الموضوع
:
صفحتي .. ثرثرة وضحكة وهمسة !!
عرض مشاركة واحدة
13-03-2010, 11:38 PM
المشاركة
188
عضو له مكانه في قلوبنا
تاريخ الإنضمام :
Apr 2002
رقم العضوية :
127
المشاركات:
6,276
أخوتكم ومحبتكم هي المكسب .. (1) !!
يالله حي قماعة الربع
بما إن الدعوى صارت تقليد في تقليد
بنغيّر اليوم ونبتعد عن التقييمات اللي صارت موضه
والأساليب اللي صارت استنساخ .. وفوضه << بس عشان يغنيها
قبل شهر ونص تقريبا رجعت .. بعد غياب لفتره
المهم .. دايما ما يفقدك يالواحد إلا الناس اللي تحبك في الله .. وتحس بأخوتهم بدون ما تشوفهم
اثنين من حبايب قلبي في هالمنتدى .. لبى قلوبهم
أول ما دخلت استقبلوني بمشاعرهم الأخويه .. برسايل خاصه كان لها أثر كبير في نفسي
ويعلم الله حجم السعاده اللي كنت فيها وقتها بكلماتهم اللي أشبه بالورود المنثوره عليّ
طبعا .. غير هالاثنين كثير الله يسعد الجميع ويديم المحبه والأخوه في الله بين الكل
لكن
أنا ضحيت بهالثنين وخصوصيتهم .. وجبت العيد فيهم وبحط رسايلهم هنا
من الميانه طبعا << اي هين صرّف وجهز العصابه قبل الفلقه
أخوي الغالي
مجنون نظراتك
.. الجنون فيه مختلف .. كله رقي وطيب ووفاء
أول ما دخلت أرسل هالرساله
السلام عليكم ورحمة الله وبركاته
ياهلا وغلا والله لك وحشة ياشيخ
قاعد اشوف المتواجدين ماصدقت
دمت في حفظ المولى
طبعا على طول .. كأقل واجب بحقه وشرواه .. رديت عليه برسالتي هذي :
وعليكم السلام ورحمة الله وبركاته
المهلي ما يولي .. الله يرفع قدرك ويغليك عنده وعند خلقه
وانتم بعد والله لكم وحشه
أهم شي عساك سميت بالله وما ارتعت يوم شفت المتواجدين
وافي وأنا أخوك .. وراعي واجب ما تقصر
لا هنت على السؤال .. ورسالتك أسعدتني وربي
الله يسعدك ويوفقنا وياكم في الدارين
ودي واحترامي
وخلال رعصي للرساله عشان أدفها له .. كانت رسالته هذي في الطريدز :
معليش ضغطة وراحت الرساله اللي من شوي هع هع >> مطفوق
عسا ماشر يالغالي
صار لك مده منقطع
وان شاء الله اخر الغيبات
دمت في حفظ المولى
فكان ردي :
هههههههههههههههههه عادي ولا يهمك
تصير في أحسن الكيبوردات
أبد الشر ما يجيك .. خبرك بسوي مباراة اعتزال وما بعد لقيت شركه ترعى المهرجان
فشكلي راح أسويه في الحاره أرخص وأوفر وأقرب
خبرك ظروف عمل وانشغال .. وتشبع مدري ملل كلها متجمعه
بعدين العالم صارت تزعل من الصراحه
قلنا نريحهم شوي
لكن نقول ان شا الله اخر الغيبات
الله لا يهينك يا غالي على السؤال والاهتمام .. من طيب ذاتك لا عدمتك
يحفظك ربي ويرعاك
طبعا .. هو ربي يسعده تحمس مع الفكره وكان رده :
لا ماعليك لاتبلش انا ارعى لك المباراة
ابشر بترمزين مي وثلاث اكواب >>> هع هع هع
والله يوفقك
بس عاد الله يهديك اللي يزعل من الصراحة نم على تسبده لين يقول توبة
وماعليك منهم
اهم شي خلنا نشوفك والله مشتاق لكتاباتك وتنكيتك وحركاتك
دمت في حفظ المولى
فكان ردي هذا :
ههههههههههههههههههه أما عاد
قصدي ما تقصر
ياخي أنا قايلك أبغى شركه ترعى المباراة .. موب أتعاقد مع بوفيه يجيب لي ترامس عصير خخخخخخخ
شوي تخرب علي اللاعبين وتجيب شكشوكه ومقلقل
ويوفقك يا رب
ان شا الله إبشر .. بحاول أكتب وأحط أشياء تعجبكم إن شا الله
ويسعدني متابعة مثلك وشرواك .. لا خلا ولا عدم
بحفظ الرحمن
^ ^ ^
أخوي الغالي
مجنون نظراتك
.. أخجلت أخوك باهتمامك وسؤالك يا وافي
والمعذره إذا كان يضايقك إني هليت السبحه هنا
بس لا تخاف .. فيه واحد جاي بعدك يحبه قلبك
يمكن يهوّن عليك شوي إذا شفت قصة حياته
القادم .. أخو ثاني .. الجميع يكن له التقدير والاحترام من رقيه وتعامله
لكنهم ما يعرفون جانب حلو فيه .. ما طلعه إلا سعد الرجه هع
سي يا ليتر .. أليقيتر
<< بدون محد يسأله ترى معناه تمساح بس أتيكيك
™ تشاوو .. يرحمكم الله
رد مع الإقتباس