الموضوع: ويلهامسون يهين كرامة مواطن و مسؤولين الهلال يتدخلون لحل المشكلة ودياً !!!
عرض مشاركة واحدة
قديم 22-02-2010, 01:44 PM
المشاركة 10
الصورة الرمزية المبتسم
المبتسم
عضوتربع القمه
  • غير متواجد
رد: ويلهامسون يهين كرامة مواطن و مسؤولين الهلال يتدخلون لحل المشكلة ودياً !!!
أخوي

أحسك مو راضي تفهم عمدا !!

وتتمسخر ..!
رومانيا ومدي إيش .. !

الحين مدري وش علاقتنا بشلة مراهقين سووا حركة يسوي بعض المتعصبين - الي أنت تعرفهم زين - أشد منها

ويوصلون لتفضيل اليهود بعد مو رومانيا !!

وانا بصراحة من قريت تعليقك :

(( قبل ما يجي أحد وينبرش انبراشات مالها سنع ... ))

قلت الرجال كنه يبي يكمم الأفواه ويقول لا أحد يناقش.. قولوا صح وبس !!

هذا مو منطق !

أنا يا عزيزي مو ضد العقاب.. أنا أقول لابد نتأكد من القصة بس. ولابد نسمع من الاثنين.. ثم نحكم .

ولو ثبت أنه أساء أو بصق - أكرمكم الله - حسب المزاعم - وبدون مسوغ - ..

أقول لو حصل منه هالأشياء فأنا - وكل عاقل - أول واحد أطالب بنفيه وقبل هذا تأديبه بالسجن والجلد بعد ..

ومن المفترض أنه ما ننشر قصة احنا مو متأكدين منها ونجي نتكلم ونصدر الأحكام القطعية!

وكأننا واقفين على المشكلة بأنفسنا، وشفنا اللاعب بعيونا ( يبصق ) على العسكري !

وأنا قلت لك:

متخلف ما يبصق - أكرمكم الله -

يعني نادرا تشوف شخص حتى لو تربيته تربية شوارع يبصق على رجال!

فما بالك بلاعب دولي محترف أجنبي.. ويبصق..! وعلى من؟ على عسكري!!

مستحيل ! وإن افترضنا ذلك فلابد أن يكون هناك سبب قوي جدا .

وإذا الأمر وصل للإساءة لزوجة الرجال.. فيا عزيزي ممكن توصل للقتل بعد مو بصقة بس !!

وأما مسألة أن الأوربيين أقذر شعب !

فأنا ما أدري وش تقصد بالضبط ؟!

دينيا صح.. وهذا شي معروف..

لكن كتطور وتعامل .. فمعليش !

أخالفك .. واسأل من تعامل معهم شخصيا .


وأتمنى أن بعد الميول عند النقاش .

واحس المسألة ما تستاهل الإطالة فيها ..

وبالتوفيق لك


أعيد وأكرر عزيزي : الاختلاف في الرأي لا يفسد في الود قضية .