منتديات الأماكن - عرض مشاركة واحدة

01-01-2010, 03:53 PM

المشاركة 17

عضو أمتعنا وجوده



رد: تحدي الشعار فقط

وهذا حل لغزك الهزيل:

والمعنى في بطن القصيده :

بسم الله إللي نحمده مالك الكون 000 كلٍ مسير والمِقدر عداله

ماقدر الباري على العبدِ بيكون 000 حتى البعير إلا فلت من عقاله

يجري على ضلعان سايح ومأمون 000 يرجع على سِيده ونجمع حباله

وأبدع قوافي كلها دُرِ مكنون 000 درٍ يزين صدر قافي جماله

والأوله بالهون ياراعي الهون 000 خذ ما بدالك من جوابي رساله

حمر العلابي لِعبهم ما تقاوون 000 والنصر فيه النصر حنا رجاله

وإللي شِطح بالقول جاهل وملسون 000 مثل العرا سربل ثيابه وقاله

شرق وغرب وأحترق مثل غليون 000 فاحت روايح نتنته من فعاله

ولا الجعر وش مال قوله تمنون 000 ياللي دواعي كذبته من خياله

اثري ِمولع جمرته زود بشحون 000 قبل التوجد انكشف لي خِباله

عاده طِري غِرنوق جاهل ومشطون 000 تلعب به الأرياح فوق احتماله

من ذا الزعيم إن كان يهدم وتبنون 000 ضاعت مباني قلعته والنفاله

من ذا يسكتني وانا راس دندون 000 أضرب علابي مِتزر بالجهاله

وإما الحشو فالحشو كلك بكرتون 000 صلصة طماط وبعضها من بقاله

كَمِك ضعيف وزيبقك راح بعفون 000 مثلي عرف في الناس كيف إنشغاله

إسمع كلامي وإفتهم ويش مدفون 000 مثلك غشيم ونظرته في ضحاله

لغزك غزل والقول داخل ومضمون 000 يدخل شباكك وانت صابك ذهاله

مذهول متبهذل وبالش على إديون 000 ابشر على سدةّ ديونك سهاله

اكتب على طرسي بحبرٍله إعيون 000 يشهد معالي كلمتي والجزاله

وإن كان تنظر رد لَلِي يَحَمْدون 000 ردك هِزيل وكسرته لامحاله

والطيب فيني والمراجل لها لون 000 طبع النشاما تِستِبق للخِياله

تفرد مقاله تنتهج نهج مغبون 000 يبغا مدايح عثرته من عياله

دونك زعيم القوم جالس تشوفون 000 يفرد فرايد ممعِنه في مِثاله

الوي صِليب الصُلب يالي تِخافون 000 من فزعتي عند اللقا والبساله

قلي حلاوا زادكم كيف تبغون 000 إن جا مرار الذوق عندك فساله

وان جا على سجع اللواحن له إلحون 000 زيّن على حي الطرب ما جراله

معمور راسه بالمثالب ومبطون 000 كل الرزايا خصته في مئاله

من يمدح المقبورِ ثورٍ له قرون 000 من نذبحه ويموت نجلب بداله

نكريه بالقلبان ونعطيه مَرهون 000 وان جا لزومه نقرعه في حلاله

لي لابةٍعند الصحايب يلِينون 000 مثل الجبل إن تزرعه زان حاله

وان جا غضب فالشر كله تهابون 000 مثل العواصف تقتلع من تناله

ما سارت الضبعه مع الأُسْدِ بِالهون 000 كود المنايا جاتها في غِياله

وإللي جمع جمعٍ مع الصبح يبكون 000 من وقع ضربي حد فيهم نِذاله

مركون سيفي دونكم لا تِشدون 000 بعض الحكي نِستعمله للخَماله

سيفي شطير ومسكته دونه الدون 000 يحلب حلايب لي طرا ما طراله

ولا الخلايق وش تباهم يشوفون 000 دمعة بكا من عين راعي رزاله

ردي وصل والعد لالا تعدون 000 ان جا رفيع الرد زدنا مقاله

بس اعرفوا وقع المواقيع تكفون 000 إن ضاع رده وسط زخم الجزاله

وان زدتوا زدنا

ودي