من يم نجد وشرق مكه وطيبه
لين ديار اللي جنوب القريات
جيب بخفوقي شوق ماينحكي به
أكبر من حروف الشعر والكتابات
شوق مهو شوق الحبيب لحبيبه
شوق الطنايا للكرم وجمالات
ولو قالوا أن الديار ماهي قريبه
بقول : يعني ماتهون المسافات
ماهم بربعي بالليالي العصيبه
أجل وربي ماحسبت المشقات
شـمـر ليا صك الصليب بصليبه
أهجد ياجن وإنس لأهل الطويلات
يرضخ لهم هالطيب حشمه وهيبه
ويرفع لهم بالعز بيرق ورأأيــات
ومن مرهم الطرقي بياخذ ضريبه
فنجالٍ أشدى من خضاب الخوندات
والموقده تشهد براس الرقيبه
ومن طيبهم ماينزلون الطمانات
( والشمري ) من طيب راسه وطيبه
به ميزة ٍ عدت حدود المروات
لاثارت الفزعااات لاتنتخي به
لأنه يثور من طنا دون فزعاات
الله خلقهم للمصيبه مصيبه
وللنار نار وللمعالي ريادات
وللموت موت وللهيبه هيبه
وللطيب طيب وللمراجل سيادات
لكن بهم حاجه ولاهي قريبه
يمكن يخون أبها الشعر والعبارات
إلـيـأ بطشو خلوا المضارب عطيبه
وإلــيـا عطوا مامدوا الا الجزيلات
ماأرفع مكانهم بشعرٍ أجيبه
هم يرفعون شعري مقامات
وأخر مااقول بهالشعر وأنتهي به
بحطها بين قوسين واربع علاماات !!!!
وسلامتكم
وصح الله لسان الشاعر المبدع
محمد بن ساقان القحطاني
hgalvd ! udfi ,udfi HgJJdJJh hvj;n