ماعرف شي إسمه نميمه وغيبه=ماعندي إلا كاش يامدوّر الكاش
خل الجبل لاتقربه وش تبيبه=السب نيشاني والأفكار رشّاش
لاتحسب إني مثلكم يالزريبه=طرق الكلام وشوت من خلف الأحواش
أمداي أروح إغتبتني والغريبه=تضحك معي لاجيت ولاّ إنت غشّاش
عيبن على الرّجال يجحد صحيبه=إركد ترن مطفوق والجاش حشّاش
يعني بلاش السب لاتبتديبه=أنهيك ياجيل الحلاوه وفشفاش
العذل والتفحيط عندي طبيبه=وضّح مكانك بس وأجيك عمّاش
كانك تبي تكرّه حبيب بحبيبه=شف غيرنا شرواك ضايع وبكّاش
شفت المسيح شلون يعشق صليبه=أحبها واللي تحدّاه ماعاش
يعني فديتك حبنّا وش تبيبه=ماهمّني هرجك ولاني بمهتاش
إنته مجرّد شي نسمع دبيبه=وعلى بقايا فضلة الناس تعتاش

الموضوع الأصلي: إركــــد .. || الكاتب: بدر عليان || المصدر: منتديات الأماكن

المصدر: منتديات الأماكن