ياللي خذيت القلب في ظرف لحظات
ياللي سكنت ابداخلي في ثواني



من يوم شفتك رحت بي للمسرات
خذيتني في حبك لجو ثانى




جو المحبة والوفاء والمصافاة
وابعدت عنى قيدهم طوانى




علمتني كيف أعشقك موت بسكات
كيف اوصل لقلبك وأنا في مكاني




لملمتني بشويش من بين الأهات
داويت قلب كان قلبك يعاني




أعطيتني يمناك رغم المسافات
زرعت بي حب الأمل والأماني




لا قلت: أبشكي، قلت لي:يا الغلا هات
باخذ همومك وأحضنك في حناني




أنت الحنان أصلاً خذا منك عادات
وأنت الحلا له في صفاتك مواني




نبرات صوتك غيرت كل مافات
(بالوشوشه) مثل النغم والأغاني




مقدارك أكبر من جميع العبارات
والمعذرة كان الخطا من لساني