم نبتعد عن العاطفه ونرجح العقل ثانيا لو حصل لي موقف مثل كذاابرفض واببين اسبابي اذا كانت طبيعيه ابينها لاحد وارفضه ببساطه لان لوحصل وخذته وماحصل نصيب وانفصلنا اول من بينصرفون عني هو واهله وهذا رئيي فقط لاغير وشكرا |
| الساعة الآن 07:20 AM. |
Powered by vBulletin® Version 3.8.4
Copyright ©2000 - 2024, Jelsoft Enterprises Ltd.