آه ياقلـب(ن) تحمـل مايـطـاق=مـن همـوم(ن) زودت عطايبـه
ليت الخصم لابان ماينصب رواق=ويصير عبـره للوجيـه الهايبـه
نعطيه من جزل المعاني طاق طاق=ويشتالها منـي واجيـب الغايبـه
وين الشهامه والمـروه والوفـاق=اصبحت اشوف الخلق عنها تايبه
ماعاد فيهـا لاعويـن ولارفـاق=كل(ن) لنفسـه والحميـا سايبـه
ولاعاد فيهـا لاجـلال ولادقـاق=الطيب نعرف رمية اللي صايبـه
ولايسوي الطيب من كفـه رقـاق=الطيـب مايبغـى يدينـن عايبـه
الطيب يدفـع للمراجـل بشتيـاق=شوق المعالـي بالفعايـل طايبـه
ثم آه ياوجدى وجود اللي معـاق=عاقه زمانه قـام يرجـى ثايبـه
عظمه هشيش وعايقه كسرن بساق=وقامو عليه اهل الـردا والخايبـه
ماعاد عقب الضعف قوه للحـاق=اصبح صويب الوقت كفه شايبـه
حتى الضنا مقفي وطبعه طبع عاق=عيـا يطيعـه فـي مهمـه نايبـه
ولاذكرت الا الشعر والقاف ساق=بيتن طرالي يـوم جيتـه جايبـه
هذا زمانن للمره واهـل النفـاق=ولاّزمان الطيـب واهلـه غايبـه

المشاركة الأصلية كتبت بواسطة العَذوُبّ القحطاني (المشاركة 1473397) صَحـ قًلبكَ.. قَصيٍده رآئعه.. سطــام.. نـِحنَ ننِـتظرَ جـِديدكَ بكِـلَ ششغفَ ~ وديَ وتقدري* لكَ ~ وشكرلايفيْ العَذُوبّ

المشاركة الأصلية كتبت بواسطة ابن معلا (المشاركة 1473416) آه يـــــاقـــــلـــــب(ن) تـــــحـــــمــــــل مـــــايـــــطــــــاق مـــــــــــــن هــــــمـــــــوم(ن) زودت عـــطـــايــــبــــه سطام ياسطام ما لومك وش عاد هاذا الزمن تغير وخاب ارجاي به ناس حسوده وضحكهم هو المراد لا تلوم قلبك بلي شايفه الينه صايبه يوعطيك الــــف عافيه على القصيده الجميله تقبل مروري

المشاركة الأصلية كتبت بواسطة فوضوية مشاعر (المشاركة 1475263) صح لسانك اخووي قصيدهـ جزله وماهي غريبه عليك بانتظار جديدك وابداعاتك دمت بود