الدعوى موب استهزاء بخلق الله .. لكن استغراب من مسكات بعض الناس على شي

ندري أحيانا .. الواحد تمسك معه في الكلام لتغه معينه .. وإلا ينطق حرف ما بطريقته الخاصه

مثلا .. واحد أثرم يومه صغير .. ينطق السين ثاء .. ويقول الثلام عليكم إذا جا يسلم .. عادي .. الأثنان هي الثبب
ويمكن يكبر على هالشي من كثر ما تعود .. ويصير حتى وهو رجال كبير ما تطلع السين واضحه .. وإذا شد حيله وبغاها تضبط معه .. طلعت بين السين والثين .. يعني معها سعابيل ويمكن يطرطش على وجه اللي يسولف معه غصب عشان يطلعها صح
هذا نقوله معذور .. لا تشيل هم .. مسموح تستبدلها بالثين الله يثلمك .. بث يرحم والديك ارحمنا ولا تتفل علينا وانت تثولف

لكن يجي واحد .. يلغي أم حرف بكبره من اللغه .. بدون سبب .. هذا اللي غريب


هذا واحد عكس الأول .. مسوي دليييت لحرف الثاء من قاموس ثمه .. ومستبدلها بفاء

يعني مثلاً .. ينطقها مفلاً خخخخخخخ
تناديه .. يقول طيب اصبر فواني .. قصده ثواني .. ويجيك معصب يقول وش تبي .. فاني مره لا تناديني

مره يسأله أخونا مصري .. ترتيبك كام ع الدفعه بتاعتكو؟!
قال : فلافه وفلافين (33) هههههههههههههههههههه .. بغيت أقول خلها ساده بدون بيض وبطاطس .. على بالي يقصد فلافل << برا يالمشفوح

عاد ذا المصري .. لقاها فرصه بيشخص عليه .. قاله : ايه إكلام ده؟ .. بتئولها ازاي يابني؟ .. كدا غلط .. مش معئووول اللي بتعملو ده
اووول معايه : ثلاستون وثلاسون هههههههههههههههههه .. شوفوا من بيصحح له عاد .. يلعن بليسه الدافور .. حتى هو ما ضبطت معه

قلت يا دافور بيه .. فكنا من فزعتك .. لا تخرب ولدنا الله يدق ثمك .. خله على الأوله أزين .. على الأقل بنفهمه
موب لين حتسى زيك تسنه في مسلسل إسلامي .. ما هازا يا فتى سكلتك أمك؟
هع .. أتدري يا هازا .. يابن الأقرع .. إني أشعرو بداخلي بإختراشتون اوب طبيعيه .. ويدي تأكلني عشان اومردغكا انتا ويّاهو <<ياهو والا هوتميل كح كح يا قدمك << بس ما يمنع إنك خشيت جو المسلسل مع الدافور << معليش شطحه

عاد خوينا مسوي يطقطق قلينزي .. ومره بيتفلسف يوم عطيته شي .. قال : فانكيو .. قصده ثانكيو
قلت متأكد إنها تسذا؟! .. قال : آي فينك سو I think so .. يعني الظاهر

قلت يرحم والديك .. لا يطري على أمك تروح تختبر قلينزي .. ولو حصل حاول ما يكون فيه محادثه .. عشان ما يحوسون مرير درجاتك .. كل ما صار كتابه ترى أبرك لك من إنك تحتسي قدامهم

أزين كلمه عنده واللي يجاكرنا فيها هو صح وحنا غلط .. فمك .. كلنا نقول ثمك

مره متضايق واسأله .. سلامات يابو فلان وش مكدر خاطرك اليوم؟!

قال : ياخي متأفر بشي شفته خخخخخخخخخخ قصده متأثر


خلاص .. تعبت .. وشكل لساني بدا يخرب من ذا اللي أماشيهم ويعكسون الكلام


المرة الأخرى فيه سوالف عن منسمين ثانين .. كلامهم من جنبها .. يتكلمون عربي هم زينا .. بس الفرق إنهم يقرون من اليسار لليمين
يقلبون راس اللي ما ينقلب راسه من كثر ما يخبصون إذا حتسوا


اللي ما استاسع صدره .. يشرب توت عشان يصير ريلاكس



لكل من تسدح هنا قليلاً .. وردة حب أخوية تحمل الود من القلب