الموضوع
:
صفحتي .. ثرثرة وضحكة وهمسة !!
عرض مشاركة واحدة
16-03-2010, 12:10 AM
المشاركة
190
عضو له مكانه في قلوبنا
تاريخ الإنضمام :
Apr 2002
رقم العضوية :
127
المشاركات:
6,276
أخوّتكم ومحبتكم هي المكسب .. (2) .. !!
طبعا زي ما شفتوا فوق .. الحبيب الثاني هو أخوي
خيالك
..
أبو دحيّم
.. زي ما أحب أسميه
الله يسعده .. أرسل رساله .. خلتني أنسدح من الضحتس
تخيلت شكله وأنا متفاعل مع القصه .. تعالوا نشوف إيه اللي حصل .. عشان نزيع
<< موب عاقل شبيه زكيه زكريا
أبو سعيّد كيف حالك يا غالي و الله لك وحشه وين الغيبات
عسى المانع خير يارب
المهم أبي أقولك سالفه
الخميس اللي راح مو هذا اللي تو لا اللي قبله طلعت ألعب كوره
مع الشباب في الدوام متقاطين و حاجزين ملعب برشلونه اللي
بشمال الرياض إن تسانك تعرفه
المهم أخوك أبو الشباب ماسك حارس و مسوي الدعيع و الشباب
يريشون بي أحلى الدعيع - أقعد يالأخطبوط و من هالكلام عموما
أخوك في الله اللي هو أنا صدقت إني الدعيع و قفزت على بالي
الدعيع أبرد كوره واحد شايته بكل ما أعطاه الله في رجله من قوه
و أنا قافز و أرد الكوره و جيت أبي أتشقلب زي الدعيع و أطيح
على يدي و أنكسر أصبع أبهامي الأيسر و تعرف جا الإسعاف
و شالوني بالنقاله برى الملعب و سوولي إسعافات أوليه <<< تكفى
أخلص علينا
المهم كل السالفه إن يدي مجبسه إلى المرفق و كله عشان الإبهام
المهم انت وش أخبارك <<< ماخلص هرج أخينا
والله من شوقنا لك ياغالي عساك بخير يارب و سلامه
ربي يسعد قلبك و يسعد أيامك
عاد أنا .. ما أدري وقتها أواسيه وإلا أكمل ضحك على شكله وهو ممزوع وخوياه كاعينها ضحك عليه وهم اللي موهقينه ويمدحونه لين نسى نفسه
المهم رديت بهالرد :
ههههههههههههههههههههه هلا وغلا أخوي أبو دحيّم
ما تشوفش وحش .. وما تفقد غالي يا رب
أبد الغيبه خلاص .. أخوك بدوا يرجمونه الجمهور .. وشكل مباراة الاعتزال قربت
بنعطي الفرصه للمواهب الشابه
أخوي
مجنون نظراتك
متزهلن يرعى المباراة .. مسوي فيها شركة الاتصالات واخرتها يقول بجيب لك ترامس عصير
قايله يكثر من سندوتشات القلابه والشكشوكه دام ذي رعايته خخخخخ
ويالله انت شد حيلك وجب هدية في المباراة .. جب شي ينفع موب تجيب درع والا طقم أقلام
ذا الهدايا ما تأكل عيش
معليش والله .. اني ضحكت غصب على موقفك في البدايه .. مع إني متعاطفن معك وحاس بمعاناتك
يالله .. والله تنرحم على ذا الموقف .. يا شينها إذا الواحد جنبه بكاشين وصدق كلامهم
لا والله ذا الملعب ما أعرفه .. خلاص من تركت الكوره تركت الدوران على الملاعب وطلعت ملاعبن ما هنا مثلها أول .. وإلا أول ما به دوري سداسيات خماسيات فريق كامل ان شا الله باب واحد إلا نشارك فيه .. وتلقى صورنا بكل متسان تسن الواحد يقدم على وظايف موب يشارك بدوريات
أجل منتب عاقل مسوي أخطبوط .. وقالبها شقلبه وتعفط على ذا العوارض وتعنقط
ودي أشوف شكلك .. على ذا الحركات .. شكلك أكثر شي تمشخ مدافعينك وتلكمهم
من كثر ما تطلع للكور بدون توقيت
<< ما وده يقول الشوف شجر
سلامة إبهامك والله .. يعني أفهم إنك ما عاد تعرف تبصم مؤقتاً
ما لك إلا ذا اللي مزعك بالكوره .. تروح له بموية صحه يحط لك فيها من سعابيله .. قصدي يقرا لك فيها والا تاخذ غساله عشان تطيب بسرعه
انتبه تتعبث مره ثانيه .. ومعليش احتمال كبير أحش فيك انت ولعبك في مدونتي
من الميانه طبعا
والله أنا بعد مشتاق لكم بالحيل .. لكن ربك يعدلها
مشكور يا وافي على السؤال وعلى هالرساله الحلوه اللي أسعدتني وربي
الله يسعدك ويوفقنا وياك
خالص ودي واحترامي
طبعا شكله انبسط من الحش والمدح في نفس الوقت
.. فما تاب وأرسل يقول :
يخليك ربي ياغالي الشر مايجيك والله أسعدتني برجعتك
خلاص أبشر و لاتشيل هم خلك من رعاية مجنون نظراتك
و خلها علي ابسويلك مباراة إعتزال ولا إعتزال ماجد عبدالله نفسه
و تران متعاقد مع طقاقه خطيره معها زيران من كبرهن تقول
خبز تميس بالسمن و العسل خخخخخخخخخخخخ
يابعد سبدي خذ راحتك اضحك لبكره محدش ماخد منها حاقه
أفا أجل اعتزلت الملاعب عساك توجهت للتدريب بس
هو صدق الشوف شجر و أحس إنك واصف الموقف صدز خخخخخ
الله يسلمك و يحميك يارب و يسعد أيامك
المشكله إنه اللي مازع الكوره انحاش و أناأراكض وراه ابي امزعه
بس ماش طلع مشارك في مسابقات الألف ميل ماعاد شفت إلا غباره
لا خلاص توبه من دي النوبه آخر مباراه و لا عاد أعيدها مع إنهم
طالبيني في الفيفا العب و أنا معيي
و أبد خذ راحتك عالآخر تمون يابعد سبدي
الله يسعد ايامك و يسعد لياليك اخوي الغالي و عساك دوم بخير
يارب بصراحه و بكل أمانه أقولها الأماكن من غيرك ماهي شي
يحفظك ربي و يديم عليك الهنا
الله يسعدك ويوفقنا وياك
ههههههههههههههههه معليش أخوي أبو دحيّم
صح ما رديت عليك بعدها عشان ما أعكر مزاجك وانت خاش جو شطحات
بس بأكعها الحين .. تصدق أول ما شفت صورتك الرمزيه انت وذا الصقر .. قلت أكيد على ذا اللطمه شكلك راعي مقناص وطيور وحركات
لكن ماش .. خليتني أراجع حساباتي
.. من يوم قلت بتستاجر طقاقه وجبت طاري الخبز والتميس
عرفت إنك وحده من ثنتين يا سواق جمس طقاقات انت ولطمتك
يا راعي فان توصيل معلمات وكل صبح تمر مخبز تميس وفوال عشان الخط
ههههههههههههههههه لا وتقول تلعب كوره وما قدرت تلحق اللي مزعك يوم انحاش
عشان تسذا مسكوك حارس
<< لياقته دمار
هههههههههههههههه أما الفيفا طالبينك تلعب معهم .. لا ومعيي بعد؟!
على بالك الفيفا فريق حواري .. ترى ذولي اللي يكدون على اللاعبين ويستقدمونهم .. يعني هم الكفلاء
<< وين شغالات؟
الله يسعدك ويوفقك يا غالي .. والأماكن دايما متوهجه بأهلها ومثلك وشرواك
وألف شكر يا غالي على السؤال والاهتمام وهالحب الأخوي النقي تجاه أخوك
ربي لا يحرمني منكم وأخوتكم الطيبه
™ تشاوو .. يرحمكم الله
رد مع الإقتباس