منتديات الأماكن - عرض مشاركة واحدة - ♥... تـشـويـه بـلـيـغ ... ♥

18-05-2010, 06:50 PM

المشاركة 41

¸.خَوْاطِر إِمَارَاتِيْه.¸



رد: ♥... تـشـويـه بـلـيـغ ... ♥

السلام عليكم ورحمة الله وبركاته
مساكم الله بالخير
حبيت اني اضع رد لو كان بسيط
في هذا الطرح
الاخ الكبير العطشان
حقيقه انا اتفق معاك اني ما اسلم نفسي لاصحاب
الايادي السوداء اللي دوم همهم الهدم والخروج عن
اي امر مألوف
بس حابه اعلق على جزئية انت ذكرتها
ولست بملزم ان يكون صاحب هذه اليد السوداء عندما يتكلم او يتحدث ان اكون معه او ضده وفي بعض الأمور قد تكون شخصيه ولا لي فيها حيله ولا غيري
انت مب مجبور تكون معاه بس اذا كان صاحب هاذي اليد السوداء
يدعو الى امر غير سامي وغير محبب هل ستقف مكتوف اليدين؟
اكيد لا يا ابوعيدالله
لازم يكون لك بصمه في تغيير صاحب هاذي اليد
فلو كل شخص منا قال انا علي بقناعاتي وما يهمني الغير
راح نفتح مجال لاصحاب هالافكار والايادي في انهم يسرحون
ويمرحون بدون ما يلقون رادع لهم يمكن بعضهم بتوجيهك
يغيرون قناعاتهم الخطأ الى الصواب
فليش تحرم نفسك هذا الاجر الكبير
وانت بنفسك تشوف وتسمع ياما اصحاب ايادي سوداء يدعون
الى تحرر المرأه وانها مظلومه عند العرب وانها وانها امور وايد
بس شو اللي حصل ان اصحاب العقول السليمه والمشايخ القديره
وقفوا لهم بالمرصاد وردوا كيدهم في نحرهم وحاوروهم باسلوب العقل
لقينا ان دعواهم بدت تختفي وهذا اللي ابيه منك يعني
حلو ان الانسان يحاول يغير شي يكفيه شرف المحاوله
وصدقني هاذي مب مجرد حروف على ورق بل انجازات
راح تفتخر فيها بعدين
اخوي ابو عبدالله
انت قلت
والعادات والتقاليد التي قلتي عنها اكل عليها الدهر وشرب مثل أيش بالضبط والتي على حد قولك اصحاب الأيادي
هي تحدث اختي بنوته عن فئه هي ما تقصد عمرها
هي تتكلم عن الفئات اللي يتكلمون بهذا الشي
وبصراحه هي صادقه في الشي اللي طرحته ياما سمعنا
من هالكلام واكثر

بنوته كيوت
واحنا لازم نتغير مع الزمن
مااقول نفقد هويتنا الخليجيه المحافظه بس هم انحاول انطور من انفسنا وعقليتنا
اكيد بيتهموني بشياء وايد ماراح اذكرها .....!
صح نحن لازم نطور من افكارنا وعقليتنا بما يتناسب مع
دينا والشرع الحنيف هذا كلام طيب ما يختلف عليه اثنين
شنو فيها اذا البنت مثلا سافرت تدرس براأبعثه من الحكومه من غير محرم وين الغلط
وين الغلط لما البنت موحابه انها تتحجب او مأجله الموضوع اشوي
ويتهمونه بشرفها بس لانها مو حاطه غطى على شعرها
والدين مو بالحجاب الدين بالقلب وياما بنات محجبات الله يستر عليهم
صح ما فيها شي بس الشي الوحيد اللي فيها انها تكون خالفة امر
نص عليه الدين والشرع يعني سفرها للخارج راح يعرضها لمهالك
غناتي لا تقولين ان الاهل واثقين من بنتهم عسب جيه خلوها تسافر
ليش الاهل ما يفكرون من الامور اللي يمكن تطرأ فجأه ويمكن تعرض
بنتهم للمهالك، البنت بطبيعة الحال عاطفية يعني مهما حاولت يقدر البعض
ان يضرها وليش الاهل قبل ما خطوا هالخطوه فكروا هل الشهاده اهم وايد من
وجود بنتهم امام عيونهم ،
بالنسبه للحجاب ما نقدر نقول الا الصحيح لان معنى حجاب في المعجم
باب الحاء (حجب) هو الغطاء المنسدل من اعلى الرأس الى اخمص القدمين
انا معاج ان للاسف الناس تحكم على الظاهر وتنسى الباطن
وهذا اكبر دليل ان وحده من بني اسرائيل كانت زانيه وترتكب المعاصي
بس لانها اسقت كلب الله غفر لها في حين امراه مؤمنه ما يفوتها فرض
دخلت النار في هره لانها كانت تعذبها
انا مقتنعه في امر ان الايمان ما وقر في القلب وصدقه العمل
يعني ما اقدر اقول للناس انا مسلمه ومتبعه دين الله في حين اني
البس ملابس فاتنه واتغنج في مشيتي وارتكب امور حذرنا منها الشارع الحكيم
وبالنسبه لجزئية الحب العطشان صادق في الشي اللي قاله
حتى في الازمنه السابقه المصارحه في الحب تؤدي الى المهالك
طيب انت قلت ان لي رائي ولي حريتي
لاحظت من كلام العطشان ان محترم وجهة نظرج بس حب يوضح بعض الامور
اللي يمكن البعض منا يجهلها
الحجاب يعتبر حريه شخصيه يعني فلان من الناس
ماله شغل انا متحجبه ولا مبرقعه ولا سفور
هذي شغله بيني وبين ربي اهو ماله شغل فيها
صح كلامج حريه شخصيه وما نقدر ان ننكر هالامر بس
اذا شي غلط هل ادير ظهري له ،رغم انج عاتبتي ابوعبدالله
على ان يدير ظهره لفئة من المجتمع ،
وخاصه ان الداعين الى التحرر كثر
بالعكس لازم انصح بدال المره مرات ما اعتقد اذا قدمت
نصيحه راح اضرر بشي بالعكس الله الهادي ويمكن اكون سبب
في هداية الشخص والامور الايمانيه نحن ما نقدر ننكر انها بين العبد وربه
بس الرسول عليه افضل الصلاة والسلام قال
من رأى منكم منكرا فليغيره بيده فإن لم يستطع فبلسانه فإن لم يستطع فبقلبه ، وذلك أضعف الإيمان
ثانيا السفر بمحرم بالله البنت ماعندها محرم
تضيع مستقبلها ولا شلون
الدين يسر مو عسر
اختي الغاليه ليش ما تكون لج نظره بعيده يعني في ذمتج البنت
في بلادها وهي مب سالمه من الضرر ومن امور انتي وغيري ادرى بها
يعني عادي البنت تسافر وهي مخالفه لنص الشرع الحنيف
بس من اجل شهادة ، والله ما يسوى علي اضيع جزء مهم من ديني
وما منع الشارع الحنيف سفر المراه بدون محرم الا من خوفه وحرصه عليها
وصدقتي الدين يسر مب عسر بس مب على حساب مخالفتي لنصوص لا تقبل
المجادلة
والعادات والتقاليد اللي كنت اقصدها وايد
مثل بنت العم لولد العم
× التحيير < التدمير
البنت مالها راي بشى مايصير تكمل دراستها توصل لمرحلت تخلص المتوسط مثلا
واهلها يقعدنها خلاص اكتفت من العلم لان عيب البنت تكلم دراستها
حقوقها مهضوم بكل شي
وهذي حقيقه وكل كلامي موجود فئات منه بمجتمعنا
بس الكل خايف او مستحي او ماعنده الجرئه انه يتكلم
امر التحيير امر ما نص عليه الدين بس هاذي من افكار البشر
اللي يستحدثون امور توافق مبتغاهم ويجعلون منها منهج
واشهد انج صادقه في كلامج ان هالفئات موجوده في مجتمعنا وايد
وبالنسبه لطرحج انتي كسرتي حاجز هو ان بينا وجهة نظرنا بدون
خوف او مستحى بالعكس الجرأه هي السلاح اللي تسلحنا بها
في ابداء راينا لج
الحين أنتي ربطتي بين المستقبل وبين الشرف
البنت إذا حاطه في باله أنها تدرس وتفوق وتنجح راح تواصل للي تبيه
وإذا كانت ناويه على اللعب والخرابيط وغلاتج واهي في بيت أهلها
وبين أخوانها بتلعب وبتخربط وماله داعي للسفر برا
عزيزتي بنوته اختي البريئة تكلمت بكل صراحه يعني
في ذمتج الحين قبل ما تسافرين تسمعين ونسمع شكثر
جرائم الاغتصاب وحوادث من امور يشيب لها الراس
البريئة وضحت هالامر ولا ربطت بين المستقبل والشرف
بالعكس هي بينت حقيقة مجمتع يمكن البعض يجهل المعلومات عنه
بس هي اعتمدت على الصراحه وقالت اللي احتمال يستوي
فيعني مثل ما انتي تحدثتي عن الايادي السوداء هي بينت لج
حقيقة البعض منهم
واشهد انج صادقه يوم قلتي اللي يبا اللعب والخربطه يروم
يسوي هالشي لان بكل بساطه ربج قال ان كيدهن عظيم
بس في هالزمن الحرص واجب لان لا فات الفوت ما ينفع الصوت
اوكي أنا ربيت بنتي صح وعلمتها وأهلتها من كل النواحي
ليش ماعطيها فرصه وهم أنا أشوف كل سنوات اللي ربيتها فيها
جابت نتيجة ولا لا
ويعني ما اعطيها فرصه الا يوم تسافر للخارج
غناتي خلينا نتكلم بمنطق العقل
في ذمتج البنت تقدر تواجه قسوة الغربه
نحن في زمن صعب ما انكر ان البنت تغيرت الحينه
اصبحت اكثر قوه بس هذا ما يمنع ان الاهل يخافون عليها
وما اعتقد ان الدين منع هالشي الا لحكمه جليلة
يعني مادري بصراحه
شككتوني بنفسي بأني انسانه مو مؤمنه والعياذ بالله
حسستوني بان كلامي كله غلط
حرام نتناقش ونحترم اراء بعض
بالعكس غناتي نحترم رايج وعلى راسنا من فوق
وصدقيني ابدا محد فكر بالشي اللي قلتي عنه شككتوني
هم مثل ما انتي ناقشتي هم ناقشوج وبينوا لج
وجهات نظرهم واحترموا اللي قلتيه وانتي بعد ما قصرتي
احترمتي وجهة نظرهم
بعض الناس عادي عندهم بنتهم تسافر للخارج بروحه لأنهم واثقين فيها
وربوها تربيه صحيحة
بس خايفين من لسان الناس يعني بنت فلان سافرت بروحها أكيد فيها وفيها وفيها
صح انا معاج ان في ناس يفكرون بهالشي والامور طيبه عندهم
لدرجه انهم خافوا من الناس ولا خافوا من رب الناس
لكن اذا واجهنا مثل هالفئة من البشر راح نقدم لهم نصيحه
اذا قبلوها اهلا وسهلا واذا ما قبلوها اللهم اني بلغت
في أمور أولى آو يجب أن تعطى الاولويه بالنسبة للكل للالتزام بتعاليم الدين الإسلامي
صح الاولويات وايد ولازم نهتم فيها وبما فيها مسألة الحجاب
اللي تعتبر اولويه مهمه في قاعدة الدين الذي يسعى الى
ان تكون البنت كالجوهرة المصون
أنتي لبستي الحجاب أنتي اخلاقج زينه ومحترمه
مو محجبة مو زينه وفيج وفيج
يعني أهم شي عندهم المظهر الخارجي ويتركون الجوهر
مبدا اني ادور رضا الناس شي غلط ومستحيل احققه
سواء بالحجاب او غيره
اللي المفروض علي اني اسوي الشي اللي يرضي ربي
ثم يرضيني
الناس وان كانت ادور الظاهر انا بكون احسن عنهم وما بحكم
على خلق الله من ظاهرهم
الا بكون احسن واخير عنهم بدور على الباطن السليم
أنا ماأست لهم علماء يقولون هاحجي من يايبته من عندي
هذي حقيقة
العلماء حديثهم كثير يحمل الخطأ والصواب انا باخذ اللي
يوافق ديني واللي يعارضه بضرب فيه عرض الحائط
احنا الحين قاعدين نعيش بجهل لعلمج رضيتي ولا لا هذي حقيقة
حقيقه اقدر اني اغيرها وابين عكس الشي اللي ماخذه العالم عني
وهو اني اوضح لهم اني امتاز بعلقية راجحه هو يفتقدون لها
والكل داري عنها بس محد مو راضي يقتنع
مب سالفة ما نقتنع السالفه انج انتي مب راضيه تتقبلين صراحتنا
اللي تبتعد عن المجامله
وخصوصا احنا بالخليج عايشين بالرفاهية محد راضي آو حاب انه
يتعلم ولايتثقف لان كل شي متوفر لهم ليش يتعب نفسه بالتفكير
والله يعتمد على كل شخص وميوله اذا الناس عقوا نفسهم في النار
اسوي مثلهم والله بكون احسن عنهم بسوي الشي اللي هم عاجزين عنه
وهالشي واضح ان العرب بدوا يفيقون من غفلتهم ويحققون انجازات ما
نقدر ان ننكرها يمكن قلة قليلة لكن املنا بالله كبير ان نحقق غاية ساميه ترضي الله
أنا ماغلطت على أحد اذا الموضوع
مو عاجبه مو لازم يرد محد مجبر بالرد
غناتي انتي كنتي صريحه وايد وهالامر اقدره لج
وتأكدي انج ما جبرتي احد بالعكس نحن ردينا لان
حابين نوضح بعض الامور اللي يمكن يحدث من خلالها لبس
أنا اخذ الكلام سواء من يهودي ولا مسيحي ولا مسلم
آو حتى كافر ماعندي أي مشكله دامه صحيح ويزيدني ثقافة ليش لا
اختي نفحة العود ما منعتج انج تستفيدين من ثقافة الغير
بمعنى لكل مقام مقال
بس الحين احترم كل واحد وديانته وما انظر له على انه مسيحي أو كافر أو يهودي
انظر إلي أفكاره ومبادئه وخذ الصحيح واللي يتفق مع أفكاري وأطورها لصالحي
اختي بنوته وسعي صدرج
اختي نفحة العود ما طلبت منج ما تحترمين الديانات الاخرى
بالعكس من تعلم لغة قوم امن غدرهم
وانا معاج اخذ الافضل واسخره لفعل ارقى واسمى

وهم الشمال انت قلت في وجهة نظرك
حين نربط بين العادات والتقاليد المكتسبة من المجتمع الذي نعيشه
وبين تعاليم الدين الإسلامي الحنيف
هذا خطأ مع احترامي لكِ كيف نفصل أمور الدنيا والمجتمع عن الأسلام وهذا هو ديدن العلمانية
اخوي وهم حبيت اوضح لك امر
اختي بنوته كيوت ما قالت ان نفصل بين امور الدنيا عن الدين
هي قصدها ان الامور اللي يستحدثها البشر وما يكون فيها نص صريح
في كتاب الله ورسوله بعض الناس يوم تناقشه فيها يرد عليك انها من تعاليم
الدين الحنيف والدين منها بريء

البريئة
انتي قلتي في طرحج
لذا أستغرب ضربك لتعاليم الدين عرض الحائط
بكل امانه هي مب مقصدها انها تضرب بقوانين الدين عرض الحائط
هي انسانه متحمسه وخاصه مثلج عارف ان الوحده يوم تتعب وهي تدرس
تحب انها تواصل ركب مسيرة التعليم عشان تتميز
اختي بنوته مب مقصدها تجاهل الدين لا
لاني ادري فيها باين عليها وايد حابه التعليم
وهي مب ملاك ما يغلط بالعكس حلو انها بينت
رايها بصراحه عشان نقدم النصح لها
وتقدم هي لنا النصح
نسال الله العفو والعافيه
حبيبتي بنوته .. لما ديننا يقول لنا شي لازم نسويه بدون
مانقول ليش ؟!
ولا نحاول نطلع لنفسنا اعذار وطرق ملتويه
عشان نقنع نفسنا إن احنا معذورين وان الشي اللي نسويه صح !
عزيزتي البريئة صدقيني اختي بنوته ما حاولت ادور
طرق عشان تبرر اسباب لكن هي صريحه وايد يعني
قالت شي واقع نعشيه ويطبقه للاسف البعض
بدون ما يفكر في العواقب
مو اي موضوع النقاش مفتوح فيه !
الأمور المتعلقه بالدين وفيها نصوص شرعيه ثابته
مو مسموح لنا احنا نتناقش ونعترض عليها !
اختي البريئة بالعكس انا احترم بنوته لانها ناقشت تعرفين ليش
يمكن بعض الامور ما تعرف عنها فمن واجبج واجبي انوضحها لها
احسن من انها تكون ساكته ولا تقول اللي في خاطرها
واكبر دليل الرسول عليه افضل الصلاة والسلام كفار قريش يوم كانوا يحاورونه
في امور العقيده كانوا جاهلين لها فالرسول بينها لهم عن طريق ذكره لبعض ايات
من الذكر الحكيم
يعني مبدأ ان الواحد ينقاش في امور الدين هذا بالنسبه لي
حاب ان يعيش على بينه وان يتبع الصحيح احسن ما يستمر في الغلط
وبنوته ابدا ما فكرت انها تعترض هي قالت اللي في خاطرها
بكل صدق وصراحه بدون لف ودوران عشان جيه انا احترمها
ما جاملت واحترم صراحتها
اللي خلتنا نبين لها امور مهمه يمكن ما كانت تدري عنها

أماني
انتي قلتي اختلاف الرأي لايفسد للود قضيه
وبصراحه الين شرع الله والكل يوقف
صح الاختلاف امر لا يفسد للقضيه ود
وتأكدي بنوته ابدا ما فكرت انها تتعدى حدود
وضعها الدين هي تحدث بصراحه لا اكثر
المفروض ان نحترم صراحتها ونصحح لها الاخطاء
ان وجدت

نفحة العود
انتي قلتي في نصج
اختي انتي اسأتي لكل العرب هذا اولا
حقيقه ماذا نتوقع من يهودي
وماذا نتوقع ما يقوله في حق العرب
الشي الثاني مافيها شي لو حصل فهم غلط بالامكان التنبيه بافضل من كذا !صح انا معاج التنبيه شي مهم يعني مبدا نفسي نفسي هذا
شي انا ما احبه صراحه
الشي الثالث والاهم : انه عجبي تاخذين من كلام اليهود باقتناع وتقتبسينه في ردودك بينما كتاب الله اللي امرنا بالحجاب تناقشين فيه
هي صح خذت مقوله من كاتب يهودي ونوهت على هالشي وهالامر احترمه وايد
في بنوته ، لكن اختي نفحة العود ليش تحسسونها انها اذا ناقشت
انها غلطانه ليش ننظر الى الشي السلبي ليش ما يكون منظورنا ايجابي
البنت حابه تعرف وتتعلم وتقتنع عشان لو حد في يوم من الايام واجهها في هذا
الامر ترد عليه رد يسكته ولا يقدر يتكلم بعده
هي مقصدها المعرفه وليس الجدال وبس
معليش يعني نفهم من كلامك انه الدين لما تكلم عن الحجاب والسفر بمحرم وعدم اقتناعك بهذي النقطه معناتها ان مو صحيح ولا يزيدك ثقافه !!
اختي نفحة هي مب قصدها هالشي ابدا ولا فكرت فيه هي
نقاشها حابة انها تضيف معلومات كفاية في جزئية الحجاب اللي
اكثر الجدل استوى عنها
وتعتقدين انهم محترمين ديانتنا مثل ما انتي محترمه ديانتهم ؟؟
مبدأ احترام الديانات امر ما نقدر ننكره بالعكس هذا امر
حث عليه ديننا بدون المساس في عقائد الناس
صح ان اغلبيتهم يحاولون يشوهون صورة الدين
لكن لكل شي حدود ان تجاوزوها وجدوا منا
ما لا يسرهم وان التزموا الادب التزما اخلاقيات الدين في كل امر

بعد ما علقت على بعض الاراء يه دور اني اعلق
على النص

حين نربط بين التفكير المتحرر ... وبين العلمانية
للاسف فئة من البشر اذا شافت الشخص متحرر
تقول عنه علماني رغم ان يدعو الى امور ما تخالف
لا شرع ولا نص قرآني بس لان كان متحرر وتكلم عن هالامر
بكل صدق وصراحه وهالامر ما وافق عقول البعض
اتهموه بالعمانيه هذا اذا ما اصدروا عليه حكم القتل
حين نربط بين الحب ..... وبين والجنس
هالجزئية تعتمد على المحبين انفسهم ومدى رؤيتهم الى عمق الحب
رغم ان لدي قناعة ان الاغلبيه مقتنع بهذا الشي وان شي واقعي وحقيقي
لكن لكل منا وجهة نظر نحترمها ونقدرها

قبل ما انهي حديثي حبيت اني اوضح امر
على بنوته كيوت انها تكون (حليمه-صبوره-لينه-مستمعه)صدقيني اذا التزمتي بهذا الشي والله راح تلقين موضوعج وصل الى
هدف انتي ابدا ما تتخيلينه لا تخلين سرعة الانفعال تخليج تفقدين اعصابج
بالعكس تحكمي في كل جزء فيج والله يوفقج يارب

على الحاضرين التزام الاتي
عدم الحده في الردود
تقبل وجهات النظر والنقاش فيها
عدم استخدام التجريح
الصراحه التامه

انا قلت وجهة نظري اللي اسال الله انها تكون صائبه
واذا اخطئت اسال الله المغفره

وكل ما تم ذكره هو عباره عن وجهة نظر
تخصني ولا الزم اي شخص بها

وقبل ختام الحديث

اشكر من وجهه لي الدعوه في وضع وجهة نظري في هذا الطرح
ويكفيني فخرا ان كان واثق
اني راح اقول شي طيب
والشكر الاخير لصاحبة الموضوع اللي سمحت لي اني اعلق على وجهات نظر اخواني واخواتي

واسال الله ان يحقق لنا الهدف الرائع من النقاش اللي اتمنى ان يبتعد عن العصبيه
ويمتاز باللطف والاسلوب البعيد عن الغضب والتجريح
والله الموفق
احترامــــــــــــــــي
راقيه في حضورها

رد مع الإقتباس