باطهً تسبدي هاللقــــافه ؟؟
ياله ان تحيهم كلهم باهل 
اليوم جايبه موضوع ابيكم تناقشونه ومعي
وهو باط تسبدي ومحومها الى مالا نهاايه ..........
}}}}}انعدام الخصوصيه}}}}
كان نفسي افهم هالمنطق العجيب الغريب وطبعا انا موضوعي مدعم بالامثله لسهوله ايصال المعنى 
مثال (1)
انت اليوم بالاستراحه وماسك لك زاويه تكلم وحالك ما اعجبني__ ليه مو شغلك__ بس بعرف مين تكلم كذا فضووول 
انا اعرف واحد بالاتصالات ارووح اجيب قائمه بكل مكالماتك بكل بسااطه واجي احط الرقم قدامك واقول على مين تلعبها على مين يابن الناس( الحين انت تكلم ماتكلم انا وش دخلني, سهوله اخذ المعلومات من الجهه الحكوميه وبكل بسااطه ليه وكاله من غير بواب , ليه اقدر من رقمك اعرف بيتك, ووش تعشيتوا امس )
مثال (2)
قاعده تسولفين ويا اختك دخلت عليكم اختكم الثانيه اقصد العله بنت عمي ههه
وش تقولووون هاه__مانقول شي ضفي وجهتس _
ترا والله ان ماقلتولي لااعلم عليكم المخابرات
ووووو عن هذاك الشي<<الله ابو خيرتس وش هاللقافه لا وبوساعة عين طوالي تهديد
مثال (3)
انت مسافر للشرقيه ويا ربعك وجتكم فكره انكم تنزلون تتعشون بالبحرين
تعشيتوا ورجعتوا الشرقيه فيها شي << مااتوقع
بعد اسبوع رجعت الرياض سلمت على اهلك وينك __ والله رحت الشرقيه ولد خالتك ماصدقك شيّك عليك بالجوازات طالع البحرين يااحبيبي وش تسوي هناك اعلم امك وابوك ودوقي ياربابه (الحين انت وش لقفك ان شاء الله اروح المريخ فلسفه عالفاضي ليه 
مثال (4)
قاعده تشتغلين عالنت ماتدرين الا الي جاي مدخل وجهه بالشاشه وش تسوين
لا والمشكله شايف وش تسوين ويسأل
يناظر الصفحات الي انتي فاتحتهم
يشوف الماسنجر من تسولفين معه __مع صديقتي
منهي صديقتس __فلانه
فلانه ايش __ لاحوووول بتخطبه ولا لقافه عالفاضي
الله ابو الي يعطيك وجه
انعدام الخصوصيه كونك بنت / شاب
هل يعطي الاحقيه لغيرك بالتدخل وبالشكل الفضيع والوقح الحاصل الان .. ؟
هل الفضول يتغلب على الدين والقيم والاخلاق وغيرهاا .. ؟
هل سهوله ابتزاز الناس بخصوصياتهم اصبحت من مواهب الملقف .. ؟
انعدام الرقابه الذاتيه ثم الرقابه الحكوميه والتسيب الحاصل هل هي الدافع وراء تفشي هذه الظاهره .. ؟
في انتظر ارائكم وردودكم..
ابغى اراء مفيده بليز
fh'iW jsf]d ihggrJJJJhti ??
إن مَآت نّـــايفْ ..
كِــلنآ اليوُمْ نــايفّ
التعديل الأخير تم بواسطة الفراشه الزرقاء ; 15-02-2010 الساعة 03:04 AM