تنشد عن اخباري...بعد غيبة سنين=ياللي غيابك كله آلآم ......واحزآن
غبت
وتركت القلب مقسوم نصين=نصه معك والنص الاخر بالاكفان
فرقاك نار....تحرق القلب يازين=وشفني بعد فرقاك باقي الى الان
وش ذكرك فيني بعد فوت عامين=وش ذكرك بانسان عايش لانسان
مافاد فيك الحب والعطف واللين=الله حسيبك من قسى الوقت تندان
في كل حلم اتخيلك بالملايين=واصحى وادور لك ولالقاك باعيان
واللحين تاب القلب من سلك دربين=حبك وشوفك.. مالهم اي عنوان
لاتقلب الماضي! وتسأل على وين=ابعد وانا ابعد كافي الجرح يافلان