منتديات الأماكن - عرض مشاركة واحدة - الأبحار في سيرة وأشعار منـــــــــــــــادي (( سعد بن سعود بن محمد آل سعود

25-02-2007, 10:39 PM

المشاركة 12

..مٌهرةَ آلخيِلَ..



نظراً لأختفاء اللوحات الشعريه وتعذر تعديلها مع ماكتب ..

افضل ان اضع القصائد المقرؤه بين ايديكم من جديد ..

ولكم مني كل الشكر والتقدير على الأطلاع ..

يلا......نبدأ ......

بعض الحقيقة

عـيـشي عـلى الأحـلام .. يا كـل الاحـلام
والنـاس خـلـيـــهـا تعـــيـش الحقـيـقـه
بـس اعــذري جـفني عـن الحــلم لـو نـام
كثـر السـهــــر ما كـل عـيــنٍ تـطـيـقـه
ان كـان قلـبـك في بحـــور الـهـــوى هـام
وشلـون اجل تضميـن وانـتـي غـريـقـه
مشـاعـرك نسـمـــه ونغـمـــــات والـهـام
بـس الـوهـم عيـب القـلــوب الـرقيـقـه
لـك الـعـذر لـو شفـــتـي بعـيـن الأوهـــام
دمعه لقـت فـالحـلـم بـعـض الحقـيـقـه

المحال

بين المـحـال.. وبـيـن تحقـيـق الآمــــال
مثـل الـذي بالضبـط ..بينـي وبـيـنـك
عزفـت فـي روحـي مـن الـوجـد مـــوال
روح ٍ تـلاعـبـهـا بـنـامل يـديـنـــــــــك
احيـي خيـالـك فـي خيـالـي وتـغــــتـال
حـلـم ٍ جمعنـا ..خـايف انـه يـديـنـــك
دايـم تعـذبـنـي .. ودايـم علـى الــــبـال
الـحـب غلاّ فـيـك زيـنـك وشـيـنــــك
يـزول عـمـري والأمـل فـيـــــــك مـا زال
الشـوق خلـف لـي بـقـايـا حـنـيـنــك
أقــول أحبــــك.. وادري الـحـب قتــــال
اللـه عــلى كـثر الـمـحبـه يعـيــــنك
ولاانت ناسـيـنـي عـلى كــــل الاحــوال
لو مـت مـن فـرقـاك ما قـلت ويـنــك
ليـت المحـال يصيــر لولـــــحـظــه وصال
كان الجـروح تهون .. من شان عينك

أحبك

عينــي وقلـبــي وعقــلي يحبونــــــك
وان بغيــت الحقيــقة..كلـي احبــــــــــك
عاشقـك..عاشـق اوصـافك ومجـنونـك
فـي الزعـل والرضــا قلبـي على قلبـــك
اوعـدك ماجـرح احساسـك ولا اخونـك
كيــف بفـــرح بغيــــرك.. والفـــرح قربــك
مـع نسايم عبيــرك مـالت غصـــــونـك
ومالت النفـس مــعك وسـرت فـي دربك
تدري انـي اشــوف النـاس بعيـــــونـك
لو اكـذّبك شفــت الصــدق فـي كذبــــك
فاتنــي..وش تبيـه يقـول مفـــــــتونـك
والله انــك تـونّـس مـن يسـولف بـــــــك
لـوتحـس بشــعوري يوم مـن دونـــــك
كان تشــكر على كــثر الغــلا..ربـــــــــك
ايه احبـــك.. واحــب اللـي يحبـونــــك
انت.. وانـت الأمــل وشــلون ماحبــــــك

،’
.

اللهمّ احفِظ وأسعد قلوب أحبَّتي ❤

سُبْحَانَ اللَّهِ وَبِحَمْدِهِ ، سُبْحَانَ اللَّه الْعَظِيم ❤

رد مع الإقتباس