~|| دكتور [ تكفى ] .. مانبي نكون شخصين ||
دكتور يالله جهّز الغرفه ألحين
وناد استشاريين علم الجراحه
بنجيك أنا واللي عشقته من سنين
من بـعدنا ماشافت العين راحه
دكتور تكفى مانبي نكون شخصين
شف لك طريقه تختصر هالمساحه
مابي تخلّي بيننا يسار ويمين
ادمج بعضنا ببعض لوهي إباحه
ماألومك إليا قلت عنّا مجانين
العقل راح وسمّح الله مراحه
حنا نتبنّج من تجي العين بالعين
ماحنّا بحاجه للمخدر صراحه
دكتور لحظه بس تبي تبدي منين
أبيك تبدى فيّ ما أقوى صياحه
ما أقوى نزيف الدم من ناس غالين
وما أقوى على دمعه بحزة مطاحه
دكتور تكفى بس أعلمك بأمرين
ودي صباحي مايفارق صباحه
هالآدمي يسوى بعيني ملايين
حكمت قلبه واستطعت اكتساحه
لكن أمانه تبتدي فيني ألحين
حاول تخيّطنا بسلك الجراحه
000000000000
تحيا تي
Z|| ];j,v F j;tn D >> lhkfd k;,k aowdk ||