منتديات الأماكن - ياجرحي استأذنك بنام لي ساعـﮧ

منتديات الأماكن (https://www.al-amakn.com/vb//index.php)

- ●{ذآئِقةً عَذبْــهـَ..~ (https://www.al-amakn.com/vb//forumdisplay.php?f=55)

- - ياجرحي استأذنك بنام لي ساعـﮧ (https://www.al-amakn.com/vb//showthread.php?t=77143)

ياجرحي استأذنك بنام لي ساعـﮧ

اتمنا تعجبكم

ياجرحي استأذنك بنام لي ساعـﮧ ●●
وارجوك داخل على الله لاتصحّيني ●●

لي خمسـﮧ ايام اعيش السّمع والطّاعـﮧ ●●
ولك خمسـﮧ ايام تامرني وتنهيني ●●

والمشكلـﮧ جت عروق القلب فزّاعّـﮧ ●●
مايكفي انك سرقت النوم من عيني ●●

اصبحت انا القاز وانت امسيت ولاّعـﮧ ●●
شبيتني يلعن اهلك وش يطفّيني ●●

دكتور وممرضـﮧ وابره وسمّاعـﮧ ●●
في كل ليله ولايدرون وش فيني ●●

ياسيدي الجرح قلبي يشتكي راعـﮧ ●●
لا الذنب ذنبي ولا الموضوع بيديني ●●

حبيت واخلصت واثر الحب فقّاعـﮧ ●●
روّح وباقي يموتني ويحييني ●●

غيري هدر دم عشق وللاسف باعـﮧ ●●
غيري قتل كل حب بحد سكيّني ●●

وانا الي اصبحت للأخطاء شمّاعـﮧ ●●
وادفع ثمن كل غلطه من محبيني ●●

قبلي في العشق ناس وتشكي اوجاعـﮧ ●●
قالوا متاهـﮧ وانا جيتـﮧ برجليني ●●

بدايته سلسلـﮧ والنّفس طمّاعـﮧ ●●
اغراني ادري ولا في شي يغريني ●●

واليوم لو قلت يااهل الحب وطباعـﮧ ●●
انتوا على دينكم وانا على ديني ●●

اجبرني الجرح اعيش السّمع والطّاعـﮧ ●●
حتى ولو قلت له ياجرحي اعفيني ●●

من خمسة ايام وانا في رجا ساعـﮧ ●●
وان جيت بنامها جرحي يصحّيني