كافي صدمات بحياتي ..جاي تصدمني بعد
آسف إذا لك قلت انسى زماني
مهو بيدي قلبي اليوم ناسيك
حبك نسيته يوم قلبك جفاني
أبعد وانا أبعد ولا لي بطاريك
شلون احب انسان طبعه اناني
لا مايصير تبيع فيني واشريك
اتبع طريقك خلني في مكاني
يكفي جروح منك الله يخليك
ياما بكيتك لين دمعي نساني
ياما ترجتك ولا فايدة فيك
الحن جيت تقول انسى عشاني
جابك زمانك خلك اليوم
(ما أبيــــــــك)..
أي محبه وأي عشره وأي حنان؟؟
وأي شوق اللي انت تتكلم عليه؟؟
يعني واثق ان باقي ك مكان؟؟
وإن قلبي يرد لو ترتجيه؟؟
قلبي اللي غلطته حبك وصان
لو يصافح قلبك كنت اقطع له ايديه
اي محبه بعد مافات الأوان؟؟
اي حنان اللي تبي تعوضني فيه؟؟
وين كنت يوم انا احتجتلك زمان؟؟
وين حبك يوم انا ميت عليك؟؟
روح للي لأجله بعت الحب زمان
بس لاتنسى تسلملي عليه!!!
كافي
صدمات بحياتي
جاي
تصدمني بعد
والله هالدنيا غريبه
وش بقى فيها بعد
مابقى غير الجراح
وقلبي اللي ماستراح
عادي متعود حبيبي
حظي ياما طاح
غلطتي الطيبه ذبحتني
شوفها ودتني وين
اتضايق حيل منك
وأضحك وقلبي حزين
عرفت الناس والدنيا وطريقي
وعرفت ان الهوى كذب وأماني!
خذاني الشوق والحب الحقيقي
لذاك اللي عقب وده جفاني!
نساني للأسف في عز ضيقي
وأنا في غمرة جراحي أعاني!
لقيته في هوا غيري غريق
تنكر من هواي ومن حناني!!!
تحياااااااااااااتي
;htd w]lhj fpdhjd >>[hd jw]lkd fu]