صبرت من شان اشوف الخل = والخل عن دنيتي ساري
ما يذكر اللي طحاه اعلل = في جوف صدري كما الناري
(ياهل الوفاء) منكم ابغى الحل = حل (ن) عن اللي خذا اشعاري
الشوق فيني عليه انهل = وطيره يحوم بسماء افكاري
في كل يومن عليه اطل = وفي كل وقت(ن) له الطاري
واليوم ضني يبي يرحل = عن دنيت اللي له الشاري
ياخلي ويش الذي يحصل = وشهي ضروفك ياضاري
صارح حبيبك لا تبخل = حبيبك افدنيتك قاري
يراعي ضروفك و يتقبل = كل الذي بحالتك صاري
إن كان حظك عليك انشل = والحزن في حظك ايباري
لزوم لله تتوكل = وتومن في حكم الاقداري
ون كان قلبك عليا مل = مكتوب في داخله جاري
جاري وداعه بليا زل = وبليا رمحن ولا اشباري
بقولها لك ولاتزعل = ارحل توكل مع الساري
خابرك تبطي ماتسئل = لاعصر وليلن ولا انهاري
ولاجيت تبدا علي ترسل = واول ماتبدي الاعذاري
من بعدها ايام مالك ظل = ياخلي حبك طلع عاري
استر خليلك وله اجزل = واجزل في حالك يامباري