. . .

يارافع اليمنى على شمعة الدار=اقصر يمينك خل قلبك عطوفي
امطاوع الشيطان يخليك تنهار=ومن طاوعه يصبح وفيه الحسوفي
اللي امامك زهر من ضمن الازهار=غالي ثمنها مايقارن بَلوفي
قسم القسى طبع ٍ كريم ٍ فالاشرار=واللي معك ماهي لمد الكفوفي
الانثى ماتطلب من الرجل بعسار=تطلب محبه مع مواعيد توفي
محتاجه حبك مع حنان ابتيسار=لالا تخلي قلبها فيه خوفي
بادل مشاعرها وعطها بتكرار= وانطق لها حلو الاسامي هنوفي
هم حلوة الدنيا ليا ذقت الامرار=وهم سكر الخاطر ليا ضاق جوفي
الضلع الاعوّج قالها رب الابرار=هو خلقها ياللي بقوله تشوفي