الموضوع: ( ظاهرة المتسولين )
عرض مشاركة واحدة
قديم 12-02-2007, 03:11 AM
المشاركة 10
الصورة الرمزية كل الحزن

عضو له مكانه في قلوبنا

  • غير متواجد
طرح ممتاز جيت ع الجرح
والله هالظاهرة حتى عندنا منتشرة بكثرة وفي تكاثر مستمر ولله الحمد..

بالنسبة لي انا ما اعطي احد لأني مرت علي أشكال ألوان من هالنوعيات
كل واحد فيهم يتفنن بطريقة التسول
منهم من يجيب لك ورقة يقال لها طبية تبين لك ان معاه مرض خطير ويحتاج علاج سريع
ومنهم من يجيب لك طفل مسكين ويجلسه على كرسي ويلف فيه البلد
ومنهم من يجلس ع الأرض ماد لك ايده..

بصراحة هالفئات ما تنعطى وجه بالمرة
كلما اعطيتهم اخذوا وجه زيادة ويرسلوا لك من طرفهم وجوه مختلفة
لأنهم عارفين انك كريم وما تقصر مع اللي يجيك

ياخي صرنا نشوفهم في كل مكان
في المراكز والحدائق ومحلات الذهب والبيوت حتى المستشفيات ما يقصرون ويجوها
المفروض يكون فيه سكيوريتي(أمن) يمنعون دخول هالأشكال..
وحدة جت عندي في مركز وحاملة كيس من محل معروف وتطلب
قلت لها طيب اقلها خبي الكيس وبعدها تعالي اطلبي

على فكرة تذكرت قصة وحبيت أذكرها عشان تنتبهون لها
وهي طريقة حديثة ومبتكرة عُرضت في المسلسل السوري الساخر مرايا
وأصبحت تُطبّق الآن بكثرة وحصلت مع ابوي شخصياّ في الصيف في سوريا..
وهو ماشي في أمان الله في السيارة وطبعا الأرقام اماراتية
طلع بوجهه واحد رمى نفسه ع السيارة وبعدها رمى نفسه ع الأرض
وادعى ان ايده انكسرت ومتألم ويصيح من الألم
وفجأة يجيك ذاك المنقذ صديقه اللي وقف ابوي وقاله انه دعم الشخص وكسر ايده
ولازم يدفع له مبلغ وقدره عشان يتعالج ومن هالكلام
طبعا كل اللي صار ماهو الا قصة مختلقة وطريقة للاحتيال للحصول على المال
واحنا ولا درينا الا في الوقت الضائع
مالكم بالبقية ولكن حبيت اذكرها
للي يروحون سوريا بسياراتهم الخاصة عشان ينتبهون
من هالأشكال المحتالة..

شكلي زودتها بالإطالة:11age5:
يعطيك العافية النمر على الطرح
والله هالناس مثل ما قلت محتاجة توعية أكثر