ياذا الفايرفكس .. ليتني مانزّلته!!
سلام عليكم
انا عندي مشكله .. واحمّلكم انتم المسؤليه ..
في الحقيقه انا ماكان ودي انّزل ذا الفايرفكس لأني احب قوقل كروم
وش نسوي عاد صار اللي صار ونزّلته !
وبعدين شفت الاعضاء يمدحونه والعيّار يقول ازين شي للأماكن فايرفكس قلت يلا ننزّله وش ورانا !
المشكة ان اول ماحملته قامت تصير اشياء غريبه في جهازي !
اعطيكم مثال
كلما جيت اتصفح في الأماكن يطلعلي مدري وشو ويقول نبي ننزّل لك أغنية مدري وشو وماينتظرني اعطيه الموافقه
لا يوافق من نفسه ويبدا تحميل .. ولا كأني وليّة امره !!
وبعد مايخلص شغله يقول خلاص تم .. اسأله طيب علمني وش السالفه يقول موشغلك !
ويطلعلي شي زي كذا
وبعدين فجأه من زاوية الشاشه يطلعلي شي صغير يقول كذا !
المشكله يوم اني ابي اشوف وش ذي الاغاني اللي مزعجنا فيها وينزّلها من الصبح
يطلعلي هذا !
يعني مايكفي انه غاثنا بهالتنزيلات .. آخرتها مايشتغلون !
صدق لاقالوا شين وقوي عين !
مره من المرات .. كنت اتصفح وهو كالعاده شغّال تنزيل !
بس هالمرّه ماقَِدر يكمل لان الدسك ماعاد فيه مساحه من فعايله الله ياخذه !
وجا يقول ترى مافيه مكان .. مااقدر اكمل شغلي!
طيب وانا وش اسويلك !!!
من اول اقولك لاتنزل وانت معطيني طاف .. ماغير تعبّي في هالدسك!
هذا شي .. الشي الثاني
صفحة اليوتيوب ماتطلع ليه .. يعني مثلا ً يوم دخلت موضوع العذوب الي في قسم اليوتيوب
يطلعلي كذا ..
الأعضاء يشوفون المقطع ويضحكون .. وانا مو داريه شسالفه !
ويوم اني انقر هناك مثل مايطلب .. يقوم ينزّل برنامج عبودي ( Abode )
اقول له .. طيب انا عندي ذا البرنامج من اول في جهازي .. وهو يسوي نفسه مايسمع ويكمل تثبيت البرنامج
اقول له طيب اسمعني شوي
مافيه .. شغّال الأخ!
وبعدين يجي يقول بكل براءه ترى عيّا يكمل تثبيت لان مافيه مساحه في جهازك !
مو انت اللي عبيته بأغانيك
الشي الثالث .. صار لي يومين وانا ادوّر الفيفوريت (المفضله) حقت الفايرفكس
وييييينه فيييييه !!!
قسم يجيب الأعصااب ذا المتصفح !!!
آخر شي زهقت من هالمتصفح .. وقلت خلني امسحه بس وارتاح وش اللي حادني .. يازين كروم!
رحت على الكنترول وجيت ابمسح فايرفكس
مايخليني
تطلعلي نافذه تقول هوا دخول الحمام زي خروجه !!
لحوول وش ذي اللبلشه !
عندكم فكره عن الموضوع ياجماعه ؟؟
جاب لي السخونه قسم
dh`h hgthdvt;s >> gdjkd lhk.~gji!!
التعديل الأخير تم بواسطة مبسوطهـ !! ; 17-03-2011 الساعة 06:14 PM