الموضوع: انتي طالق !!!!!!!
عرض مشاركة واحدة
احصائياتى

الردود
9

المشاهدات
1109
 
عبير الخزامى
عضو ياهلا فيه

عبير الخزامى is on a distinguished road

    غير متواجد

المشاركات
9

+التقييم
0.00

تاريخ التسجيل
Apr 2005

الاقامة

نظام التشغيل

رقم العضوية
1378
05-05-2005, 04:56 AM
المشاركة 1
05-05-2005, 04:56 AM
المشاركة 1
انتي طالق !!!!!!!
انتي طالق !!!!!!!
السلام عليكم
مشكله كبيره بل كارثه تكاد تفتك وتدمر المجتمع الطلاق فلانه تطلقت وفلان طلق واذا اطلعنا على الاسباب نجدها مره تافهه وماتستحق النظر فيها ومره تكون قاتله ويكون احد الطرفين انظلم فيها اشد انواع الظلم
حبيت اطرح هالموضوع والجميع يشارك فيه ونتناقش من حيث الاسباب ,النتائج ,طرق حل هالمشكله
انا من وجهه نظري ان الغش وعدم الصراحه من اكبر المصايب اللي الواحد ممكن يتعرض لها وتكون بمثابه الطعنه له مثلا وحده من اعز صديقاتي اكتشفت بعد الزواج ان العريس سكير درجه اولى يشرب الليل والنهار بالاضافه الى انه مريض نفسي ومعقد ومو طبيعي ابد ووقت الخطوبه الاهل كانو يمدحون الولد ويشكرون في اخلاقه حتى الناس اللي سالهم ابو البنت عنه رفعوه للسما بالكذب والغش وشهاده الزور والمسكين صدق وطار من الفرحه وعطاهم بنته واهل الولد ماقصروا في فتره الخطوبه كانوا يعطونه من المهدئات والادويه حتى يظهر بالمظهر الطبيعي قدام الخطيبه واهلها. ايضا من ضمن الاسباب صغر السن لاي كان من الطرفين والدلال الزايد وتدخل الاهل في حياه ابنائهم بالاضافه الى نصائح الاصدقاء والحكم السريع على الطرف الاخر من بدايه الزواج والنظر في عيوبه وتناسي الحسنات والتغافل عنها
والاهم من هذا كله ان الولد او البنت يحط في باله مواصفات معينه للزوج او الزوجه ويعيش مع هالمواصفات شهور ويمكن سنين ولما يتزوج يلاقي هالمواصفات مو موجوده ويحس بخيبه امل ويحس انه موهذي حياته اللي كان مخطط لها ولاهذا اللي كان يتمناه ويبدا الشيطان يوسوس له ويتوقع ان الطلاق هو الحل البعض يطلق من اول شهر او ثاني شهر يعني لسا ماشاف خيرها من شرها واحيانا البنت تجي لبيت اهلها من اول ما ترجع من شهر العسل او بعده بفتره من سوء تصرفات زوجها او سوء معاملته لها لان فيه نوع من الرجال يحاول يشد على زوجته من بدايه الزواج وما يلاطفها وهالشي ينفر البنت وتحس بعدم الطمانينه والاستقرار وتحن لبيت اهلها وترفض ترجع لزوجها والنتيجه نسبه الطلاق في السعوديه 60% بالله عليكم مو نسبه تروع موحرام بنات بالكوم مطلقات/ شباب مديون حتى شعر راسه/ اطفال متشتتين
ادري اني طولت عليكم لكن ...... مشاركاتكم وارائكم لاتحرموني منها بليييييز
اختكم عبير الخزامى
الموضوع الأصلي: انتي طالق !!!!!!! || الكاتب: عبير الخزامى || المصدر: منتديات الأماكن

كلمات البحث

الأماكن , الاماكن , منتديات الأماكن , اسلاميات , صور اسلامية , سياحة , سفر , المرآه , سيارات , فيديوهات اسلامية , برامج , صور , عالم الحيوان , جوالات , اتصالات




hkjd 'hgr !!!!!!!