ياعضاءنا بكتب ولحدن بنا يشوت=المعذره جتكم بنظم القطامي
اليوم ابكتب عن قضيه لها صوت=شاعت على درب الدنى بالحرامي
ياليتها تحسب رخى مر الو قوت=حسبانها خالف نظام الاسلامي
عشيقها عنده مثل طعمة التوت=واللي عشقتها جعلها بالطوامي
تحمل ذنوب ودمرت عرض البيوت=منهو تبعها..ينتظر يوم حامي
ينيلها بالعدل في يوم موقوت=ولانالها ماينفعه دمع كامي
ياعاشقه ماينفع العشق بكلوت=عشقك دمار العمر ونيل الظلامي
ياغافل اصحى واترك اطباع بيروت=واترك طباع الغرب وشد الحزامي
شده في صوب الوالي رب الملاكوت=ينجيك في يومن يقيم النيامي
بكره ليامن رحلوكم بتابوت=ماينفعك ياكود خير المقامي
الصوت ماينفع ليا فاتك الفوت=ولاينفعك سكبات دمع الندامي
كرتك شمالك يوم تقسم لنا كروت=ومن شال كرته في شماله يدامي
يدام بالسفله ولاهوب مبخوت=مبخوت في جنة عدن مع كرامي
وختامها مني نصيحة بلا صوت=تكتب في شعري ياعشيق الطوامي
راجع ملفاتك قبل يلفي الموت=واشطب على اوراق الخنا والملامي
اليوم تلبس لك عمايم مع ابشوت=وبكره تعرى طالب الستر ظامي
وانتي بعد ياللي تبينه لك يفوت=احساب نفسك راجعيه ابمهامي