قنابل موقوته .. قابله للأنفجار بأي لحظه ..!!
ماراح أتكلم عن اهما شنو سوو فينا او شنو يقدرون اكثر يسون فينا ..
بس بتكلم عن الجانب الثاني ... احنا شنو سوينا فيهم ..!؟
بالبدايه احب اوضح جم شغله اكيد الكل حاطها بباله ..
هالفئه غريبه عننا .. نتوقع منها اي شي .. بعضهم لا دين لا مله لا عرف لا مبدأ لا انسانيه !
صعب انك تظن نفسك مسيطر عالوضع او حاط اقصى اعتبارات لـ شنو ممكن يسوون
فيهم اللي ينتحر .. واللي يقتل و و و
للذكر :
السنه اللي فاتت خادمه قتلت بنت عمرها 22 سنه وآخرى قتلت بنت عمرها 17 سنه
وآخرى قتلت ثلاث او اربع اطفال والأخير فكه الله وراح العنايه ! وآخرى حطت بنت معاقه
بالبانيو وبطلت الماي الحار عليها لمن ماتت .. و و وو ... وكل هذا بـ سنه وحده بس !
غير الانتحار والسرقه والتغيب والدعاره مع المخدوم او ابناءه ...! والسحر ..........!!!!!
ومانقدر نتصور شنو ممكن بسون لنا اكثر ..! واهم قادرين : )
اكلنا من ايديهم ( واثقين احنا !! ) غرفنا مشرعه لهم .. عيالنا تحت رحمة الله وعندهم !
الخادمه صارت أم ...! في اغلب بيوتنا ...
فـ اللي بتكلم عنه :
احنا شلون قاعدين نعامل هالخدم !؟
هذيل ما اشتغلو عندنا لـ انه خدمتنا هوايه بالنسبه لهم ..!!
ولا طموح وحابين يحققونه وبالعكس اصلا مصيبة اي انسان انه يخدم انسان آخر بنظام العبوديه
هذيل صارو جذي .. عشان الحاجه بس الحاجه .. ولو الحاجه اهتكت وجودهم كـ بشر
في كل يوم وساعة ودقيقة خدمة لنا ...! فـ توقع منهم اي شي ..! لانه خلاص انهدم فيهم الانسان ...!!
بعضنا يستخسر كلمة ( مشكوره او مشكور ) للخادم .. !
بعضنا يفر فيهم كل مجمعات الديره وولده او بنت على ظهر هالفقيره وآخر شي يقعد ويا عائلته على طاولة مطعم واهيا توقف فوق روسهم وتشيل عيالهم ولا يبرونها بـ شبس حتى !
بعضنا يقعدها نصايف الليل عشان تسويله توسته ..!
احنا نداوم 8 ساعات ونقبض همّجه آخر الشهر واهما يشتغلون 17 ساعه يمكن وبـ 40 او 50 او 60
بعضنا يشوف عياله اللي يسحب ملابسها واللي يتفل عليها واللي يزفها واللي يطقها وزين منه اذا يتحجى او يأدب عياله ..!
مربين عيالنا على انه هذيل خدم .. بس بصوره غلط .. نظام عبوديه ..!
اول ماينباق شي من البيت أول تهمه دايركت تكون للخدامه ...
الحجي كثير على هالجانب !
بس لازم مانشوف اخطاء الخدم وننسى اخطائنا بـ حقهم واللي ممكن تكون اهي السبب
الرئيسي لـ أخطائهم ..
خل ندير بالنا .. ترى والله احنا مسلمينهم كل شي .. بما فيها ارواحنا ..!!!! وعيالنا ..
* الحريه ...!