منتديات الأماكن - عرض مشاركة واحدة - صَخبُ الصَمتِ أجبَرنِي |[لِلكلآم]|..~

14-07-2010, 09:29 AM

المشاركة 29

إمرأه من كل العصور

عضو عطرنا بِــشذاه



رد: صَخبُ الصَمتِ أجبَرنِي |[لِلكلآم]|..~

لو سمحت ثنين قهوه..
- وين كنا..؟!
وين وصلنا بالسوالف..؟!
إيه ذكرت..
كنت أقول لك ليش ذبلنا..؟!
ليش صارت يابسه فينا العواطف..?!
ليش قلبك منطفي..؟
وليش قلبي صار مدينه موحشه..ليل وعواصف..?
ليش يدينك بارده..
وصبحي بين يديني خايف..?
ليش صرتي وأنا يمك ماتشوفيني في قربك..!
وانا في حضرة نهارك ماني شايف..!!
ليش..
أنا آسف..
اشربي القهوة قبل تبرد ويطغى مرّها فوق الشفايف..
وين كنا..؟
إيه ذكرت..
كنت أقول....
ولا خلك من كلامي..!!
الكلام كرسي خشب ..
مايحضنك في حنان أو ينسيك التعب..
الكلام في أوله بس أوله عشب..
وفي الآخر لهب..
الكلام..كرسي خشب..
وش فايدة كثر الكلام..؟!
قهوه أحسن..!!
اشربي القهوه بردت..
ولهفة الحب بردت.. واللقا.. وباقي العتب..
اشربي القهوة أظن..
موعد الفرقى قرب.....!!

0
0

رد مع الإقتباس