رفقآ بالقوارير يامعشر الرجال ..
مسيكم بالخير جميعآ ..
كيفكم مع البرد اكيد الكل تعبان ويكحكح ومزكم ماعليه اجر ان شاء الله .. زمان عن الأماكن والنقاش فيه :(:qlb: بدخل في الموضوع مباشره .. وموضوعي غير معممم سبحان الله طبيعتنا الصحراويه وعيشتنا في هالصحاري القاحله اثرت بشكل كبييير على رجالنا وشبابنا .. وحتى اكتسبوا عادات ومبادئ عجيبه ماانزل الله بها من سلطان .. الاحظ في مجتمعنا غالبآ المرأه تعامل زوجها معامله حسنه واذا عصب من شي اذعنت له بإحترام وصمت حتى لو كان كلامه ضد كلامها او مااعجبها لكن ربيت على احترام الزوج وطاعته طاعه عمياء .. الحمد الله هذا شي طيب وبالعكس حلاة الأنثى في هدوئها واحترامها لزوجها .. لكن في المقابل نشوف الرجال مايملى عينه شي .. الاحظ بعض الرجال يدعي المثاليه واني اعامل زوجتي بحب واحترام لكن من اي موقف يعصب فيه ينسى نفسه ويطلع على حقيقته ويتلفظ بألفاظ على زوجته زي مثلآ .. انتي ووجهك او وش انتي متعوده ؟ اسلوب تحقير ! ولا مثلآ زوجته قايمه بواجباتها على اكمل وجه وقايمه بأهله وحاشمتهم واذا اشتكت له بتقصيرهم في حقها قالها .. هم جايين لي لبيتي ومالك منه ولامعروف عليهم ! الحين لو تطلع هالزوجه من بيتها .. بيقدر الزوج يعزم وينادي اهله ؟! ليش هالطبع في بعض رجالنا نادر مايعترف بأفضال زوجته عليه .. نادر مايشكرها على اي عمل تقوم به له ! للأسف كل اب يربي بنته على الخضوع التام للزوج ومهما قال لها لازم تتغاضى وتحافظ على بيتها مقابل كرامتها ! حضرت موقف لقريبه لي كبيره في السن وزوجها ينشهد له بالأخلاق بين الرجال .. يتصف بالحكمه وله كلمته في المجالس وبين الرجال بس استغربت كان يكلمها في الغرفه المقابله للمكان اللي انا فيه ونقاش بينهم بسيط الا يقولها لاتتشرهين انتي ووجهك بس ! وزوجته ماقالت ولا كلمه .. ويوم جت لي استغربت وانتقدتها ليش تسكت قالت يابنتي هذي الدنيا وبكره تربيك .. وش تربيني عليه على الذل والإهانه ؟! المشكله ان هالنوعيه من الرجال لاصاروا راضين مافيه احلى منهم لكن خليه يعصب يدور اي شي يحقر به زوجته او يهينها به ! ليتهم حطوا هالآيه ( وعاشروهن بالمعروف ) نصب عيونهم كان احنا بخير ارآئكم حول هالنوعيه من الرجال ! |
رد: رفقآ بالقوارير يا معشر الرجال ..
|
رد: رفقآ بالقوارير يامعشر الرجال ..
تدرين وش ودي
ودي كل زوجهـ تعامل زوجها مثل مايعاملها والله حرام ذا الرجال مايملاء عينهم شي ياحياتي ذا الحرمه تقطع نفسها له ولاهله ولايبان يسلمك ربي ع الطرح لاهنتي |
رد: رفقآ بالقوارير يامعشر الرجال ..
موضوع بالفعل جميل و اجتماعي و يلامس واقعنا بشدة
كثير من النساء يشتكين و يتذمرن من اهمال أزواجهن لهن و سوء معاملتهن هناك أزواج لا يراعون مشاعرهن و لا يعاملوهن بالاحترام و التقدير بالرغم من تضحيات المرأة في سبيل زوجها و أسرتها و طاعتها و تفانيها في خدمتها فهي التي تستحق التقدير و الاحترام فهي آخر من ينام في أهل بيتها و أول من يقوم يستطيع الزوج بكلمة منه أن يحسسها بذلك المجهود الذي تقوم به في سبيله و في سبيل بيتها تلك الكلمة يمكن أن تنسيها التعب و الارهاق و تجدد نشاطها فوالله لو مرضت الزوجة أو أصابها مكروه لتوقفت الحياة غاليتي طرحك غاية في الروعة شكرا لتواجدك المتألق دمتي بود جووود |
رد: رفقآ بالقوارير يامعشر الرجال ..
خذوها نصيحه يالمتزوجات <<تكفين يالخبره
اسحبي عليه هههههه المشكله يقولون الحرمه هي للي تغير الرجال وهم يقولون <<افا ياذا العلم تمشيني مره ههههه لاكن مااننكر دورنا في الكيد النسوي طلعيه عليه وبشري بسعدك حبيبتي طرحك لللموضوع اعجبني كثيرررر وننتظرك في مواضيع احلى ياعسل لاعدمناك ابدن |
رد: رفقآ بالقوارير يا معشر الرجال ..
اقتباس:
الرجل ياشوشو تقدرين تعودينه على كل شي الا انه كيف يحكي وكيف يعامل زوجته لإنه يعتبر هالشي انقاص من رجولته ! وممكن يتغير بس اذا كان رايق واذا عصب طلع على حقيقته :mad: , سعيده لمداخلتك يالدووبا :D ( برضوه ايقونة قلب ترقع بقوه ) :D |
رد: رفقآ بالقوارير يامعشر الرجال ..
اقتباس:
عوآآفي :) |
رد: رفقآ بالقوارير يامعشر الرجال ..
اقتباس:
اتذكر سمعت مره واحد يكلم الاف ام كان موضوعهم عن ضرب الرجل للمرأه الا هو داق ويهايط بعد من وساعة الوجه يقول انا اصحي حرمتي على الضرب وانومها على الضرب :confused: قالت له المذيعه والسبب ؟ طبعآ له اسبابه لكن ماتوصل للضرب << المشكله فرحان بنفسه مالت :( عوآآفي :) |
رد: رفقآ بالقوارير يامعشر الرجال ..
اقتباس:
هلا بك ياعسل .. اكيد الحريم كيدهم عظيم لكن الإنثى وهي تصارخ وتآمر وتنهى الرجل تتجرد من انوثتها .. حلاتها في هدوؤها وطاعتها لزوجها .. لكن في المقابل مانبيها تنظلم نبي الكلمه الطيبه والريق الزين ;) عوآآفي :) |
رد: رفقآ بالقوارير يامعشر الرجال ..
سبحان الله على قسوة الرجل الاانه تتجلى لنا مدى تميز المراة من صبرها وتحملها وماتحمله من قلب يمتلاءبالحب والعطاء اعرف نساء على رغم قسوة رجالهم الا انهم لهم مكانة بالمجتمع او بين اهلها
|
الساعة الآن 08:14 PM. |
Powered by vBulletin® Version 3.8.4
Copyright ©2000 - 2024, Jelsoft Enterprises Ltd.