مسااء/صبااح .. الورد !

.
.

وأنا اعبث بين اغراضي .. وجدتُ هذه القصه صدفة ً .. في احد دفاتري القديمه !

حقيقة ٌ لا أعرف متى كتبتها بالضبط .. ربما قبل خمس أو ست سنوات

فــ أحببت ُ أن اطرحها عليكم ..من باب التنويع في القسم
مع ان القصايد تفشّل نوعا ًما .. بس (يلاّ مو مشكله !!)

انتم بس خذوا المغزى .. اذا لقيتوا مغزى !

اترككم مع القصه .. بس لحد يجي وينقلها قسم القصص تراها قصاايد

.
.






" ياربي .. هالقطاار متى ناوي يمشي حضرته ؟!! "
" بس خلاص انتي .. بيمشي "
" انزين متى؟! صار له ساعه واقف !"
" اوف بس خلاص اسكتي"


قبل انطلاق القطار ببضع ِثوان .. إذ برجلان يركضان نحو القطار .. كلٌ منهما يحمل حقيبته في يده
واليد الاخرى فوق رأسه .. خوفا ً من أن يسقط الشمااغ!

ركبا القطار وهما يلهثاان !





" ااه .. اشوه لحقنا عليه "
" ايه والله "


( الرجاء من الركاب الجلوس في مقاعدهم .. وشكرا ً)



" يلا نصوور .. تعال نشوف لنا مكان نقعد فيه "
" يلا امش "


( نكرر .. الرجاء من جميع الركااب الجلوس في مقاعدهم سينطلق القطار الآن .. وشكرا ً)




" اوووف اخييراً .. مابغى! "
" قلتلك انه بيمشي .. بس انتي ماتفهمين "
" انتي اللي ماتفهمين .. أصلا ً كله من هذول اللي جايين متأخر تلاقينهم قاعدين يطلطلون على حريم خلق الله وناسين القطار "
" انزين اسكتي هذول هم جايين جهتنا "



" تعال عبوود نقعد هنا "
" انا ابي عند الدريشه ههههه "
" هههههه "




" جايين متأخر ويستهبلون بعد ! "
" مريووم تراهم قدامنا بيسمعونا "
" وخير ياطير خلهم يسمعونا .. عشان يعرفون اننا متأخرين بسببهم"
" يالذكيه احنا مو متأخرين بسببهم .. قالولنا من اول ان القطار به عطل بيصلحونه"
" لو سمحتي لاتدافعين عنهم كنهم عيالك .. الا بسببهم ونص .. بس تدرين مها وش بسوي؟!"
" وش بتسوين؟ "
"اصبري"


وأخرجت من حقيبتها ورقه وقلم .. وأخذت تكتب فيها ..وحالما انتهت من الكتابه
ألقتها على الشاب الذي امامها .. لكنه كان نائم .. فـ رأه صديقه الذي بجانبه



" هييه نصوور .. هييه نااصر"
"هاااه"
" وش هالورقه اللي انقطت عليك "
"شنو؟ هذي؟.. ورقه "
" بالله ياشيخ !! .. ادري انها ورقه .. افتحهاا"
"طيب ... ههههههه"
" وشفيك تضحك "
" الظاهر هذي من البنات اللي ورانا .. بقرأها لك "



بعض العرب يحْسبْ حياته على الكيف
والبعض منهم عنده آياات الاحسااس

والبعض مثلك طايح ٍبالــــــــسواليف
ماهمّه الدنيا ولا همّه النـــــــــــــــاس

تلقــــــــــــاه هايم ينتظر جيّة الطيف
والناس تنتظره عسى يسمع اجراس

تصحّيه من نومة خلايق عجاريـــــف
والأحسن أنّه ينظرب حييل عالراس



" هههههه الحين هم معصبين لأننا تأخرناا؟!"
" الظاهر"
" اقول خلهم يولّون"
" لا ماخلهم يولّون .. لازم انرد عليهم.. والله لوريهم من اللي يبيله ضرب "
" وش بتسوي يعني؟"
" برد عليهم بقصيده"
"بس انت ماتعرف تقصد"
"ماعليك بألّف لي كم كلمه "
" طيب يلاا اكتب اشووف"
" انزين انت بس اقلب وجهك شوي عشان اعرف اركز"


وبعد أن فرغ من كتابة الرد .. رمى الورقه خلفه وهو يبتسم !



" ياويلك يامريووم"
"ليش ياويلي .. يستاهلون"
"بس القصيده اللي كتبتيها قويه"
" احسن"
" الحقي الحقي .. قطو علينا ورق "
" والله ؟! .. اقريها بسرعه"
" اوك"



ياشين ناصح نصحه ماكان بالطيب
يصرخ عليّه وانا يحليلي نايــــــــم

ويقول انـــي منشــــغل بالغراشيب
ماهمّني الدنياـــــ وبعد كنت هايم

كلّـــن له ظروفه وشغــــله وتعقيب
ماني مثيل اللي مثيـــــل البهااايم

يختي كلامك اظهر براسي الشيب
نفسك في خشمك والصّبُح تو قايم

يختي علامك؟ لـــو تريدين تهزيب
عندي لساانٍ لـــك سباب وشتايم

والكف يظرب عندنا..بس ذا عيب
هذي المصيبه كيف بظرب نواعم!

هذي قصيدي فيها عبره وتأديب
ولنتم تلوموني ولانيب لايــــــــم





[
.
.



وبس سلامتكم