لكل الشعب السعووودي بدون استثناء
السلام عليكم ورحمه الله وبركاته
شعب الاماكن فرد فرد
كيف حالكم !!!
اول شي مبروك الراتبين >>
ثاني شي مبروك تثبيت بدل غلاء المعيشه اللي ندري عنها منذ مبطي
ثالث شي مبروك ترقية العسكريين المستحقين للترقية وغيره
رابع شي مبروك الاجازة اللي ماكان احد متوقعها
خامس
سادس
.
.
الخ
يالبى قلوب اخواني اللي صحوا اساعه 7 وهم متروعين مو عارفين عن المكرمه :d
والاكيد جاكم خير .. ويالله من فضلك !!
الله يدومها من نعمه
اكيد تذكرون الفتره اللي طافت لما اشتكى الشعب السعودي وبصووووت واحد
المعيشه غاليه علينا يابو متعب
وهو ماقصر سوى جهده في الموضوع
* مع اني شخصيا اقول في قرارت نفسي صح فيه غلاء بس مو ذاك الغلاء
* في الوقت نفسه نحن انفسنا نشتكي من تلبية رغباتنا وشهواتنا
ومدري!! فيه فرق بين الثنتين !!
أذا الحاصيله بتكون صرف الاموال
مثلا مثلا مثلا ....
الحين ابو متعب الله يطول بعمره قرر وأمر بصرف راتبين لكل موظف تابع للدولة
وصرف مكافئتين للطلاب
حتى منسوبي شركة الاتصالات وبنك سامبا صرفو لهم راتبين>> حركه كوويسه ياليت يسونها بين فتره وفتره>> تبطين عظم :d
لكن ياترا البعض شلون بيتصرف مع مارزقه ربي من خير... وش مخطط له ؟!؟!
فلانه من الناس بتقوم وتطق لها جوال آخر موديل بمبلغ وقدره
وفلان يقوم ويطق له سياره أجدد من اللي معه
وفلان اخر يطق له شقه غير اللي معاه
وفلان ,,, وفلانه .... الخ
طيب وبعدين ...!!
وانت وانتي موب بحاجة هالاشياء اللي هم سووها في الاصل
البعض من شعبنا يشتكي من أي شي .. لكن بالاصل هو أساس الشكوى
ليه اروح اربط نفسي بالتزامات .. وهي بالاصل مانيب بحاجة لها
ليه اروح اشتري سياره .. ومعي موتر ولا اطلق منه
هاللي بيشتري جوال جديد .. معه جوال وشاريه قبل شهرين تقريباً ولا أحلى منه
وبعد هذا كله اقول والله المعيشه غاليه يابو متعب"" >> اتوقع تقولون كذا
ياناس لاتشدوا على عمركم .. ولاترخيوا >> متعوب عليها الين طلعت
اخيرا : مع ان الكلام يطول...
وقفه مع النفس في النظر لحالك ..!!
وش رايك بما طرحت ؟؟
عنك اضافه او تنويه تفضل ..
ادام الله عزكم
اختكم : سنـ الفضه ـا
g;g hgauf hgsu,,,]d f],k hsjekhx
ربيَ عَلقتُ أمنيةَ بِمسمار الرَجآء عَلى بابِ السماءَ !
رَبي هي بينَ يديكَ ، بينَ كافٍ وَنُون قُل لَها :
كُوني .. لتكونَ
التعديل الأخير تم بواسطة سنـ الفضه ـا ; 19-03-2011 الساعة 10:20 PM