منتديات الأماكن - يسعد صباح اللي من النوم صاحي

منتديات الأماكن (https://www.al-amakn.com/vb//index.php)

- ●{ذآئِقةً عَذبْــهـَ..~ (https://www.al-amakn.com/vb//forumdisplay.php?f=55)

- - يسعد صباح اللي من النوم صاحي (https://www.al-amakn.com/vb//showthread.php?t=73347)

يسعد صباح اللي من النوم صاحي

يانور شمس الصبح في وقت الاصباح=
اضحك لنا واطلق حجاج الصباحي

الليل راح وهاجس الليل ماراح=
يسعد صباح اللي من النوم صاحي

الناس مرتاحه وانا غير مرتاح=
كن ارتياح الناس غير ارتياحي

اللي يسر الناس ويجيب الافراح=
يجيب همي من جميع النواحي

احيان اقول الناس مافيهم صحاح=
والا انا مجنون ماني بصاحي

قلبي خذابه مشرق الشمس مسراح=
والعين شالت همها فالمراحي

الشوق حط القلب يالغالي مراح=
ماعاد له يانور عيني مراحي

يامشغل التفكير لو صبري سلاح=
ياليت قلبي من غلاك استراحي

اصبحت بين الناس بالفكر شطاح=
ساكت وانا في قمة الانشراحي

مع طيفك اللي داخل الفكر سباح=
سواة طيرن سابحن بالجناحي

ابحرت في حبك وانا غير ملاح=
اكافح امواج البحر بالسلاحي

في عالم التفكير وعناق الارواح=
روحي تعانق صورتك بانفتاحي

كويتني حطيت في قلبي جراح=
مدري من اللي شاورك باجتياحي

احسبك تذبحني واثر منت ذباح=
خليتني مجروح اضمد جراحي

سجنتني في عالم احلام واشباح=
حتى وانا نايم مع الحلم صاحي

يامن ملكت القلب في يدك مفتاح=
افتح لي الابواب واطلق سراحي

يمكني اسلى عنك واسج وارتاح=
والا غلاك امن الحشا مايزاحي

الن حضن عن عالية نجد ينزاح=
والا يشيل السيل خشم الجناحي

اعجبتني ونقلتها لعيون الغالين