|
مآسسي مدمـن
بسسسم الله الررحمن الرحيم
انا ي جماعه الخير شاب نشأ ع طآعه الله والوالدين والحمد لله عششت حياه طبيعيه حتى بلغت الـ 15 من العمـر وبعد وفآة والدي وانا في هذا السن _ رحمة الله علي_ تعرفت ع شله خربآآنه وقادونـي معهم وللأسف طحت في الخرآب بأنوااعه ولكن في الوقت الحآلي انا احاول واتمنى ان اتعآلج من الحشيش ذهب الى مستشفى الامل بأجبار من اخواني ودخلته لمده شهرين ولكن تدهورت حالتي اكثر واكثر لأني شفت في هذا المستشفى عآلم اخس من الي برى بصرآحه وطلعت اخس واخس والحين نقول بآذن الله اني ناوي اعدل من حياتي واتمنى ان اتخلص من الحشيش لأني افرطت في استخدامه يومياً والله ي جمآعه بـما يقارب ربع كيلو او اقل ولكن بشكل يومي ودخلت عالم المخدرات بعدني عن ربي وعن اهلي وعن العالم بديت اكره الوضع الي انا فيه صارت حياتي كلها جلسه في البيت واحشش واحشش طفششت وانا ع هذا الحال ما ابي اكلم احد مابي اقابل احد فلوسي كلها رااحت فيه واتمنى منكمم ان تقدمولي نصيحه لأني تآيه في هذا البحر ماني عارف كيف اخرج منه وجزآكم الله عني كل خير ... وآسف ع الاطآله وشكررـاً |
رد: مآسسي مدمـن
فهد"
اسال الله ذو القوة والجبروت ان يشفيكَ يساعدك مما انت فيه ياحي ياقيوم . وشدني كلامك كانها بدايه .. تصحيح مسارك َ ..:122: ابتعد عن هالشله اولاً .. ثانيا العلاج .. والاهم الصبر الصبر وربي يقويك ياخويِ .. وربي ينور حياتكَ اللهم امين .. لك منى الدعاء من قلبْ.. وعليكَ الالتزام واطلب من الله العون |
رد: مآسسي مدمـن
|
رد: مآسسي مدمـن
بداية الحلول هي الاعتراف بالمشكله
اخوي اتمنى تقوي ايمانك بالله .. وتبتعد عن شلة السوء لأنهم دمار لمستقبلك والأهم يكون عندك عزيمه واراده على تغيير حياتك للأفضل وان شالله ربي يساعدك ويسعدك =) |
رد: مآسسي مدمـن
شف وانا خوك
اول شي لازم تسويه تجلس مع نفسك وتقول انا رجال وقدها وقدود وهالبلاوي تخسي انها تدمر حياتي وبعدها حطها في راسك وخل الشغله عناد بينك وبينها وقبل كل شي توكل على الله وهو اللي بيعينك الله يفكك منها ويوفقك ويعدل احوالك |
رد: مآسسي مدمـن
الله يجزآكمم بالخير ويسستجيب منكمم دعواتكمم
والله ما ادرري كيف طرحت المووضوع هـذا بسس اكتشفت انو فيه لسسى نآس طيبين الله يسسعدكمم ويكتب لي ولكم الي فيه الخير |
رد: مآسسي مدمـن
اسأل الله الذي رفع السماء انه يرفع عنك ويخلصك من هالسموم انه ولي ذاللك والقادر عليه..
اوصيك اخوي بصلاة اليل لو ركعه وحده تصليها بخشوع واطلب الله بقلب صادق اول شي انه يهديك الى سواء الصراط المستقيم ثم انه يعافيك ويعينك على ترك هالسموم وبأذن الله ربي ماراح يخيبك بس اصــــبر اصبر اصبر .. وداوم على الصلاه فهي اول خطوه للعوده لطريق الصح.. وادعي ادعي وخل الوالده تدعيلك وتحرى ساعات الاجابه واستغلها بدعاء .. اخوي الدعاء اقوى سلاح انت تقدر تستغله بدون مايكلف ادعي بقلب صادق واحسن الظن بالله فاوالله ثم والله راح تشوف عجايب قدرة الله ... وكيف ربي يسخر من يعينك ويسهل عيك الامور... اعترافك اول خطوه للعوده لطريق الصحيح صدقني اخوي بعد كذا كله سهل... بس انت احزم امرك وابدأ من هالدقيه لات ضيع وقت .. خلاص الي فات مات ابدأ من جديد واطلب العون من الله واستمر وبأذن الله راح ترجع احسن مما كنت لانه سبحان الله الي يذرته صالحه lلو غلط يجي يوم ويرجع واذا رجع يرجع احسن من اول ... ربي يهديك الى سواء الصراط المستقيم ويصلح قلبك وعملك ويجنبك اسباب غضبه ... امين امين امين |
رد: مآسسي مدمـن
من الاخر اذا كانت عندك القوة والاراده .. والخوف من الله بعدم الرجوع
صدقنيِ .. بتنحل كل اموركّ والله يثبتكَ ويقويكَ يارب |
| الساعة الآن 02:40 PM. |
Powered by vBulletin® Version 3.8.4
Copyright ©2000 - 2024, Jelsoft Enterprises Ltd.