البارحه ربي كتب لي و
مريت .... درب عليه بروق الاحباب لاحت
جيت المكان اللي جمعنا و خفيت .... و قامت جروحي للجوارح و صاحت
يا ليتني في لفة الدرب زليت .... كان العيون من الدموع استراحت
التم غيم الدمع من يوم لفيت .... و ورقا القصيد لشوفة الغيم ناحت
و ضحكت ما ابغي الناس تدري يبالفيت .... لكنها غصب على العين ساحت
حارت دموعي في عيوني و صديت .... و ارمشت ما ابيها تبين و طاحت
و عقبه برق فالعين براق و اسقيت .... خدي ووناتي بصدري تلاحت
وانا احسب اني في فراقه تعافيت .... وان عيوني من مدخل الزاد زاحت
اللي يحسب اني على البعد سجيت .... والا عيوني للرقاد استباحت
يا ليتني من قبل لا احبه اقفيت ....ولا دروبي عن دروبه تناحت
اهون علي من البكا و التناهيت ....و اشلى من سدود على الناس باحت
عرفت كيف الحي يفرق عن الميت .... و عرفت قيمة نعمتي يوم راحت
قولوا له اني عقب بعده تدانيت .... و رجلي عن دروب المعافين شاحت
البعد نار و طاعة العذل كبريت .... يقصر على بعده ترى الكبد فاحت